呢個po嘅各位巴絲大家好,已經踏入六月中旬,相信好多院校都已經完sem等出CGPA,如果你已經有offer的話恭喜你,但如果meet唔到offer或者仲未收到offer嘅,請你semd email到自己想報讀嘅院校問下offer處理情況,最緊要唔好怕麻煩。
若然直至7月中你仍然係未有任何offer的話請你諗定後路(e.g.報其他院校)或者作最壞嘅打算可能要GAP YEAR甚至出嚟社會做嘢,但係希望大家唔好灰心,路可能會行遠啲或者即使出到嚟結果唔理想,但係世事又豈能盡如人意,希望大家繼續努力,諗下你自己想要啲乜嘢或者將來有咩目標再做決定,你嘅每一步都影響緊你自己嘅未來。
如果非心儀院校提供咗學位比你,你又考慮緊應唔應該take offer的話,希望大家考慮清楚,再決定接唔接收offer,以免將來後悔。
最後祝大家都可以收到想要嘅offer