[男人唔可以霉] 為咗報仇，我開始玩tinder

加速

我識早啲咁諗就好啦，唔洗sad咁耐
宜家個心舒服好多
同過好多fd呻過，佢地都講唔到呢啲嘢
睇黎要多啲上連登

F5

勵志又好
自我安慰又好
Don’t give a F 都好
其實係要睇開啲姐

比D面主角啦 有D正野啦好冇 應承我

J鋒真係好似我個濕鳩ex明知佢有幾個唔同嘅女朋友，甚至有次竟然全頸咖哩雞都去見我，但我都選擇信佢啲大話，仲要因為比佢飛而頹左半年

LM

下個會更好，以後帶眼識人

睇開咗就好

crystal無理到我，隔住個咪，就算唔理人都顯得自然得多。

而且我係一個毒撚，又點會敢追問。

所以呢個問題我馬上就收返入個心入面。

嗰晚同佢打咗幾場，都係贏多輸少，輸嘅場合都係因為有啲好撚豬嘅豬隊友，而我地傾嘅話題都係圍繞住隻game，傾下邊啲英難用，邊啲英op，咩英配搭得好，隻game有咩位做得唔平衡等等。

睇嚟係我誤會咗佢係為咗迎合J鋒先搵我練打機，喺呢幾個鐘入面，我感受到佢對遊戲嘅熱衷。因為一個唔鍾意打機嘅人根本無可能喺呢個話題上面講到咁多嘢。

我最初問嗰個問題，就好似從來都無出現過一樣。

直到打完第六場，我同佢都覺得攰、準備休息嘅時候，臨offline之前佢問我：

「你幾多號電話？」

我當堂嚇咗一跳，成晚嘅劇情發展都唔係按我遇想嘅套路進行，我覺得有啲不安。

當我睇唔穿對方嘅想法同目的嘅時候，我就會好不安。

自從小學嘅amy事件之後，我開始學識睇人眉頭眼額，我相信憑住徹底嘅觀測，就可以大概知道對方嘅想法，從而喺有事發生之前做好應變處理。

所以一直以嚟我同人相交，都會先保持一個恰到好處嘅距離，喺肯定對方唔討厭我之後，先會慢慢、慢慢同人行近。

而呢個crystal就同阿欣一樣，一嚟就殺我一個措手不及，永遠都唔係按我預想嘅軌跡去行動。

我唔識應對呢類人。

「6xxx xxxx」我無時間思考落去，所以就講咗自己電話出嚟。

佢想whatsapp我？facebook傾唔係一樣咩？

正當我仲諗緊嘅時候，電話已經傳嚟震動。

「喂？」我接聽。
「喂，係喎，我仲未知點叫你好，我跟阿鋒咁叫定係叫你game名…墮落剎神…？」

屌！！！啲咁撚羞恥嘅名佢到底係哪兒來的勇氣讀出嚟！！

「叫…叫我阿飛得喇…個ac名…我…我有解釋架…」
「幾型吖！」

屌你咩…型條鐵？我心諗。

「個名呢…J鋒改架…」
「J鋒？你叫開佢J鋒架？但佢英文名唔係jason喎，點解嘅？佢改你game名又係咩事？」一講起J鋒，crystal就好好奇咁問。
「前排同佢單挑咗場，我輸咗…咪俾佢改咗個咁嘅ac名囉…」
「唔係吖，幾型吖，哈哈！」
「你唔可以因為個名係J鋒改嘅就覺得型架喎！」我講。
「哈哈！點解你叫佢J鋒嘅？」
「呃…你可能要問返佢喎…」

唔通我又話你知，呢個花名同叫佢usb鋒差唔多道理咩…

「佢就係咩都唔同我講…所以…」
「所以你就想同我打聽一啲關於佢嘅嘢？」我問。
「嗯…係呀…我係咪好衰呀…」
「哦…唔係，人之常情啫，條死剷又真係收埋好多秘密。」
「例如呢例如呢？」crystal熱心發問。
「咁我作為佢兄弟，又唔係咁好意思爆佢秘密嘅…」

唔通我又話你知，佢有五個女朋友咩…

「你知啦…佢無啦啦就喺條街到問我拎電話…」
「你又知我知？」我問。
「嗰陣你都喺條街度架嘛，我見到你。」

咁都認到？佢都幾好眼力，不枉我五舊水剪咗個頭，識別度係唔同啲。

「咁…所以呢？」我問落去。
「所以我其實唔係太清楚關於呢個人嘅嘢，不過係因為一時感覺…就應承咗做佢女朋友…」
「咁佢嘅演說係幾有說服力嘅…少啲意志就會入咗佢圈套…」
「你都覺呢！我嗰陣俾佢講講下就說服咗，哈哈…本身諗住試下拍拖都無壞吖，真係唔啱唔夾咪分手囉…點知…」
「點知你比你想像中更加鍾意佢？」我問。
「唉…係唔係因為我掌握唔到佢個人，所以先越嚟越在意呢…」crystal好沉重咁嘆咗一口氣，睇嚟佢真係好鍾意J鋒。
「我見佢對你都唔係話好好咋喎，你都係咁鍾意佢…？」我問。
「啲人咪成日話，男人唔壞，女人唔愛嘅…我起初都唔信，但…唔知點解，佢越對我差，我只會越覺得係自己唔夠好，唔夠了解佢…」

嘩…邊個溝著你真係三生有幸…

「咁你覺得佢鍾唔鍾意你？你知啦，男仔就算唔鍾意，都可以同一個人一齊。」我講。
「你話係唔鍾意，又唔係…有時都好sweet架…佢會俾啲小驚喜我…又會氹我笑…不過有時我想對多佢一陣，佢就會開始惡…」

噢，即係傳說中嘅糖果與鞭子，俗語中嘅一啖砂糖一啖屎。

「其實你自己都有答案啦。」我講。
「咩答案？」
「你想離開佢，但又離唔開。」我講。
「…或者都係嘅…」
「其實你自己都清楚，佢唔會係一啲因為你做嘅任何嘢而改變嘅人，你嚟搵我，都係確認呢點啫…」
「但…」
「但你又唔死心，覺得等落去佢一定會變好，覺得終會有一日令佢剩係望住自己，係咪？」
「嗯…」
「咁我問多你一次，成日就人，唔辛苦咩？」
「我唔知咁樣係唔係辛苦…我啱先唔答你係因為我唔識答呢個問題…一直以嚟我都覺得只要我付出，人地開心，我就開心…但對住阿鋒…我已經乜都就晒佢…但…」
「但當你發覺，你得唔到你想要嘅回報，你就唔甘心，係咪？」
「我只係想佢好好咁望住我…陪我多啲…而家啱啱開始，已經一個禮拜先見得一日，我真係唔知點樣行落去…」

我計一計，五個女朋友一人一日，我一日，休息一日，條死仔啲時間又分配得幾好…

「咁你想同佢分手？」我問。
「我都唔知…」
「咁你想等佢？」
「我都唔知…」
「定你想搵我嚟激佢，睇下佢有咩反應？」

電話嘅另一邊，crystal靜咗。

有文

主角：大個仔係我

Crystal真係好似我
我個陣俾個ex好多甜言蜜語咁氹我，我覺得應承做佢女朋友試下無妨，唔啱大不了咪分手
點知我後尾真係動咗真情

ex追我之前同之後兩回事而我都知道係時候分手但係又唔捨得分，個排搞到自己好大壓力

拖咗一兩個禮拜我決定狠下心雖然後尾好掛住佢開始後悔但係我同自己講係因為佢當初太過份我先會咁有決心，唔好搞到自己咁辛苦咁大壓力

下個會更好

休息一日