CJC
2020-02-19 17:19:44
唔好淨係撐頭條新聞,除警訊,港台仲有好多有質素節目,包括一啲明幫黄嘅自製節目,另外仲有好多高汁本土自製及外購節目, 有啲健康正面嘅清談節目。
有講另類旅遊,講音樂對世人影響,講南韓發展背後,講世界歷史社會政治大事,講另類飲食文化,講科學等, 內容包羅萬有, 我覺得好似一個流動版嘅維基百科及超級版etv。
睇完之後對自己嘅知識吸收方面係有好大嘅幫助。
不過對於睇開傳統電視嘅人未必習慣睇港台,因為同傳統節目有別,喺夜晚所謂劇集時間,港台就播俄羅斯圖瓦人現今生活探討,有啲人可能只想簡單睇吓劇鬆下,唔想喺食完飯睇烏干達獨裁者點仆街, 唔想知埃塞俄比亞點解會同意大利有咁多淵源, 唔想知道馬爾代夫點解要用美綠罐種綠色植物, 唔想知道安巴胺係乜嘢。