[保險撚]小弟開左個車保專頁俾巴打查詢

保監會投訴下先

仲未有回覆

保監會投訴下先

仲未有回覆

覆左同我講聲

巴打，想問22歲甩p，同22歲未甩p
買corolla呢啲家庭車保費會唔會差好遠

基本上未夠2年牌/25歲都差唔遠

thanks巴打
如果呢個情況大約幾錢保費？
好撚大約ok ga la, 唔想pm Facebook

巴打 我想問下如果520HP 25歲前同25歲後會差幾遠...
22歲個陣問過 貴到

夠歲p牌想出 09-11 audi A5 2.0T quattro
幾錢倒？

19 P出到話你勁

出到唔係個agent 勁，係個underwriter 憨鳩

不過我真係見過一張單面保費$13萬嘅全保單

【請珍惜會借車俾你嘅朋友】

「應否借車俾人」同「中學生應否談戀愛」一樣困擾住好多作為車主嘅巴打...
而借車嘅一句：係咪FD先？唔係信唔過我下話？
可以將自己放係一個進可攻，退可守嘅位置！令車主好快陷入一個萬劫不復嘅境地：「借又死，唔借又死！」

仲記得當年係理性同感性之間嘅掙扎過後，我同大部份巴打一樣選擇左初戀..
不過好快我就嘗試到果種刻骨銘心嘅痛！
佢地唔會明白借左架車出去返到黎見到架愛駒hi花刮損、甚至炒左，係用金錢彌補唔到嘅..你會覺得架車已經唔再純潔！
因為你知道一架車是咪「直板」嘅重要性就等如一個女仔嘅第一次仲係咪度！
最後你會發覺有d野返唔到轉頭，然後含淚上28car打：#0首 #少咪數假日車 #勤打理 #完美主義者不適合..

但正所謂「人在江湖 身不由己」，人愈大欠落嘅人情債就愈多...好多時借車俾人都雖不情願但何奈亦無可避免！
同樣作為愛車之人，借架車俾人果種患得患失、心如鹿撞果種感覺..小弟絕對明白！

究竟咁樣借俾佢使唔使負咩法律責任🤔
我無不記名司機借唔借得俾佢🤔
萬一發生事故保險包唔包🤔
呢篇就等小弟同你簡單去講解下作為車主嘅巴打有d咩要留意🤘🏻

首先巴打可以放心！
係一般情況下，借車嘅野你情我願，就算萬一意外發生係無需付上咩法律責任嘅。

不過第一大前提係借車人要有有效駕駛執照！小弟係度唔o徙咁多口水去話俾各位知後果有幾嚴重！總之一句講晒，保險公司唔賠，車主會負責所有損失同時會負法律責任！#off topic#

第2️⃣，就要睇下巴打自己份保險包唔包「不記名司機」「Unnamed Drivers」啦！
就算同一部車同一個人，每間保險都可能有唔同嘅條款。有D保險公司因為某D原因有機會係唔保障「不記名司機」。姐係話除左你報上去嘅司機外，其他司機渣你架車出事係好可能得唔到任何保障/賠償嘅！所以借車前你最好打俾個agent問清楚先。

第3️⃣，要知道自己份保險嘅「墊底費」係幾多！始終先小人後君子，凡事作最壞打算，起碼萬一出左事，都有個預算！
通常墊底費都有分為：「一般墊底費」「年輕司機墊底費」「經驗不足墊底費」「不記名司機墊底費」。
通常借車出左事「一般墊底」同「不記名司機」都係膽黎架啦，如果你借俾25歲以下嘅又中埋「年輕司機墊底」，唔夠兩年牌再中埋「經濟不足墊底」！
哦！呢條四穿一甘囉...當每樣5000你都要拿兩萬出黎先到保險公司賠！

第4️⃣，而家渣車搵外快已經唔是咩新鮮事！如果借車俾人係用作為商業用途嘅話，保險係唔會受保嘅！
⛑頭盔：萬一出左事小弟絕對唔建議你地係差人黎之前同乘客夾定話係送個fd番屋企！咁樣係唔岩架那！

第5️⃣，香港地買車容易養車難，加上今時今日科技發達！市面上有d租車app做到成行成市，對於假日車嘅巴打都算係一種外快，幫補下養車費用！
雖然佢地呢類公司同某D保險公司有合作保障到租車嘅司機！而呢類保險係凌駕於作為車主嘅巴打本身份保險之上，姐係一般出事你都唔使負上任何責任同賠償！
但有d細節位各位車主必須要留意番，又好似上面所講，萬一租左俾個人唔知點解渣架車拿去搵食嘅話。你可能就會自己承擔返所有意外帶來嘅損失！

最後..睇左咁耐希望各位明白問人借車對個車主有幾大負擔，
而最重要嘅係唔該請珍惜寧願孭咁大負擔都仲會借車俾你嘅朋友！！

#其實最終章可能係想講 #不如試下自己買番駕搵我地幫你出車保咪安心晒囉
#下篇會講埋搵親人出車問題

想問巴打 俾人cut過保險 係咪一定等三年再買？

21歲出車係咪會貴好多

21歲出車係咪會貴好多

21歲本身出車就唔易

23歲 電單車 學牌 出唔出到學保？

22 p牌出大發atrai 7約幾錢

惡搞一下，保險公司會唔會幫電動單車出第三保

Sor巴
小弟無做電單車
唔是因爲錢少 係真係唔太熟識

21 差10幾日22歲 P牌出 BMW 523I 10年車 大約幾錢

高質ＰＯＳＴ留名

25歲樓下果D, 又唔係有錢既, 咪學人揸車啦

18歲p牌想岀部corolla有無機會岀到？
thx巴打