《１１：６１》在家中見到女鬼請不要斬她

多謝大家嘅留名同正評 夜啲出文

一開始以為鬼故先睇 點知唔係
不過又幾好睇

一開始以為鬼故先睇 點知唔係
不過又幾好睇

我都係

女主太強勢
好似現實d港女咁令人作嘔

幾點有文呀

幾點有文呀

十一點幾啦

啱睇嘅記得留返個正評

本來我是很喜歡自己一個人的生活，但當我發現有個人可以陪你嘻哈打鬧時感覺原來還不錯。
我已經開始有點期待明天晚上那個沒有約定的見面了。

吃完杯麵，忍者龜電影播放完後我就睡覺。

早上，又是如常的一天。
當見到太陽，當我在上班時，當我回到現實後，晚上跟村姑的奇怪約會好像變得很虛幻。就連真正的村姑也不知道自己有跟我約會過，全世界就只有我知道這場約會。
但我連今晚到底會不會再見面都不知道。
只能不要想太多，埋首繼續工作。

海豚哥走到我的位置，將他的電話遞給我看。
裡面是一個女生的自拍照，樣子不錯。

「今晚約咗佢同佢個friend出嚟，一齊啦！」海豚哥搭著的膊頭說。

「吓，唔好喇，唔阻你搵食啦。」

「喂，我都話佢叫埋個Friend出嚟囉，有女介紹你啊。」海豚哥提高了音量說。

「唔洗啦，你自己去咪得囉。」我一邊看著電腦工作一邊說。

「你攪咩啊？撞完鬼之後好似成個人唔同咗咁嘅？約你食飯又唔去，連有女介紹你識都唔去？」海豚哥疑惑地看著我。

我停下工作看著他說︰「無，無事啊。」

「係咪未趕走隻女鬼？咁睇嚟真係要搵師父上去睇睇喇。」海豚哥認真地說。

「趕走咗啦，唔洗搵師父喇！洗埋啲無謂錢。」

「個師父我好熟架，唔收錢都無問題，都係睇下穩陣啲。」

「都話無事，唔洗麻煩人喇。」

「你唔似無事喎，有女介紹都唔去？正常單身佬仆都仆到去啦。」

「喂大哥，佢個friend你相都無張，好難攪喎，萬一豬排咁點算啊？」我怕海豚哥真的找師父上來我家，立即想個理由出來証明自己是「正常」的。

「哦，原來你擔心哩樣，唔洗怕喎！正所謂物以類聚，啲女身邊啲朋友都係差唔多質索嘅，唔會太豬啦。更何況，大家一場朋友都講義氣吖，佢帶個friend嚟，你唔幫我頂一頂佢個friend，我又點會同佢有進展呢？當幫下手都要啦。」

「唉，幾點食啊？」我問。

「今晚7點半！」海豚哥高興地說。

「嗱，我唔陪你太耐喇，我12點前要返到屋企。」

「你灰姑娘啊？咁早返屋企把撚啊？」

「你理我吖，我練早睡早起養身術唔通又話你知喎。」

海豚哥笑一笑，沒有回答我就回他自己的坐位繼續「扮工」。

下班的時間一到，海豚哥立即興奮地走過來叫我一齊下班。
但梅菲定律總會在這時候出現，打工仔在趕下班的時候總是無法準時下班。
有客戶在最後的時間下單，必須先完成訂單才可以下班。結果我們OT了半個小時才可以下班。

「唉，仆街喇，好趕啊！」海豚哥緊張地說。

「唔會啊，仲有時間吖。」

「我仲要返屋企換衫啊！好趕啊！」

「咁你唔換咪得囉。」

「你都痴線嘅，約女點可以唔換衫啊！你唔洗換咩？」

「我唔洗啊，就咁去有咩問題。」

「你唔換衫咁你陪我返屋企喇。」

就這樣我去了海豚哥家中等他換裝身。
雖然我們認識了一段時間，但我們從來未去過對方的家。
畢竟香港房子小，並不是招呼朋友的好地方。

海豚哥一回到家中就衝進廁所裝身，留我一個在他家中周圍參觀。
他家的牆上交叉掛起了兩把武士刀，武士刀一塵不染，看來長期有人打掃。
除了那兩把武士刀，他家中也有很多大大小小的武士刀。
看不出原來海豚哥是位武士刀收藏家。

除了武士刀吸引我之外，我還發現他家的玻璃櫃中有幾隻忍者龜，有些看得出是年代久遠，有些是新買的。
但全部都是藍色的那隻，用武士刀的。

一見到忍者龜，我就自然地想起村姑。
原本以為忍者龜的fans不是很多，沒想到原來我身邊就有一個。

我大聲地問在廁所裡的海豚哥︰「原來你都鍾意忍者龜架？」

海豚哥已經洗完頭從廁所出來︰「唔係我架，我老豆架，唔好攪啊，家傳之寶嚟架。」

「估世伯唔到喎！」我驚訝。

「不過我都鍾意，但我淨係鍾意Leo，啫係用刀嗰隻。」

「我睇得出世伯都係。」我在玻璃櫃中除了Leo找不到其他的角色，然後我接著問︰「啲武士刀都係世伯架？」

「係啊，唔好問咁多啦，出門喇！」海豚哥立即趕著出門。

我跟著悉心打扮的海豚哥去約會，結果我們在餐廳中等了半個小時，說好的美女並沒有出現。
訊息、電話全部都沒有回覆。
我問海豚哥，到底在那結識這位女性，他說是在交友APP。

我想了幾個可能性，可能那女性到了餐廳，但見了海豚哥覺得不合眼緣所以逃跑了。又可能海豚哥是被釣狗公玩弄也不出奇。

總知最後就只有我們吃了一頓飯，然後各自回家。

回家沖過涼後，我就坐立不安地等待和村姑的約會。
她又「如常」地突然出現在我眼前。

這次我先說話︰「喂，你唔好次次講野講到一半無啦啦就走咗去啦。」
我好像已經習慣了她的突然出現，但我還是未習慣她的突然離開。

「你估我想架？我都想留耐啲，但根本唔到我控制。」村姑說。

「咁你叫我溝你，我都要知點溝先得架？」我問。

「搞錯啊你，你溝我要我教返你點溝我？講出嚟都古怪啦！」村姑說。

「古怪得過而家？」的確任何說話也不會比現在的情況古怪。

「如果追到我未必係好事，你仲會唔會追啊？」村姑突然認真地問。

女孩終歸是女孩，總喜歡問這種奇怪的問題。
但男孩也總會知道怎麼樣回答︰「會！」我肯定地說出，而且我知道自己是真心說出這句話的。

「點解啊？」村姑問。

「因為我鍾意你。」這句話並不是隨便地說出的，我有向自己確認過。因為我總會閒時就去看她的照片，總會期待著每晚的約會，好像對其他女性失去了興趣一樣。從這幾點，我看來我真的是喜歡了面前這個認識明明不深的奇怪女孩。
這次是我第一次向村姑表白，從她的表情看得出來，我應該算是成功。

然後，我很自然的將身體靠過去，頭慢慢慢慢地靠近。直至吻到她的嘴唇我才停下。

這個吻好像很長，也好像很短。
我們輕輕吻著，沒有多餘的動作，就這樣用嘴唇感受著對方的唇溫。
直至到柔軟的觸感消失後，我才發覺她已經消失了。

各位如果方便嘅記得留返個名同正評吖

皮已正

LM

more more

Lm

快手啦 樓豬

推post

lm