其實當初4個玩法係新鮮嘅(雖然都俾人話抄)但起碼keep到恐怖感,村民、電鋸佬、天黑後先出現嘅寄生蟲、最後邪教徒,仲有隻4核雞泡魚⋯⋯
可能有三上加持,起碼保持到隻game唔會虎頭蛇尾,恐怖感唔會去到後段走樣,仲知道大家要ada俾ada你,傭兵mode再送久未露面嘅Hunk同超人Wesker,中晒fans心水
但5、6班製作人就真係奶屎喇。
5個chris變猩猩(明明Jill用返舊樣,做乜Chris又轉?)
「日光下嘅恐怖感」當時題材好新穎,的確頭幾關係幾正,但都俾人feel到係翻炒bio 4個模式,零解謎道具即拎即用真係得啖笑⋯⋯賣點只係轉左日頭場景同2p玩法⋯⋯後段仲開始暴走,火力到屠殺敵人。
而且唔知幾時開始經費去咗拍電影咁,過場用motion capture講耶穌口水多多,打大佬就得個一陣,仲要重覆又重覆(你有FF級數嘅過場我又唔怪你,可惜又唔係)不過結局總算了左元祖Chris同Wesker嘅恩怨情仇。算告一段落。
Bio5DLC反而條以正傳,有返Chris+Jill+Wesker,有大屋仲有大老闆(可惜介紹仲少過umbrella另外2名巨頭,bio 0嘅Marcus同CV嘅Ashford家族)
Bio6根本係走火入魔到拍《狂野時速》咁⋯⋯恐襲香港炒飛機炸坦克爬上地鐵打大佬。旁觀者真係可以當睇戲咁睇,但玩嗰個就好辛苦,無止境(子彈)咁喪射喪打,等夠鐘/達成條件就去片~之後又繼續射射射打打打。
角色忠奸太分明,行出嚟就係奸角樣,最後又一定係打針變怪物⋯⋯冇恐怖冇解謎冇陰謀、窮得只剩特技片
玩完荷里活式爆炸片元素後,bio7竟然走美國B級公路恐怖片元素。德州電鋸+七夜怨靈(即鬼妹版貞子)+千屍屋⋯⋯出到嚟效果仲好過6,解謎元素都叫返翻嚟,但其實似個期好興嘅「密室逃脫」遊戲,但起碼都有解謎元素
不過都係各巴打個句,一上船就出事,明顯趕收工咁。唯有頭段欣賞多啲,成間木屋同周邊環境真係設計得幾認真,左穿右插好有以前bio1時洋館,就算不斷走過同一條走廊你都唔會覺得隻game無聊。
Bio rev1同2當年冇3DS冇得過,聽人講有返恐怖感。等遲下平啲先買返⋯⋯