演技方面，子華嘅一蚊雞保鏢同棟篤特工已證明自己，今次再上一層樓，完全屌打淨係識搞笑嘅星爺，喺同心悠兩個人嘅歡喜冤家愛情線睇到最尾真係睇到眼濕濕，好有驚喜。而且今次選角真係選得好，benz雄專家dickson、農夫、細細粒等等嘅角色為套戲加唔少分，可以話完勝當年
功夫嘅配角肥仔聰元華元秋梁小龍田雞等人。
今次套戲可以話係子華一生人嘅顛峰之作，如果十分滿分我會比十一分（一分係比子華咁撐香港人），自功夫以嚟已經冇睇過咁好睇嘅武打笑片，功夫勉勉強強都有九分半都好勁，但係星爺揀咗喺大陸拍同用蝗國茄喱啡我會扣佢半分，但今次乜代宗師真係一套可一不可再嘅正宗港產片，而且精彩程度絕對比當年功夫有過之而無不及。
再加埋子華始終如一堅持為港人嘅立場，樓都賣埋都堅持要寫一個純target香港人嘅戲自編自導自演一蚊都唔收，認真抵讚
就算唔講質素如何，可以支持黃戲支持本土，淨係呢樣都值得入場，一開頭我都係抱住中伏嘅心情去睇，估唔到帶到比我驚喜，我已經準備好嚟緊會睇夠十次，身為真香港人嘅你，唔係唔睇下話？
