藍田茜發道項目

因為平。呢個海景，15年開賣只係一萬蚊尺！今日都係15k到，仲已經sell 緊油塘將來會變天。啟德跑道向海地皮麵粉價都18K, 賣出來一定過32k。

茜發道附近道路好行過油塘工廠區一百倍
純私樓社區無工廠冇厭惡設施

但油塘sell 未來，Maya 下面係大商場。茜發道係百無。長遠計點都係油塘好，呢一刻油塘就係鬼地方

同樣道理，法例規定房唔可以無窗。但細房邊可能做到兩邊有窗。反而廁所可以無窗，所以細房望內園，廁所就有海景，不過係開唔到窗的黑廁

Maya個商場仔算吧啦 個規模仲細過大本營
而且個位闢 有間百佳超級市場已經謝主隆恩
長遠嘅定義可能係20年內捱油塘水泥工廠環境 地下污糟邋遢

其實Peninsula East點解尺價咁平
平過海傲同maya咁多

海傲係18年10月賣，樓價好癲，而且當時未有首置9成按揭，佢好多細單位（二百多尺），加上發展商出呼吸plan，當時細價樓＋高成數按揭，實好賣。林奠放寬保險後，我睇所有呢類細單位實跑輸大市。

Maya 咁貴……我都唔明。佢sell頂級用料，唔知係咪真。不過咁貴佢都唔係好賣得出，最近加左agent佣，係咁sell人買。

2萬夠買港島樓
使買油塘

風水？

油塘只能用惡劣形容

藍田新盤到時過兩萬

2萬邊買到港島新樓呀。長實的維港頌，望內街都三萬蚊尺呀

維港頒好似一梯一伙

如果買油塘藍田不如買將軍澳啦！大把靚樓配套又好。如果賣兩皮一呎就買港島啦！買藍田觀塘除咗由細住到大有情意結或者有屋企人附近姐。

請問港島邊度有2萬一呎既正常則一手樓開售

越講越遠
將軍澳係新界
藍田油塘係九龍
兩萬一呎絕對買唔到港島新樓

一定要買新樓?

唔通新界新樓又要貴過港島2手樓?
2萬去買藍田/油塘
我不如俾多10%買何文田起幾年樓齡既2手樓好過

你唔係apple to apple咁比較就無嘢好講
呢度不嬲都係講緊一手項目

你講得啱啊
新界個屯門恆大濕尻盤都19K一呎
杏花邨臨海屋苑都係16K一呎咋陰功
何文田屋苑2手幾年樓樓齡係千二三萬

何文田皓畋2萬2蚊1呎
藍田油塘2萬蚊1呎重要係樓花
正常人都會買何文田
何文田要12M，藍田依個盤唔使10M?

買樓最主要係講location location同location， 除非你唔需要任何投資價值你自己喜歡住就可以。
舊同殘舊係兩個概念嘅事， 新屋苑同30年嘅屋苑， 當然係三十年嘅屋苑係舊， 呢啲舊係講緊佢嘅圖則外觀同屋苑設計， 而唔係嗰啲咩石屎剝落牆身入水呢啲殘舊嘅問題。如果舊係唔值錢嘅，咁太古城又一城尼啲應該二三千蚊一呎畀你買。
從來你嘅住宅單位值唔值錢，最主要取決於佢嘅位置即係嗰塊地值唔值錢， 移除非建築物本身非常殘破不堪， 如果唔係根本就唔太影響呢個物業(塊地) 嘅投資價值。
而價格已經反映咗呢塊地嘅價值， 例如凱匯比匯景會貴兩三成， 匯景又畀麗港城貴一成， 麗港城又會貴過日出康城一城。 反映到樓價同屋苑本身嘅新舊關係唔算太大，反而同塊地嘅價值關係先叫最大。
而一般上除非半山，望海或者名校網呢啲傳統價值觀因素外， 交通方便程度同埋是否近商業區都會影響到塊地嘅價值

凱滙比匯景貴兩三成，其中一個小部分嘅原因係新舊問題，但最主要係嗰塊地比匯景塊地值錢。
喺香港客觀量度邊個location好嘅 標準係， 接近工商業嘅中心地帶， 呢個做標準， 凱滙比匯景嘅地段更好。
當然， 實有人話佢住屯門出中環都好快， 咁呢啲主觀睇法，我覺得冇咩討論價值， 因為現實就係客觀睇到樓價已經反映咗邊個地段係值錢啲。
正如你睇到太古城上環舊樓依然係好值錢就係因為塊地圍繞喺主要商業區

凱匯二手表現要等幾年後先知道
今日個價錢只係發展商賣出的溢價
事實是當日sell近商業區的觀月樺峯 係大幅跑輸匯景麗港城