[超長文] 所有自認和理非嘅手足 我地可以咁樣行多一步

何妖蠢蠢欲動幫二十三條造緊勢啦
如果政苦真係強推
我地準備好未？

成日好似有人話“運動已經完左”
但其實係 我地未有一個好明確既目標
開始有一種 就算去多一個集會 去多一個遊行
都唔會係endgame嘅感覺 所以我地慢慢冷卻左啲
唔似六月果陣好明確要阻送中條例
所以先可以一時之間動員咁多人

我地準備好未？
無論體能上 思想上 都唔係一朝一夕可以裝備到自己
假設我係林鄭 我就會喺九月之前推二十三條
所以 我地宜家唔可以抖
----------------------------------------------------
體能上：練跑 練跑 練跑
你開始左練跑未呀？
依家d狗鍾意圍捕 就算係和理非都要跑得快
最理想當然係操練好體能
但係和理非黎講 跑係最大必要用到
如果自己無跑開 約埋幾個朋友一齊跑會好d
會比較逼到個恆心出黎
歡迎大家一齊討論下 我自己就無咩研究
但係要跑得快 唔係練一兩次就會得
肯定要以月計既時間
依家開始練跑 練得黎 就差唔多啦
唔好因為無deadline而一直拖延開始練嘅日子
時間永遠比我地想像中少

組織上：組隊 組隊 組隊
勇武有小隊 但點解和理非唔可以有小隊？
個人建議四到五個人一組
最好係現實生活識左好耐既朋友
最好住同一區
去遊行一齊去 有照應
呢個人數可以一齊落街痴文宣
當你兩個人痴 都有兩三個哨
喺地區活動既時候又可以變身做哨隊
各自分配一下位置 有組織咁報哨
又可以好似上面講咁樣一齊練跑
就算參加連登洗地組
都係要有幾個人組埋一齊先會易推得郁行動po
明白好多和理非嘢好濕碎咁
但有幾個frd一齊 真係會有動力d

思想上/習慣上
1. 全民全天候報哨
依家d黑警日日清算手足
所以平常唔係示威既日子
我地最好見到狗車就自動自己報哨
唔好怕醜 其實真係影一張相 打一句字 唔難
各個哨站都有教學

另外除左狗車
仲有狗私家 （成日都係 U/V開頭）
如果你屋企住係狗屋附近
一見到狗屋有私家車出黎
可以影相
報去老豆搵車/其他check plate bot
完善個data base

2. 認識你的敵人
雖然好似好廢
但係有用
例如最基本狗既種類 防暴咩樣 速龍咩樣
狗有咩裝備 咩槍射咩彈
狗車車牌上面既英文字代表咩
唔同顏色既旗咩意思


3. 認路 記地圖
呢點好似好廢
但其實真係好重要
報哨要有街名 走佬要有方向感
有時睇哨台得街名 無理由又Googlemap下
雖然有hk live map 但有概念一定係好啲
起碼要知邊度有狗屋 消防局 政府建築物 黨鐵出口名
呢d地方一定要戒備
建議記自己區同旺角到尖沙咀一帶
記完地圖 可以留意下d狗通常喺邊佈防
邊度通常有狗rb
雖然唔會次次一樣 但都有參考價值


4. 睇舊live
睇下live首先可以感受下個群眾氣氛轉變
就算無落過場 起碼睇下感受下個氣氛 練大個膽先
同埋吸收下記者點樣判斷幾時要戴罩
呢啲好難學 但睇下試下總好過完全無試
再思考下live入面手足set既rb
set得如何 set咩位最有意義等等
呢樣係咁多個月我地都未做得好好
（如果和理非可以幫手set rb
勇武就多好多空間去做其他野）
個人覺得如果真係推二十三條
有可能仲係要再重現612
重溫當時既live可能都會有用

--------------------------------------------------
我講既全部都係唔知啱唔啱
但希望可以激發下啲有建設性既討論
唔認同可以講下你既高見～

認同大部分

但唔認同會重演612
狗改晒策略 如要要睇舊片 以理大攻防做參考較合適

我嘅睇法係
一日未有民主係香港一日都要裝備自己
一日本土派都要做盡去宣傳說服人加入
整體嚟講我係認同你嘅講法

屌 唔小心不推文

推

小弟開咗個post但推唔喐,希望借師兄個位一用，選管會建議九月立法會選舉俾七十歲或以上人士優先投票。有見及此，呢度有封反對選委會優先部分選民及限制點票人數意見書， 希望各位幫手send去選委會。

https://www.instagram.com/p/B9t1qHyg16Y/?igshid=t79dd822w6xg

推

平時都做好文宣同練體能

自己推唔到

只係想大家明白呢個遊戲有掛玩
只係開始推郁咗個巨輪 之後大家都要比動力

推

Push

支持！幫推
同時希望指出大家唔好太依靠勇武小隊地下化，
因為真係只有人愈多先會愈安全。
佢地人數數量少，好易俾狗追cctv 追到行蹤

垃圾會唔再有機會圍到

推

推唔郁 明明打左好耐

推
https://www.reddit.com/r/HongKong/comments/fjoao7/2333_a_woman_yell_for_help_while_group_of_police/?utm_source=share&utm_medium=ios_app&utm_name=iossmf
TKO綁架事件上咗reddit，幫手

肥婆表示開始練緊

推唔郁

好文推
記得仲要做每日做task retweet like同comment twitter

順便幫你推下

推

唔該借個位，p牌完全推唔郁



仲有22日可以清算黑警！
https://lih.kg/1929731
- 分享自 LIHKG 討論區

推