【第二章】初來乍到
01
「喂,你哋暑假有咩做?」鄰近學期完結,我跟肥Sam、楊澐放學後在課室無所事事,於是聊起話題來。
「打 LOL 囉,Hea 下又一個暑假。」肥Sam打了個呵欠後說。
「欣賞夏天為大地帶來嘅美腿...咁就一個暑假。」楊澐故作認真地在說著。
看見我的白眼後,他續說:「至少唔會係努力做功課掛?」
「不如...」我腦海裡有個瘋狂的構思:「我哋入籃球隊?」
確實,自從班際比賽之後我就莫名其妙有種衝動想要繼續打籃球。
此話一出,只見他們不約而同的四目交接,然後瞠目結舌的凝視著我。
「喂,幾好笑喎。」肥Sam笑道。
「我認真㗎...」我翻了一下白眼。
「你食錯藥?年年 PE 都唔合格嘅你,平時留幾滴汗都嫌煩,但竟然想入籃球隊?」肥Sam笑問。
本來想反駁的我卻啞口無言,畢竟肥Sam即使脂肪比我多,在運動方面還是比我優勝太多了。
「唔會係...籃球隊突然黎咗個靚女經理人掛?我睇日本啲動漫好多學校校隊都有女同學做經理......」楊澐露出色瞇瞇的眼神說著。
此時我的心中頓時有了一番想法,我便假裝驚訝:「點解你已經知道!?邊個同你講?」
「真係有女經理人!?!?」楊澐頓時雙眼瞪大,直手直腳的站了起來:「早講呀嘛,我都要入籃球隊!」
我嘴角上揚,同一時間我和楊澐把目光定在肥Sam身上。
「跑死你呀,你入到去籃...」
「入咗先算啦!」還沒待肥Sam說完,我和楊澐異口同聲地反駁。
肥Sam被我和楊澐步步進逼,最終嘆了口氣。
「唉......頂你,我知我唔去嘅話就會比你哋兩個鄙視一世...」肥Sam露出無可奈何的眼神:「我都去啦......」
「一於咁話!」