經歷完SARS，香港人防疫意識高左好多，今次肺炎事件大家即刻打醒精神出街戴口罩。👍🏻👍🏻
不過見到有人戴錯Pixxa黑色口罩防疫，所以有d擔心各位手足。本人從事bio科研，可以話基本市面上無口罩可以直接防病毒🦠或病菌。
夠竟口罩可以防到幾多病毒病菌要視乎隻野的大小同傳播方法，病毒基本上細過0.1um，如果傳播途經係空氣，基本上帶咩都冇得防。病菌介乎大約細過1um，PM2.5口罩可阻隔直徑2.5um以上嘅野，即係都防唔到。上面嘅講法是假設病毒病菌係空氣中識free flow。在無任何載體之下，一般口罩都幾難防。
不過好彩嘅係，通常病毒病菌係經飛沫傳播。即係黏附係病人噴出黎嘅口水鼻涕度，再係空氣中成粒飛沫液體傳入其他人的口/鼻黏膜，入血中招。飛沫有大有細，一般三摺式的外科口罩除左可以防到大size的粒子外，第一層的防水層已經阻隔左飛沫的浸入，變相就算細菌病毒幾細都入唔到去。所以選購口罩要視乎防咁水層做得好唔好，filter夠唔夠細。er.....不過一般包裝無寫
市面上買到嘅口罩😷除左普通外科口罩，仲有防花粉同N95。防花粉口罩唔防水唔防菌，病毒更加唔洗講，飛沫hi到外層浸左入去一樣會中招。N95是全密封式兼防水，95的意思是防到95%的非油性空氣粒子，無講明filter大小，所以唔可以話佢可以防菌防病毒，但可以阻隔95%飛沫。聽落好似同外科口罩差唔多，係，已經有報告出左，證實保護力差唔多。
普遍認為N95勁過外科口罩是因為外科口罩唔夠貼面，包唔實，左右兩邊易漏風，飛沫可以入去，N95就完全包實。值得注意⚠️N95不可長時間戴，自己呼出的二氧化碳會毒番自己，戴一陣就要抖下氣。
結論是普通外科口罩定N95都可以大比例地防到經由飛沫傳播的病毒病菌，但花粉口罩呢d時候就無L用。各位手足如想行街，可買某隻色的外科口罩，但唔好用立體防花粉果隻。有健康先有力繼續撐落去
