「毒遊遊記」去轉哥倫比亞順便學西班牙文

好靚啲水清到

正，推推

3個星期大約hkd 6000左右
包埋lunch同住single room

戈度真係我去過覺得最靚嘅海域
有人話喺戈邊學潛水會見到鯊魚

我人生最大既夢想就係去南美玩幾個月甚至一年
最好就移埋民去秘魯
巴打你就好啦好羨慕你

我只係一個辭咗職無業嘅小薯啫

Peru 好窮，你儲下錢過去開鋪頭應該唔難

原來果度物價都唔算平

入黎開下眼界

Day 9

呢一日朝早起身去咗附近超市買咗舊面包食，之後諗住自己叫motortaxi去Santa Catalina
食完個面包諗緊點叫motortaxi左望右望時，就有一個啱啱喺超市行出嚟嘅local男人見到
問我有咩事要幫手，之後我就話想搵部motortaxi去Santa Catalina
然後佢直接咁喺條街度幫我叫停咗部電單車，問佢去唔去戈邊
就係咁就直接成行

呢個就係Santa Catalina嘅門口，呢邊係無車可以入去嘅
入面有d住宿咁，不過個位置都幾唔方便

條橋度有人喺度賣吓魚咁

橋邊好多一條條長身嘅綠色魚，唔知咩品種

一入到去見到個石像，唔知呢個人有咩咁特別

沿路行過去見到砲台咁，不過其實呢個島就算喺西班牙統治時期都好似無俾西班牙發現過
島上邊嘅人大部份都係當年英國帶過去嘅奴隸，所以佢地依家主要都係講英文

有人喺度學潛水

嚟呢邊主要想睇睇戈舊人面石像，要行大約25分鐘嘅山路過去
行行吓見到地下好似有d樹葉郁吓郁吓咁，望真d先發覺係寄居蟹嚟

仲有第二隻，不過佢地好驚，一聽到有動靜就會縮晒入個殻度，
企喺原地等好耐佢地先敢再伸返出嚟繼續郁

仲有呢隻大蜥蜴，行行吓去到佢隔離時我都唔覺意
佢一郁時先俾佢嚇咗一嚇

呢個就係人面石像，圖中嘅囡囡啱啱喺呢度浮潛完，睇緊書chill緊
不過呢邊如果想浮潛嘅話就要搵地方跳水咁落去，上返嚟時仲要爬石咁爬上嚟
後來有兩三個旅客嚟到呢度見到都放棄咗浮潛

喺度望過去嘅海域

沿路返返去時見到嘅一個聖母像，好似都係祝福當地漁民平安咁

係因為我去咗北邊先
最貴就係戈兩個海島同Cartagena，其他地方物價其實好低

更新少少先 呢兩日好多功課做搞到無咩時間


話說由Santa Cartalina出返嚟之後，喺門口就即刻見到架motortaxi啱啱戴咗個遊客嚟呢度
咁就好直接咁上咗車返返去酒店附近
一上車之後個司機就問我來自邊度，我答完香港之後
明顯feel到前面嘅佢怯咗一怯 之後好快咁問我旅遊咗幾耐
我答完佢半年之後佢就即刻笑晒咁話： Oh, that’s fine, you won’t get the virus right?
戈一刻真係有少少無奈，無咩諗過一個地球背面嘅海島都知道香港仲要咁清楚武漢沙士 （戈時係2月頭）

落咗車之後去返southwest bay搵嘢食，

嚟咗呢間網上幾多人推介嘅El Divino Nino食

叫咗杯Limonade

仲有一碟炒蝦飯 講真嘢食就真係無咩咁特別
網上嘅推介我諗都係純粹因為個景，蝶蝦仲要有d炒燶咗

食完之後行返返去，沿路喺路邊見到條大蛇，唔肯定係屍體定係脫皮
因為行近去時發覺勁多烏蠅圍住咗 唔多夠薑再近距離望

去附近士多買水時見到嘅一隻家貓

喺呢個小島其實都係hea居多，每日都係去吓唔同地方浮潛，沙灘曬吓太陽咁
呢一日晏晝就覺得攰攰地無特別搵嘢做
嚟到夜晚見肚餓先出去食飯

呢枝就係哥倫比亞嘅其中一隻當地啤酒
不過我唔多推篤 有另一隻牌子叫Pilsen好飲好多

就算多數都係海鮮餐，呢邊勝在個飯真係好味
同埋對於之前喺歐洲好耐無食過飯嘅我嚟講好吸引

睇得Netflix多都幾鍾意西班牙文
見到樓主個post真係好葡萄

我反而幾羨慕人西班牙文真係講得好
個R音同RR音好難發

佢哋真係講得好撚快
但係其實聽落會覺得好好聽
但係一開始聽唔到啲音真係有啲厭惡

講得快都未算好大問題
練發音先練到懷疑人生

Day 11

我直接跳過咗Day 10,因為戈一日我只係留喺海島沙灘上邊hea,實在係無咩嘢好打出嚟


呢一日朝早由酒店搭的士出返去機場，用咗15分鐘左右，呢個就係Providencia嘅小機場
喺戈個細櫃位check in，一樣都係磅吓重咁，今次超重無俾人罰錢
佢地呢邊罰唔罰錢真係隨心嘅
然後攞住張登機紙準備入去候機時，就俾機場門口嘅嬸嬸截停咗
原來佢坐喺戈度就係負責喺每一張候機紙上邊簽個名

呢個就係細到無咩位可以坐嘅候機室

幾有加勒比海風味嘅停機坪

搭呢種小型螺旋機返去San Andres,用相機可以見到埋上邊嘅儀器

搭咗15分鐘飛機返返嚟多人嘅San Andres,喺機場上有專人帶路排一條由Providencia返嚟嘅專用櫃位
今次‘過關’快咗好多
因為第二日就諗住直接飛去Medellin，所以選咗一間市中心嘅hostel住，
由機場行路過去15分鐘就到，順便慳少少錢

喺hostel搞掂好晒之後就出去食lunch,喺海灘隔離嘅一間餐廳度食

叫咗碟蝦串燒搭薯條咁，印象中個醬汁係好味過串蝦

市中心都係有d攤檔賣吓手信咁，又有d人會喺度幫手做瓣髮

仲有呢d路邊攤檔賣吓嘢食咁

都係一樣呢個人多多嘅沙灘

有d人會喺度玩呢種水上電單車

喺度睇咗場沙灘排球順便喺人地讀比分時練習吓西班牙數字

嚟緊去墨西哥

之後去咗哥倫比亞嘅連鎖咖啡店Juan Valdez食cake，去到時個店員認得我
應該係因為之前嚟過呢邊食嘢同埋好少亞洲人嚟呢度

然後返咗hostel攤時有個英國鬼婆返咗嚟，傾傾吓仲話頭先買咗幾罐啤酒，
請咗罐俾我飲

跟住夜晚時去咗呢間感覺幾chill嘅餐廳食，呢度食嘢稍微比Providencia平少少

應該係我喺哥倫比亞度暫時食嘅最後一餐海鮮餐

剩去墨西哥