活生生嘅生態圈故事-係咪淨係得我咁稔？

從前有一個生態圈 裡面有好多種生物
上至飛鷹兀鷲雀仔 中至獅子老虎馬嬲豬狗牛 下至鯇魚海豚鯊魚虎鯨
當然亦有草源沼澤高地 比唔同嘅生物居住
係一開始嘅時候 大家各自各生活
跟住大自然嘅定律走
而各個生物嘅天敵
除左係佢哋自己本身嘅predator 之外
就係天災
火山爆發 地震海嘯 風災乾旱 都對唔同嘅生物構成影響
但大家都明白 呢啲野唔到自己控制
繼續各自各 努力生存 繁殖後代
希望成為食物鏈頂層
呢個生態圈如事者過左半個世紀
同陶淵明嘅桃花園一樣 與世隔絕
有一日 唔知邊度發生咗火山爆發
有一大班蛇蟲鼠蟻走左過黎
當中好多都係受咗傷 有啲仲就嚟死咁
呢個生態圈嘅生物都落力幫佢地療傷
比佢地融入呢個新地方
自此呢個生態圈就多咗好多新物種
但當佢哋嚟咗之後 就想dominate 呢個地方
陰啲陰啲 侍住自己新嚟拎好多著數
慢慢建立自己嘅地位
一班原本住係呢個新態圈嘅生物都本住幫人嘅心態去幫佢地 比佢地係呢到生活
初時新入嚟嘅生物都好地地
幫得到就幫
但依家就建立一啲統治階級
要各種生物定期貢獻糧食比佢地
但因為住係個個生態圈嘅動物比較溫馴
未見過世面
你話呀 係隱蔽嘅溫室下又點會知出面係點嫁呢
所以比人侵佔緊都未知
但開頭嘅時候 班蛇蟲鼠蟻未有明顯嘅侵佔
所以大家都可以接受
但一步一步
班蛇蟲鼠蟻就得吋進尺
要求交嘅糧食要多啲
同一時間 佢地開始聘用心態圈入面嘅生物做手下
如果唔交糧/冇能力交糧嘅就要坐監
有生產糧食能力嘅 交唔足糧會被打
冇乜生產力嘅 就係係監獄入面被殺害 成為活生生嘅糧食
當然 係物競天擇嘅生態圈入面見到屍體都正常
所以都大家都不以為然 當平常事發生
受聘做手下嘅慢慢變成班蛇蟲鼠蟻類 極之醜惡
因為係一個唔公平嘅制度
開始有唔少生物選擇加入班蛇蟲鼠蟻 甘願成為手下
依附曱甴 打壓自己生態圈嘅生物
漸漸地 生態圈嘅生物開始醒覺
點解一個屬於自己嘅地方會比外人管治
點解自己嘅生命,命運會交咗比人決定
點解要定期貢奉糧食
點解班蛇蟲鼠蟻唔係自力更生 要搶掠我地生態嘅資源
點解貢奉制度會存在
點解要我哋去跟
一間銀行 當一個人話個張銀紙係廢紙 係冇影響力
但當全部人話係廢紙 好自然個樣野就係廢紙 一文不值
但....點解我哋唔咁做呢
而甘願做手下嘅
大多數都係一班無乜生產力
欺善怕惡 係生態圈無所作為嘅生物

慢慢 生態圈入面嘅生物就討論起黎
初初有一班位於食物鏈底層嘅生物唔跟規矩
唔交糧食 結果比蛇蟲鼠蟻啲手下打壓
仲要被人打
結果班蛇蟲鼠蟻 就變本加厲
糧食加倍之餘 仲開始收割土地
之後又多咗班生物去做班蛇蟲鼠蟻嘅手下 做曱甴
不久後 係食物鏈最高層嘅生物開始有個想法
打算先發制人 對抗班蛇蟲鼠蟻
但因為當時生態圈嘅生物開始跟隨咗班曱甴嘅制度
唔少生物開始厭倦抗爭
只好努力係需求層次理論中嘅生理需求
對向上追求已經無哂期望
所以係食物鏈最高層生物嘅第二次反抗之中並冇得到太大嘅成效
而且損失慘重
令班蛇蟲鼠蟻施行更嚴苛嘅制度
針對打壓當中食物鏈最高層嘅生物
但呢顆反抗嘅種子
種植咗係一塊自由之土上面
慢慢發芽 成為各個生物群嘅心靈同生理糧食。。。

如是者又再過咗幾多春夏秋冬
蛇蟲鼠蟻同外面嘅蝗蟲一齊打壓生態圈嘅生物
結果今次生態圈嘅生物已經忍無可忍
作出唔同形式嘅抗爭
上至飛鷹猴子吹哨子
中至獅子花豹老虎衝衝師
牛豬班馬鹿狗製牆壁
下至鯨魚飛魚送物資
螳螂雖小 但亦不遺餘力
各自努力
當然 依然係生態圈有唔少生物充耳不聞 阿諛奉承
呢一批”小數” 知道自己最終會被人殺害
所以唔會爭取最後一口氣去反抗
而呢批生物係過程中有啲變成曱甴手下
有啲選擇逃避 離鄉別井
但生態圈大部嘅生物都本住反抗嘅精神
繼續行落去
其中一隻牛牛突然有一個想法
但身邊嘅生物好似察覺唔到咁
但其實係work嫁喎
佢稔一稔 其實依家係呢個食物鏈入面
其實係一個偏利共生 (Commensalism) 同 寄生(Parasitism) 嘅混合關生
係早期嘅時候 係一個偏利共生嘅關係
我哋比糧食佢地 我地冇損害
而佢地有糧食 可以繼續生存
變得肥肥白白
但後來發覺到佢地不斷打壓我地
不斷搶掠我哋嘅資源 更甚要殺害我地
慢慢成為寄生關係
不斷吸我哋嘅血 然而不斷壯大佢哋嘅勢力
稔深一層
只要我地唔生產糧食 只係生產適量嘅糧食比我嘅自給自足
佢地班手下就唔會有足夠糧力 唔會咁孔武有力
唔會夠我地生態圈嘅生物多
要反抗 會有咁大嘅影響力
而蛇蟲鼠蟻 冇咗班手下嘅附和
同樣自招損害 同蝗蟲關係受損
個操作權係自己嘅手到
係確確實實係各個生態圈入面每一個生物嘅手到

但隻牛係到稔
究竟其他生物會唔會跟住做
唔去生產 唔去上繳糧食
唔服從一個根本唔屬於我哋嘅規矩
一個生物咁做 會被押上屠場殺害
十個生物咁做 結果一樣
個一萬，十萬個生物咁做
絕對可以反抗
想像下 每日生產糧食
然後貢奉大量糧食比一班打壓你 屠宰你嘅蛇蟲鼠蟻手上
而係生物開始放慢手腳生產嘅時候
班蛇蟲鼠蟻嘅手下唔會過分地暴力對待呢班有生產力嘅生物
反而變得”正常”
當貢奉咗糧食之後
佢嘅嘅手下就會暴力打壓我地
直到糧收成期嘅時候突然獻殷勤
假惺惺
因為佢地知道
冇我地嘅生產力
佢哋係唔會有可能變到有咁大權力
擁有咁多嘅糧食去牽住我哋鼻子走
相反我哋唔生產過多糧食
佢唔會有足夠糧食
唔能夠維持得耐
所以呢隻牛係到稔咗好耐
有咩方法先令到更多生物一齊加入
然後佢開始同牛牛相討點樣限制生產
初初加入嘅牛牛唔多 因為大家都驚比人送去監獄毒打
然後被踢出生態圈 比出面嘅野狼咬死
同時間
各個生物品種亦都紛紛議論起嚟
知道冇佢地嘅生產力
班蛇蟲鼠蟻一樣會玩完
同歸於盡
但大家都顧慮嘅係
食物鏈上最頂層嘅永遠都係最頂層
咁樣做法最後得益嘅都係佢哋
變相只有我哋做犧牲品
令唔少生物卻步
但再稔遠啲
要反抗
唯一可以真真正正反抗到而又冇太大生物犧牲嘅
就係要連繫佢哋
令大生產力嘅生物降低生產
群族減慢消費呢個概念傳遞到唔同嘅生物群
咁就可以放大個效果
即使有人繼續貢奉 但嗰到嘅糧食點會夠佢哋分
只會不斷循環 最後佢哋係唔會再有糧食
上一次抗爭嘅最頂層生物有唔少已經比人驅逐出生態圈
唔多唔少冇咗一班同伴
佢哋係我地抗爭中最勇敢嘅一群
佢哋嘅行動可以憾動成個制度
但亦要各生物群配合
先可以相得益彰
牛牛係到稔
各階層有冇可能作出有限度生產呢？

元旦倒數。。年年都係10、9、8、7、6。。。。。
今年，香港人在全球傳媒鏡頭下，
10、9、光、復、香、港、時、代、革、命

12.22 聲援新疆集會
12.24 和你shop 我要攬炒
12.31 十八區和你拖
2020.1.1 元旦遊行