謝露露
2020-01-22 19:17:39
補充返,唔淨係韓國人鍾意小公司逆襲
防彈吸引到既係全球既歌迷。
佢地似一個whole package。
唱跳rap都喺水平以上,因為成員本身唔同既訓練背景,佢地可以carry到好多唔同風格既音樂同編舞。佢地既舞台似係一件藝術品,訴說故事,充滿感情。
創作同音樂、mv傳遞既信息係重心之一。公司唔多操控佢地,比好大自由同鼓勵佢地將自身既故事寫入歌,所以佢地既音樂好可以引起呢一代人(由年青到中年到老年人都有)既共鳴,係聽到會喊嗰種。佢地自身出道頭幾年被欺凌輕視既經歷令佢地既音樂更具說服力。佢地既作品有可以改變人生既力量(我自己經歷緊),見過好多有抑鬱症情緒病既人,話防彈陪伴同比勇氣佢地走出最辛苦既時光。佢地既歌,要娛樂性有娛樂性,要深度有深度,好有啟發性。
再黎當然公司經營好,歌迷經常可以見到佢地,不管係自家製既綜藝、youtube花絮、成員既Twitter post、vlive,都經常update,無乜空白期。成員既性格討喜、自然不做作、自律無壞負面新聞,同埋滿滿既團魂,都令人好容易同佢地連繫到。仲有,佢地既MV同音樂有好多隱喻既內容同有隱喻出黎既故事線串連一起,觀眾要反覆喺其當中搵hints,再分析總結,以前就佢地既故事就已經有好幾種唔同既theory,係一個(好痛苦)又好有趣味性既過程。所以阿米成日都講“套路”,成日都一大堆圖文分析文章、影片,連年末既特別舞台、VCR 都要分析。有啲似睇要用腦既電影,但又好artistic。
最後,防彈唔係公司target要去美國的,
而係佢地既外國粉圈成長得太快,
粉絲出盡力帶佢地到美國,周圍搵電台介紹、播放佢地既歌,食過好多檸檬,最後先推出到佢地去AMA, Billboard, Grammy,同更多地方。
佢地喺英美既名氣、成績,自然形成,公司同個團一開始都無預料過。