可能大家睇完蘋果個報導覺得無乜嘢，只不過係一啲眾所週知嘅事以文字形式顯示返出嚟
但我想大家知道，今次係官方認證，係官方觀點，亦都係有證據證明港共政府係諗住點樣出賣港人，而只要蘋果揸住份嘢質問林奠，佢係無得否認
而我哋要做嘅，係廣泛討論，越多人討論先能夠成為焦點，越多人關心先會有傳媒跟進，我哋係要媒體嚟緊主要關注嘅變成林奠點出賣港人，唔好白白浪費咗難得一遇嘅材料
正文
一) 接滯留湖北港人回港純屬政治考慮
希望藉「有效處理疫情」贏取市民的認同和支持，為建制派創造「有利的氛圍」
以及容許港府與湖北及武漢政府商討安排滯留港人返港一個政府接返滯留災區嘅居民絕對係天經地義嘅事，唔需要理由
而港共政府接人竟然唔係直接去做，而系「搭單」寫落交畀中央嘅工作報告，並且為中央分析接人後點樣有利九月選情，重點根本不在接人本質
報告中官方認證：中共慢慢嚟理得湖北班港人死，而港共亦都只係因為班人有利用價值先接
二) 政府主動指示醫管局秋後算賬罷工醫護
報告又主動向中央匯報，指政府已要求醫管局嚴肅處理組織罷工的員工，「不應容許害群之馬留在醫院工作」，口徑與中聯辦喉舌建制輿論如出一轍。首先，醫院管理局並唔係一個政府部門，醫生護士亦唔係公務員，亦無需所謂政治中立，即係報告顯示政府用緊政治力量打壓政見不同人士
再者，基本法寫明香港人有罷工權利。報告中政府指示醫管局秋後算賬無疑係違反基本法嘅鐵證
三) 政府與保皇黨之關係
林鄭又藉報告向中央告建制派的狀，指建制派沒有與政府站在同一陣線「令人失望」，形容他們「以選舉理由加入批評政府行列」，又指個別建制派人士對她作人身攻擊，甚至稱行會成員的表現亦「強差人意」港共同保皇派別雖然大體上係同一條船，但佢哋各自要面對嘅問題唔同，有時意見唔同係會互相攻伐
哩度希望大家知道，保皇黨永遠只會係敵人，千祈唔好因為個別屌政府言論而吹奏佢，同時都唔好以為佢哋係咁團結嘅群體，一切都係政治角力同爭奪利益
有時啲黑材料流出就唔好ff係佢本人特登喇，十有八九都係有內鬼，唔需要理啲料點嚟，專心打好文宣戰
四) 利益輸送畀工聯會
在去年區議會選舉慘敗的工聯會，早前高調開記招宣佈自設口罩工場，表明工場是由創新科技署牽線找來廠商借廠，由有生產口罩經驗的懲教署教路，更聯繫到署方的物料供應商供貨，又成功從內地運來機器；連榮譽會長陳婉嫻都指全靠政府伸出援手，「從政廿幾年，未見過政府速度咁快」，政府全面配合的做法，與報告中的建議脗合哩個時勢生產到口罩可以增加到幾多政治本錢？
我唔知點解政府揀工聯會而唔係民建聯，而民建聯班友而家又有幾眼紅，亦都唔知係咪因為民建聯特別唔聽話所以冇佢份
我剩係知工聯會嚟緊一定多咗人投票畀佢，而成件事係由政府主動穿針引線，名符其實官黨勾結
最後其實成份報告應該唔止咁少嘅
連而家咁少嘢我哋都唔煲大佢，又點配合蘋果擠牙膏攻勢？
推post呀！
開post追擊呀！
樣樣議題都要！
