貼自己啲攝影作品分享下

對住咁無內容既相都會有評語

覺得Highlight 太白太光，拉返落D會自然D

留名學嘢

雲海季節

好中意最尾一張
唔識形容，好有臨場感？

我自己都好中意雲霧喺城市果種感覺

認真問，點先叫好

先利申：以下嘅相唔係我影，講馬唔一定要跑得快過隻馬

依家好多so call “photographers” 都係得畫面，影完就算，無靈魂。去公廁打卡位影同一位同一樣setting 同一隻色，po 上自己ig 呃下like 就算。求其上ig 打#hkig 基本上都係一式一樣，嗰期興去邊就去邊。

呢個係我好欣賞嘅攝影師，係人文攝影方面真係睇得出佢好比心機。好多都只係用iPhone , 回歸攝影最其本步。
ig: edaswong

我會覺得而家好多人影相無故事係好中肯既事實
故事可以係攝影師自身有目的地想帶出 或者係觀眾有既聯想
類似roland barths講既studium同punctum
構圖同顏色就唔講啦 你影一張相點都會有構圖 只係高手定低手既分別
顏色就各花入各眼
但可以肯定既就係攝影趨向打卡同埋罐頭
Same location, same template, and finally same shit
其實跟隨潮流永遠唔係問題 問題在於作為一個想進步既創作人 如果只喺潮流裡面游走 去拎潮流裡面既意見 連自己要乜都唔知 又點樣真係進步
即係我上面擺自己啲相出嚟有幾個負皮唔通又係唔好咩我知自己一直追求啲咩咪夠

師兄識嘢佢啲相全部都係啲一迅即逝嘅moment

點解香港d街拍咁中意影低下階層清潔苦力跟手較黑白

其實自私啲講影相係一種抒發自己嘅途徑 透過張相你比人哋知道你諗咩 當然最好就係你張相都可以俾到其他人少少啟發

個個都淨係識跟preset，較orange and teal ，ig有幾個like 就自滿，咁樣對個人同整體攝影圈係唔會有正面作用。因為會變成圍威喂，唔用某一種風格就係out 。好多人係連最基本RGB CMY 都唔清楚嘅時候，仲係推祟orange and teal 係咪一個好風氣？colour 同tone 又有咩分別？黑白攝影入面嘅灰階點先係好？跟本依家好多都係無料扮四條，食正個潮流影味精相有幾個like 就算，圍內自high有鬼用咩

Btw Edas Wong都真係算Quality Content
人文我覺得唔算啦 但好多時攝影師都話街拍要有幽默感
同時間Edas有好強既sense喺將主體同背景擺埋一齊
所以佢喺香港街拍嚟講多人喜歡都正常 你中意呢類風格都可以睇下Matt Stauart

勁就勁在尖沙咀個個都去到，但無一個可以影到佢d相，因為佢真係花好多時間去觀察、去等候嗰一個moment。生動有趣，亦都反映到當代風情。

師兄有無d 類似嘅推介？

呢度都類似 不過唔係成日有新相

preset問題係全世界都係咁，由有IG filter開始就大量罐頭，無辦法因為真係太方便，對唔識執相既人黎講係恩物。但想學執相的話由罐頭filter入手都係好途經黎，用各種調教執到似filter都係一種學"執相"的好方法，當中都必定會學到好多。認唔認同filter色就另一回事

edaswong佢擅長觀察捕捉，所影既的確會易令人代入感有故事。但影相說到底都係Art的一種，好多時所謂故事都係作者或讀者主觀安裝個故事入張相度，如何去評價一張相中的(有無)故事好難有個準則。亦都係我覺得影相之中最難做到既一點，要有故事。例如森山大道，講真睇得明幾多張......

佢係高手級啦，普通人做唔到，呢個已經唔係講攝影技巧（唔係話冇），而係觀察力同埋攝影眼，唔係個個人都有，呢個就係高低

Mavic pro 2影？

攝影台D人成日問D色點執 真係本末倒置
Edas Wong D sense a難學 而色易抄 人都係捨難取易