這是一個關於線的故事。
人與人之間,就有如線的交織。有的像毛線般纏繞,繫繞著半身,卻能一拉而消。
有的像電線桿,在某一刻分離後,就不必回頭。
有的像電波,不常碰上,但波長對了,就是會再遇,然後誰也不知,更待何時。
說穿了,這線就是簡單的緣分。
簡單得,令我們對他的複雜,又愛又恨。
這個故事是甚麼線?
=============================
ig:https://www.instagram.com/heyamigikabetan/
=============================
先講聲唔好意思,個故拖咗咁耐。寫個故咁一波三折,真係連自己都想問,其實係咪唔應該寫落去。
第一次係5年前,寫咗頭5000字,就一直無再寫過,直到寫完«三世書»。
第二次係近呢幾個月,有時寫兩寫,邊度有事又要撲出去影相。依然繼續寫,係愛丁堡寫,係中大寫,係poly挨住路邊就寫。
因為我好想寫俾一個人睇。
第三次係呢幾日,忽然收到嘅口訊,我知道再無可能趕得切,俾妳親眼睇完個故事。
一個大部份發生係日本嘅故事,一個美其名係愛情,實際上係發牢騷嘅長故。習慣成自然,照舊歡迎大家一齊搵歌詞。亦歡迎大家對文筆東插西鬧。
又,呢排好多長夢,朝早要返學,夜晚要上前線揸機,如果有一日進度追上庫存,就多多包涵,放心今次我會keep住更落去。