［方丈］HR萬事屋，法例疑難，搵工面試，你問我答

Job adv 寫係一回事，你入咗份工之後，你做咗咁耐，就自然可以同公司傾㗎啦到時

唔使一開始就同佢講最尾兩個月要咁樣㗎嘛

入咗份工先啦。

多謝多謝

因為FI入邊，規條同框框會比較在多啲，所以如果你係轉返出去，我覺得好似會有職能B嘅exposure 嘅機會會高啲，所以會再好少少。

同埋我想問你個人本身呢，學嘢快唔快，同埋如果要你搵返A 工會唔會好難。

好嘅，唔該曬

如果你自己辭職，佢就唔使陪通知金俾你，不過我都唔知佢本身係諗住賠通知金定係比通知期你。

其實要明白，公司裁員，唔一定係員工嘅錯，公司財務表現差，或者市道差，佢哋就會有依個嘅行為，所以其實呢啲唔係一啲唔見得光，唔講得比人聽嘅嘢，所以如果佢會影響你得到嘅補償，我就會建議唔好改自己走啦。

同埋就算佢炒你，你都可以要求你直屬上司佢出翻一封話返你工作表現其實做得好嘅信俾你，咁當然啦，前提係你工作表現真係正常

麻煩哂方丈佢應該係打算比通知期我
如果唔比當然我會揀redundant 的。
就係上司都比人炒埋，未必有人肯出信

咁如果你對自己學嘢嘅速度都有信心，咁我覺得你就要調整下自己個心態，你可以考慮直接去B工嗰度試啦。但係你就要用最快嘅速度去pick up

因為我記得當時Hr其中入邊有一個function 其實我都唔係好熟嘅，同埋地域上，我之前都未做過幾個地區，但係我都直接take 咗個regional role ....雖然我當期時唔使100%孭飛，但因為我對自己都幾有信心會學得切，所以用咗兩個是三個星期左右，人哋已經覺得我adapt 到好似喺度做咗好耐，佢哋其實冇人知我其實本身都唔係真係話好熟嗰一個particular aspect

同埋真係要肯學肯問，同自己團隊建立好嘅關係，向下屬學嘢，其實從來都好應該

同埋approval authority 從來都唔知係因為你嘅專業知識而俾你，management skills and decision making ability 都好重要，而呢啲係transferrables 黎

佢走咗未，未走嘅叫佢走之前好嗱嗱臨出俾你

可以咁講啦 ，第一次整親 。係去學校搞d trip 係內地交通意外，之後休息左2個星期 ，之後返份某零售MT 工啦 ，點知原來又係搬貨做唔到，resign 之後休息左半年 。

好返之後in 私人大公司 ，自爆衰左無offer 。（份工有少少搬野）。 之後真係破產咁濟，唯有做左2份政府PT ，計埋幾個月。

之後見公立醫院骨科話大致無問題就搵返私人工，好不幸地份工返左幾日就要搬野，搬野個陣比野砸到。宜家放左幾個月病假未完。

至於搵工個度成比HR 質疑無文職經驗，但做搬野（體力勞動）基本上已經唔得，所以真係都唔知自己適合做d 咩。

好 唔該你

咁你會唔會有佢嘅卡片嗰啲呀，你請佢私人都出一封俾你啦

好嘅 唔該方丈

你有冇諗過可以答佢，呢個位係唔需要大學學歷，但係一樣有好多大學生會上嚟考，咁如果你冇一個學位，你好難同佢地競爭。

係咪由細到大都想做，咁點解唔答係呢，有幾肉麻講幾肉麻都無所謂㗎，考左入去先算啦，鬼唔知係薪高糧準咩。

至於點解會quit咗第一份工，有啲人半工讀可以，有啲人半工讀唔可以，如果比着我，我可能會答佢，當其時工作同埋學業真係兼顧唔到，如果想有更加好嘅職業發展，考番入去紀律部隊，同其他學大學生競爭，當其時我覺得真係要努力啲讀好個學位先。放棄過政府工一次，所以先更加知道自己其實真係好唔甘心放棄，而且對於政府做嘢嘅流程，已經有一定嘅了解，亦都希望可以善用呢啲經驗，好希望好希望可以再入返政府，滿足自己嘅理想，為市民服務，亦都希望可以成為一個有熱誠，而且想喺政府部門穩定發展嘅一份子

佢哋唔係唔想考慮你，但係係因為你諗下，我淨係同你透過文字傾計，我都覺得你係嗰啲溝通技巧麻麻哋嘅人，而且應該係比較固執嗰種，所以你真係要再諗諗睇下點樣可以表達得好啲啦

唉，講完啲咁肉麻嘅嘢，我自己都想嘔

但係我成日強調申請人要醒目嘅地方就係，你聽到佢覺得你好似玩緊政府咁，你聽到佢係咁強調熱誠，你咪俾返啲好似充滿熱誠嘅答案佢囉，簡單啲來講，見人講人話，見鬼講鬼話啦

唔該方丈先。咁其實請呢D Junior post 既時候，hr比較睇重咩，希望果人有咩特質

其實我係對fashion呢行都有興趣嘅，自己覺得design呢part自己能力唔算好top,前景又唔係好，所以冇好堅持想做，好似你提及既其他post其實都有send cv

同如果我個樣天生嚴肅，雙目冇神咁，會唔會好影響見工。最近1次Skype interview 先發現自己答野果緊係甘，非常不討喜

如果係咁嘅話，你係男仔定女仔？女仔的話，化妝幫到你，男仔的話，其實化妝都幫到你

如果係請啲初階嘅職位，其實佢醒醒地，乖乖哋，好似好易教咁，就已經好好

或者係到返轉，冇問題， add完之後，嗰個account就等於廢左乜都唔好貼。