《１１：６１》在家中見到女鬼請不要斬她

1161

見到真人就冇咗11:61

會唔會有返11:61

Push

會唔會係
1161開始妒忌另一個自己
所以唔出現？
畢竟佢兩個可以話係個別存在

推

推

推

推

推

push

push

我們在他家樓下會合，然後一齊上去。
打開門的時候，海豚哥的爸爸已經坐在客廳了。
「爸，我朋友嚟咗。」

「過嚟坐吖。」海豚爸說。

「叔叔你好。」打過招呼後，我就跟他的指示坐到沙發上。

「聽杰仔講你好似出咗事喎，可唔可以講俾我聽成件事係點？」杰仔是海豚哥的真名。

我將遇見魔物的事完整地向海豚爸說，包括殺死魔物後村姑帶我去看醫生的事都說了。
海豚爸聽完之後表現得很生氣。
「豈有此理！如果我哋仲好似以前咁會間中上山殺吓佢哋，佢哋一定唔敢咁放肆！竟然夠膽喺市區殺人？」海豚爸拍枱大罵，接著說︰「你今次真係好彩，撞到辜家嘅人，唔係真係凶多吉少喇。」

海豚爸說，從前魔物只會捉上山或下海的人，很少會對付市區中的人，找市區人來對付的魔物，通常只是鬼而已。
鬼是魔物中最沒有殺傷力的一種，就連只是見到滅魔刀也已經會嚇跑，加上有不少可以對抗他們的人類，所以一般來說，他們對付的都是妖或精。
妖精會在山上捉走行山的人，不少失蹤案都是跟魔物有關。當年也有魔物會到市區捉人，但都是捉一些流浪漢等等，一些就算失蹤了也不會有人知道的人。
魔物也會擔心自己的行蹤暴露而被追殺，不過現在少了一班專門追殺他們的人，他們會大膽起來也是正常的。

「我真係唔明，點解政府要停咗我哋。政府咁樣停，只會有更多無辜嘅人受害，政府點解好似幫住魔物咁樣？當年我都有試過自己出去殺魔物，結果係俾政府捉咗，叫我唔好再咁做。我一氣之下，就從此都無再理。好彩仲有辜家會出嚟，唔係我個仔就死咗個好朋友喇。」海豚爸嘆氣地說。

「叔叔，我怕之後都仲會遇到魔物，你可唔可以教我小小防身嘅技巧可以保護到自己啊？」我誠懇地問。

「既然你係用滅魔刀殺死魔物，咁多少都同我哋高家有關係，我一定會幫你。你以後唔好叫我叔叔喇，叫我師父啦。」海豚爸說。

我立即拿起海豚爸的杯，再遞到他面前說︰「係嘅，師父飲茶！」

師父笑了一笑，接過我杯茶，呷了一口說︰「以後放工就跟杰仔過嚟我到，練完野先返屋企。杰仔都一齊練！放心，唔會太夜，每日10點前就返屋企喇。未練到夠料嘅時候你都唔好出夜街啦。」

「知道師父！」

「爸，我就唔洗住啦，等佢練到我哩個程度先一齊練啦。」

「衰仔，你邊有程度？」

就是這樣，我拜入了高家的門下，訓練成為滅魔師之一。師父因為擔心我會再被攻擊，所以訓練翌日就開始。要不是我身上的紗布還未拆開，師父已經想開始訓練我了。

回家後，我立即打電話給村姑跟她說我已經拜入高家門下。村姑也很替我高興。
從背景的聲音聽得出來她在唱K，多說幾句後我們就掛斷電話。掛電話之前村姑跟我約好如果我的實力足夠後，她就帶我出去實習。
所以我必須要趕快練功才行啊。

既然村姑不在家，那麼今晚11:61應該也不會出現了吧。我就早點休息了。

一大早起床，將紗布拆去。沖了一個久違了的涼就出門上班。
醫生的醫術果然高明，紗布拆去後已不覺得痛，也活動自如。
一上班就期待著下班的第一堂，好不容易等到了下班的時間，我立即走到海豚哥的位置︰「走得未啊？」我急不及待。

「我今日唔返屋企住啊，你自己去吖。」海豚哥說。

「吓？點解啊？」

「約咗女啊，上次放飛機嗰個，今日我終於又約到佢出嚟，仲要係單對單見面！」海豚哥難掩興奮的表情。

「唔係掛，會唔會又放多你一次飛機架？」

「點會！」海豚哥激動地說。

「哦，好啦，咁我自己去啦。」

「唔好同我老豆講喎，你就話我被老闆OT啦。」海豚哥說。

我點點頭就離開，立即上去海豚哥的家。
師父已經在等我了。
「杰仔呢？」師父問。

「哦…老闆捉咗佢去OT啊。」我說。

師父苦笑了一下就沒有再問下去了。然後就沒有埋會海豚哥，開始訓練我。

高家所用的武器是刀，但在現代社會，要將刀帶出街實在有難度。所以我的武器就是我之前所買的那把滅魔刀，那把只有電話般大小的刀。
用小刀戰鬥當然更難，但握著小刀的好處是靈活。所以師父一開始教我的是步法。
熟練步法後可以打住走，擋住走。反正步法就是逃跑中最重要的一環。
要戰勝，先要令自己不敗。如果不夠打就先逃跑，保命要緊。留得青山在，那怕無柴燒。
保住性命才有戰勝的資格。

我很努力地跟著師父學步法，直到時間夠了才回家。本來我想回到家中也繼續練習，不過我的家確實沒有多餘位置讓我練習步法。
只要早點休息明天再練。
雖然身體已經很累，但我還是捨不得睡覺，想要等到11:61後見完村姑後才睡。
不過時間從11:59，一下就跳到了12:00。
村姑又再一次沒有出現。
我失望地睡著。

海豚哥真係好鳩

村姑幾時再出

係咪電話禁極刀

加速