風頭火勢 仲走出去?
係,對唔住,原因唔講得。
只能夠講如果非必要,邊個會唔同屋企人一齊留翻係自己最愛既香港過年呢? 大家一定要贏。
咁話說,我就17號去咗台灣,係臺北陪咗fd三日之後呢,就開始咗環島之旅喇。
第一日(1月20)臺北-桃園機場 同fd一齊行既 就冇影到相。
桃園機場過夜幾正 個美食廣場好舒服
第二日(1月21)桃園機場-新竹 咁係新竹就識咗個本地人,聽到我係香港人之後呢,就帶我去咗睇當地既連儂牆。位置係新竹東門地下隧道入面。
隧道入面幾個流浪漢聽講咗我係香港人都好激動咁同我講: 冇人破壞,有過一次都被佢哋幾個嚇走咗。
係新竹都識咗個大波台妹,盛情邀請我話如果除夕(1月24)可以到雲林,就可以同佢一齊過年
新竹呢,就喺網吧過夜320新臺幣8個鐘。
第三日(1月22) 新竹到臺中。係你冇睇錯,成80km。
因為要全速趕去雲林,本身每日40km個速度係會遲既,咁我就打算索性一口氣狗沖去臺中,但到竹南鎮(未到一半)既時候呢,就已經下晝三點,入黑行路好危險,就係竹南鎮廢鐵站買咗架就嚟散既單車,全速前往臺中,到臺中既時候,都凌晨1點了。腳就真係就嚟殘廢咁。就奢侈d住咗晚hostel,350臺幣一晚
今日,第四日(1月23) 臺中到員林,二十幾公里。因為前一日實在太癲,一起身周身痛。本身184cm,但成115kg加埋個大書包可能成130kg。大肥佬本身冇操開,每日咁行法。已經好難得喇。
宜家準備出發,出發前呢,留意到臺中都有個連儂牆
你話佢利用香港宣傳選舉都好啦,至少係有人standing with us