[那年十七]《樓上裝修咗成個暑假》《三》

同第三個女人嘅happy end

推推推

又偷懶

「做咩帶我嚟區場？」

口試練習完結後，我與小蔚便一同前去北區運動場，不知道這裡有甚麼特別。

我們坐在其中一個看台上，觀看著跑道上的大叔大嬸。

平日的下午，人流不算多，大概到了晚飯時間，來運動的人數便會增加。

「因為呢度，令我真正感受到同伴之間嘅感情。」小蔚慢慢瞇起眼睛。

「嗯......？」我還是很疑惑。

「咁同你會重考DSE...有咩關聯？」

小蔚轉過身，顯得很感慨地盯緊我。

「我想體驗多一次，人哋口中所講嘅中學時代，青春。」

「體驗多一次？」

「未轉過嚟之前，我喺港島嘅一間女校讀書，都算係名校嚟㗎。」

「但係，我喺嗰度，唔知點解冇咩好深刻嘅回憶同埋經歷。」

深刻的回憶...

「我有時候，睇啲台灣嘅電影劇，劇入面都係一大班男女，瘋瘋癲癲咁一齊做一件事，有笑有淚咁樣。」

「我好羨慕。」

聽到這裡，我開始慢慢明白。

「所以你重讀，並唔係為咗DSE成績，而係想去男女校經歷一次中學生活？」

「嗯，完全正確。」小蔚微笑地點頭。

「原來係咁。」

「以前我嗰間學校，雖然學習風氣好重，又有好多課外活動，仲有水運會，好多嘢玩。」

「但係我好似開心唔到。」

「點解？」

「因為我俾嗰度嘅人排斥。」

「唔知呢，可能佢哋妒忌我掛。」小蔚明顯有點失落。

妒忌......是因為小蔚的外表嗎？

也對的，小蔚長得這麼漂亮，我要是女生也未必願意跟她做朋友，因為很容易就會被小蔚搶風頭。

「但我聽人講..女校唔係玩得好癲㗎咩？」

「噗，有部分啦。」

「而且我成日俾啲師妹表白，實在頂唔順。」小蔚無奈地說。

「都啱，如果有師弟同我講佢鍾意我，我應該會打鑊佢。」

「所以，呢個就係我讀男女校嘅原因，同埋Mandy喺度讀書，諗住轉過嚟，點都有個照應嘛。」

Mandy，聽到這個名字就打冷震。

「哦...我明白。」

「況且，呢半年嚟，我真係感受你哋嘅快樂。」小蔚認真地看著我說。

「一班人嘻嘻哈哈，學校旅行可以盡情咁享受，冇嘢顧慮，陸運會又會盡力咁幫自己班打氣。」

「我諗，呢啲就係我所追求嘅過程。」

「如果俾我揀，我寧願喺男女校讀書。」

「我都係，好慶幸自己讀男女校，而且仲有異性添！」我開玩笑地說。

「係咪講緊我？」小蔚忽然假裝疑問地看著我說。

「.........」我強忍笑意。

「噗，講笑啫。」小蔚揮手道。

我們笑一笑，注視對方。

「喂招仔。」

「你肚餓未？去食飯囉？」

「好呀。」




























「過去的人生，或者改變不了。」

「但將來，可以由自己決定。」

加速

有冇人現實會咁做

弄清楚為什麼小蔚會重考公開試，我們平淡的溫習日子，又繼續下去。

小蔚還是會假裝不懂寫論文，我還是會向她請教數學。

我睡不醒的時候，小蔚會狂按門鈴吵醒我；小蔚想喝檸檬茶的時候，我會在自動售賣機替她買。

就是這麼簡單的生活。

雖然還未知道小蔚和逸哥的事，但現在還是把精神放在考試上好些。

三月，終於迎來公開試。

我站在風采中學門外，四處張望著。

「呢啲就係我嘅敵人。」

「我唔可以輸的！」

我暫定的目標是中大音樂系，雖然比較有興趣去英國倫敦皇家音樂學院，因為那裡的鋼琴老師十分有名。

但難度指數爆燈，我也是只遞了報名表，沒有抱住太大希望。

小蔚的目標，應該也是中大歷史系吧！如果屆時大家都順利入讀中大，就可以常常見面了。

為了追上小蔚，不能夠鬆懈。

「.....................」

「香港人喜歡夜遊的原因？」小蔚拿著歷史筆記，躺在我家的梳化上。

「係...但我唔太識...」我沮喪地說。

「噗，好事嚟嘅......」小蔚輕聲細語。

「咩話？」

「冇嘢冇嘢，咁你同組啲人識唔識答？」小蔚似笑非笑地說。

「有一個男仔都唔太識...但唔知點解全部女仔都有好多嘢講....」

「唔緊要啦！仲有三份卷拉分，繼續俾心機。」小蔚勉勵我道。

「係！知道！」

如是者，時間一天一天地過去，DSE轉眼即逝，我已完成整個中學生涯最後一個考試。











「呼！終於都完喇！YES！！」我站在學校門外，拋起書包喊道。

「終於可以同小蔚過返啲正常生活喇！好嘢！」

「考完DSE之後。」

「我就要搬返港島嗰邊住喇。」

「..................」

「噢...唔記得咗添。」

差點忘了小蔚一早就說過，DSE之後便會回去港島居住。

「等我仲戇鳩鳩咁諗咁多嘢..」

「哎不過唔緊要嘅～又唔係去邊，而家搭巴士，一個鐘都唔洗就出到港島！」

「到時可以成日搵佢！」




















「邊個晨早流流鑽牆呀仆街！」

唔知呢 有掛

你唔係真係覺得有呀

世事無絕對

係咪恰鳩男校毒撚

推推推

DSE都考完就嗱嗱臨去馬啦蠢招

PUSH

「搬返去之後，就未必成日過嚟㗎喇，所以聽日陪我去周圍行吓好冇？」

小蔚兩日之後便要搬回港島，她說，想好好多逛一遍上水。

「...............」

「唔知幾時先送得出。」

我握緊手中的吊墜，躺在床上發呆。

「又冇理由突然間就咁送俾佢...」罷了，滑滑手機睡覺吧。

我開啟十年不用一次的Instagram，發現小蔚原來在Last day之後那天上傳了一幅照片。

是陸運會那天，我揹起她的照片。

「Really thank you」

「唉。」

「唔諗咁多，都係瞓。」

早上九點鐘，我慢慢爬起床後，稍作梳洗裝扮便到地下大堂等待小蔚。

大約十點鐘，小蔚也準時赴約，今天她身穿灰色的短袖T恤、淺藍色短牛仔褲和白帆布鞋，還有揹著一個小小的斜孭袋。

雖然不是甚麼漂亮的打扮，但對於我來說，已經很完美。

或許，我喜歡的，其實就是一個這樣樸素的少女。

「早晨。」小蔚精神飽滿地說。

「琴晚瞓得好好咁喎。」

「係呀，唔知點解，呵呵。」

「咦...呢件衫...」小蔚似乎有點受寵若驚地看著我的衣服。

「喺長洲你幫我揀嗰件。」我笑道。

「做..做咩無端端著..」小蔚顯得有點羞澀，也看得出有些暗暗的高興。

「隨手攞㗎咋喎！」我假裝不經意地說。

「噗，最好係啦...」

「咁我哋行囉？」我說。

「嗯！」

這天，我沒特別安排路線，也沒仔細研究要跟小蔚去哪裡，純粹希望在上水靜靜地閒遊。

在清河大快活吃過早餐後，我們走到北區公園，呼吸一下新鮮空氣。

「嗯呀...好舒服。」小蔚懶洋洋地伸伸懶腰，然後擺出一副十分享受的樣子。

「嗰度！」忽然，小蔚指著公園的後庭，然後拉著我的手走起來。

「咁多木牌嘅？」

「好多DSE考生都會趁聖誕，」

「嚟呢度寫低自己嘅目標，」

「掛起佢。」

「之前你同我嚟過，仲話啲人會寫低願望喺啲木牌上面。」小蔚抓起其中一塊木牌說。

「又幾好記性。」我欣慰地說。

小蔚看著我淺淺一笑，又繼續前行。

臨離開時，眼角注意到其中一塊掛起的木牌，上面用黃色螢光筆寫了些字。

「小蔚.......」我有點嚇到了。

難道剛才小蔚是故意把我引到這裡，然後讓我看到嗎......

「喂，仲企喺度做咩呀。」小蔚在湖邊對我喊道。

「喔哦..！而家嚟！」我回頭再打量一次木牌，便回到小蔚身旁。

走著走著，小蔚又挽起我的手來。

「借嚟翹吓。」

「冇問題。」開心也來不及。

「呢度都仲係咁多大陸人...」小蔚看著舊墟那邊的藥房說。

「日日都有...上水呢個地方除咗新年之外，都冇乜邊日係靜...」我搖頭說。

「好慘呀你...」小蔚裝出一副無辜的表情，噘起嘴看著我說。

「你究竟係潤緊我定真心講...」

真是拿她沒辦法，哈哈。

不過這個女孩就是這樣，初初認識小蔚，會覺得她是冰山美人，但了解更深之後，其實她也有孩子氣的一面。

「招仔，蛇王兄呀。」小蔚興奮地拍拍我，指著頭上那鴨綠色的牌匾說。

「想食蛇？」我笑道。

「嗯！想食多次個蛇羹同埋糯米飯！」說罷小蔚就拉著我進去。

猜不到只是跟小蔚吃過一次，她竟然還記得這裡。

「咦哥仔！好耐冇見你！仲係同一個女朋友，夠專一呀吓！」老闆大聲叫道。

「呃...」我隨便笑笑。

「兩個蛇羹...一個糯米飯.....」

我望向正在認真點餐的小蔚，不禁微笑起來，如果這女孩真是我的女朋友，你說多好。

「你做咩笑笑口咁樣。」小蔚輕彈我的額頭說。

「唔...知...呢～」

「超！唔睬你。」小蔚別過臉說。

「..........」

如是者，今天我們漫無目的地四處遊走，看到有興趣的店舖，會進內逛逛；看到想吃的東西，又會一起分享。

晚飯也只是在茶餐廳解決，雖然很普通，也很簡單。

但，也很快樂。

「咁快就夜晚嗱...」小蔚抬頭看著黑漆漆的天空說。

「係囉，時間過得咁快。」

「如果...時間可以永遠停留喺呢一刻就好。」小蔚別過臉，喃喃自語的說。

「嗯？」

「冇嘢冇嘢，我哋返去囉？」

本來打算走路回去，不過小蔚說她想坐巴士，就順她的意思吧！

短短五分鐘的車程，小蔚沿途靠著我的肩膀，一言不發。

「行咗成日應該都好攰...今晚應該幾好瞓，哈哈。」我默默想著。























「今日多謝你。」

「客咩氣。」

「咁聽朝九點見啦。」

「嗯，拜拜。」

「再見。」

「........」














不知道為什麼，小蔚轉身的那一瞬間。

心臟，有種說不出口的奇怪感覺。

「希望，招仔入到心儀嘅大學」

新讀者留名
唔好sad end啊

這晚，完全睡不著。

每當我閉起雙眼，便會想起與小蔚經歷的一切一切。

真的不情願她離開，不過，事實放在眼前，小蔚明天就要回去。

如果要訴說自己對小蔚的感受，恐怕三天三夜也說不完。

在樓下便利店的偶遇，發現她是我樓上的鄰居，再成為同學。

到今天，彼此已經在對方心裡佔有很重的地位，這一切，都像一場夢一樣。

「聽日送佢嘅時候，要講啲咩好？」

「其實我都唔知。」

「得閒約出嚟？好似好怪咁。」

「其實我鍾意你。」

「咪癡線...點講得出口...」

「定係..送個吊墜俾佢...」

「唉屌..唔理咁多，順其自然。」

「...............」

翌日，早上八點半。

拉開窗簾，太陽直射到窗戶上，有點兒刺眼，我攤在床上，不願起來。

昨晚，我想了很久，得出一個結論。





我去廁所洗了把臉，換上衣服，順道拿上裝著吊墜的紫色四方盒在小蔚家門前等待。

這十五分鐘，好像過得好慢。

「嚓」

小蔚緩緩地拉開大門，並拖著一個行李箱。

「早晨呀招仔。」

「早..早晨。」

「又幾準時喎。」小蔚微笑道。

「梗係啦..送你嘛...」我把吊墜藏在背後，不讓小蔚看到。

小蔚回身鎖上鐵閘，然後注視了大門片刻，好像有些說話想講似的。

「咁行喇！」

「等等...！」

「嗯？做咩？」

「你.....你有冇漏嘢？洗唔洗Check清楚...」我緊張地說。

「噗，傻仔嚟，漏嘢咪返嚟拎囉，我又唔係去邊。」小蔚摸摸我的頭髮說。

「都係...咁...行喇。」

小蔚拖著行李箱走在前面，我則靜靜地跟在她的背後，而且樓層十分安靜，只有拉動行李箱的聲音。

不知道為什麼，等𨋢的過程，好漫長。

我們默不作聲，肩並肩地站著。

「招仔，你送我入𨋢得喇。」此時，小蔚終於開聲。

「哦....嗯。」

「三十、三十一、三十二」

「三十三」

叮。

升降機門打開，小蔚在𨋢門前，低下頭停留了數秒，忽然轉身擁抱著我。

「招仔，多謝你。」

「真係好多謝你。」

我也輕拍小蔚的背，感慨地笑著。

「傻啦，講呢啲。」

「咁，我入𨋢喇。」

「.........」

「嗯。」

「喂...！入嚟啦仲望！遲到喇！」

「再見。」

「再見。」

「呯」

不再像以前上學一樣。

這次，只有小蔚一個人進去。



















「果然...我都係唔甘心。」我緊握手中的吊墜。

「小蔚.....小蔚！」

我拉開防煙門，往著地下直奔而去。

「果然...我都係想講出嚟。」

跑三十三層樓梯，好辛苦。

到達地下時，已經滿頭大汗。

「應該未上車嘅....」我一邊喘氣，一邊四處張望尋找小蔚。

「..........」














「逸哥...？」

「點解。」

「..................」

唔好sad end呀

已sad 屌 仆街

廢到...

一輛黑色寶馬，停在小蔚面前。

「點解會係逸哥...點解又係你」

「究竟你哋..咩關係...？」

我跪在遠處，雙腿無力地遙望著在車上迎接小蔚的逸哥。

他替小蔚搬運行李上車，然後看一看車裡的人，又猶豫地與小蔚對望。

片刻之後，逸哥突然牽起小蔚的手，上車離去。

果然，我沒猜錯是嗎。

為什麼要這樣對我，我的好兄弟。

結果，吊墜還是送不出。

而且讓我看到這麼討厭的一幕。

我沮喪地回到大堂，順道打開快要滿瀉的信箱，取出信件回家。

「明明同逸哥一齊咗，點解仲要同我咁親近。」

「究竟你想點...藍小蔚...」

「其實你只係當我係好朋友？」

「唔知。」

「...............」

這天，不知道是一時意氣還是甚麼，我刪除了手機裡的Instagram。

好幼稚。

接下來的時間，電話震動了數次，我知道是小蔚Whatsapp告訴我她到家了。

但就是不想回覆。

算了。











「嗯...？」

molamola...