（長篇大論，但只係想發洩下&希望香港人團結啲）
活動開始以泥，我有錢出錢，有力出力
但從來冇公開講乜嘢，因為我覺得我係香港人，我係應份咁做！
但半年過去，真心好攰冇曬動力
係個心好攰
曾經責怪自己點解咁冇用搵咁少錢
幫唔到手足啲乜嘢到中期愈行愈前做衝衝子
裝修有人屌，堵路有人屌，連俾人拉都可以有人屌9你柒去送頭
當下都有責怪自己係咪有嘢做得唔啱～反思自己係咪有乜嘢位柒左
有灰心有失望，但都堅持住，一路同自己講！我哋嘅做法唔完美，可以改善！
但到依家！活動已經半年！
仲有啲物資撚因為你幫襯左藍店而屌鳩你，因為一大堆道理而責怪你，但佢哋唔會了解下你之前發生咗咩事
真心灰到想同佢割蓆
係，你地課金買物資，好多謝你地嘅幫忙
但可唔可以唔好當自己係神
係～你付出金錢，付出時間去送物資
你有冇諗過我哋付出左乜嘢？可唔可以屌之前了解下先？
我行左十幾個鐘，攰到仆街乜都末食個！附近得番間翠x！我仲要擔心一陣走唔走到，附近又重狗
我真係好肚餓，諗都冇諗食左翠x！轉頭俾送物資既神知道左，一句＂吓！翠X藍咖喔！你點解仲幫襯？＂
當下好想喊！係！我仆街！唔應該食藍店
我更加唔應該衝咁前搞到自己10幾個鐘冇食飯
我更加唔應該衝咁前搞到自己中彈毁容
我最唔應該就係係又餓又痛嘅情況下 飢不擇食 咁入咗去食翠華
其實唔止一次發生類似嘅事，但日積月累之下真係會令人哋情緒崩潰
我唔係要求啲咩加冕，關心
我只係要求多一點支持少一點責備
呢場活動咁成功係因為大家各自出力，但時間一耐
大家開始出現互相指責
有勇武指責和理非，有和理非指責勇武
其實大家要清楚，冇一個人嘅付出係應份，既然係咁，互相遷就互相體諒下唔係更好?
我哋仲未到煲底，可否一齊行落去？
