整完爛髮小心

前日下晏大嘅三點鐘，我去一間西河美x的髮型屋打算染頭髮同電髮。間髮型屋我都唔係第一次去，我仲介紹我成家人嚟染髮剪髮。起初我揀隻IDA曲髮價錢係$348，我知道如果我揀最平既價錢，個髮型師一定黑口黑面叫做隻貴啲。SC個髮型師話價錢係度，如果再加埋染髮就加多$100紋。得，無問題，學madam話係黎扮靚唔係黎受氣。madam? 無錯，我哋搞到要報警處理。幾個鐘之後電完染完，到最後一步吹頭。我同SC髮型師講，我個頭唔捲。佢話「好捲」，一直強調好捲。之後佢轉換另一個風筒罩，幫我吹捲，咁樣係吹捲並非真係電捲，又怪我髮質差。如果你叫我認同你好捲，我做唔到。SC你仲要一路吹頭吹到半路又唔吹，不斷黑面，叫我以後咪撚嚟！咪撚嚟！咪撚嚟！講左三次，我喊左出嚟，你話咩唔受尼套！原來你做生意要咁樣趕客既，我唔滿意你既態度，可是你不接受意見，仲要惡言相對。最後髮型師非主動既情況下，平咗48紋。你之後仲報警，諗住警察嚟度先肯比收據，起初諗住收據都廢事比。我原意唔係想唱衰間鋪既，我只係想大家留意下，到此髮型屋之前要三思，並非價錢問題，警察話係道德問題，就算你唔收錢，頭髮傷到咁已經番唔到以前。

叫咩名

知唔知咩叫分段？

絲打仲出街仲要係髮型屋
你真係小心

髮質麻麻再電+染不嬲都會爛髮架啦 整完都唔會卷

我都試過
次次諗住畀貴啲扮靚啲 結果貼錢買難受
同髮型師鬧交就同廚師鬧交既道理一樣
所以我次次都會死忍
諗係咪自己髮質差/要求講得唔清楚/佢style同我唔夾
然後下次再去下一間試新野就算
試咗好多次先叫搵到間啱心水

講翻樓主
我真係第一次聽聞到啲咁撚仆街既髮型師
態度差極都唔係用粗口下話
如果你講既句句屬實 我真係建議你開全名(鋪同髮型師我)唱衰佢
仲有去Facebook啊google map啊
係互聯網搵到佢間鋪既野都打負評
香港地真係好多仆街髮型師+伏鋪頭

Btw下次可以分下段 睇得有啲辛苦

咁平都知出硬事啦

樓主好撚索

對唔住，我下次會分段

係啊，我連男朋友住新界西果邊既，話想剪髮，我都專登叫佢過嚟港島東，估唔到事情會變係咁。

對不起，會改善

之前試過一間新年前去剪
個陣好多客
但得佢一個人剪
個髮型師問我想剪短幾多
我唔知話3cm定咩
之後剪完我話想再短啲
佢即刻黑哂我面
話頭先你又話3cm，而家又話要短啲
好唔情願咁再幫我剪短啲
我知你忙多人，我唔介意你serve完第個客再幫我
但態度可唔可以唔好咁差
我之後都冇幫襯過

我唔想剪，但唔敢放頭髮落嚟，琴日有暗影一諗起頭髮，我血壓都爆表，尼段日子希望大家身體健康

岩啊 有d仆街髮型屋真係唔識整頭髮架屌！

亂咁電亂咁剪...

哇屌 好明顯係髮型師問題！ 好心唔識整就唔好開店啦，害死d客

大把呢d仆街髮型師

我講既野係真既，但開全名同個髮型師個名，好似唔係幾好，因為此終打開門做生意，雖然可能最近生意係差咗，但邊個無壓力啊？不過原來佢做生意有負評，都唔止係我。

把頭髮都炒撚哂啦，根本就係 d dot 鋪普遍用分電髮水價錢同電加染一次過黎 push d 客，有好多客都唔知自已把頭髮有幾差就一心貪平揀隻質素差既電髮水個師傅心知咁既髮質用咁既 lotion 必定炒硬唔黑面就假，電完把頭髮已經死得七成仲即刻染呢種咁既專業態度真係啱樓主你。

其實尼我前日，都有個後生男仔剪，好似話想條界分斜少少，之後佢幫個男仔旁邊有一刀鏟到好青，好明顯係旁邊有一弗白咗。我果時都提自己，唔好得罪髮型師。個男仔剪完好似由起初好自信到頭耷耷。