一開始你話個mon顏色唔靚,ok幫你換過個
我係要呃你既話係呢個位已經唔會理你啦,做乜要哂錢哂時間再幫你換過真?
你話因為你係連登唱我我先幫你換,更加係笑話
我有心呃你既話就預左你會嘈啦,點會因為你嘈又再換一個比你?
淨係呢點你個邏輯已經唔通,不過唔緊要
隔一段時間你聲稱你個mon壞左,你聲稱無跌過
笑死人咩,你比100個師傅睇100個師傅都會答你呢個情況一定係跌到液晶內爆
重點重點係你聲稱係第二到換左mon,而你手上呢個就係我當時幫你換既mon?!
咁點解你唔原封不動拎部機比我對質???
你堅決話自己無跌過,同你拗左陣,我都偏向信你,叫你拎個mon比我睇,如果真係無跌過既痕跡我退番錢比你,但你都唔肯
有趣既就係呢個位啦,你求其影張相就話係我當日幫你換既mon
你點證實先?有我指紋?
你唔係原封不動拎部機出黎對質,而係
聲稱拆左個mon出黎再搵我對質,呢點已經好奇怪
最奇怪既係你留言後第一時間有位聲稱行家既巴打同你一齊質疑我
你兩個自言自語一陣,果個巴打就要代替我答其他巴打手機上既問題
司馬昭之心 路人皆知
不過唔緊要啦,香港有言論自由既,你鐘意講乜咪講乜
你要屈我唔緊要,唔會影響到我既,我本身有份正職
我純粹講番成件事出黎,信唔信都唔緊要
如果好心反而做左壞事,咁我寧願唔做喇