話說琴晚喺hostel飲酒時有人好推篤呢間餐廳,仲喺呢度拎咗外賣返嚟食,勁香
於是曬完太陽就入咗去食lunch,一樣係叫咗海鮮飯
碟飯係好食過市中心食戈一間,不過呢度都係習慣樣樣嘢都勁大份
叫咗我都食唔晒,有d浪費
然後行咗返去hostel附近,去咗一個叫La Piscina嘅地方
入場費6000cop,會俾舊面包你餵吓魚咁
,兩邊就有d攤檔賣嘢飲嘢食
呢度好多人喺度玩浮潛
不過我嚟呢邊主要係想玩呢個水底行路
俾咗35美金左右可以玩30分鐘,會有人guide住你喺海底行
臨落水時戴住呢舊白色頭盔,落水時就會靠氣壓自動防水
佢地玩完之後我買埋隻usb手指拎相,不過因為無電腦喺身upload唔到,唯有用網上嘅圖
啱啱落水時個水壓會搞到耳仔痛到仆街,要申隻手入去㩒實個鼻閉氣先好返d,圖入面條黃色帶就係傳輸氧氣嘅地方
一開始會帶住你行去睇個人造石像,順便拎部gopro影吓相咁
之後就行去另一個地方,水底度係真係有咁多魚嘅
不過影相時就要靠佢地俾一支面包碎嘅膠樽,然後搖住咁吸引堆魚過嚟影相
玩完之後覺得係個幾有趣嘅體驗,不過都係試一次就唔會玩第二次
因為咁樣俾人guide住嚟行同影相好無自由度