我唔想嚇大家，不過今日我睇完一個初中學生嘅溫習紙後，我恐懼、我無言、我絕望。以前我讀中學嘅年代（十幾年前啦），學普通話，最多咪學下點講點寫拼音，又或者同中文科一樣，教下大家點樣寫書面語，避免將口語寫出嚟。但對唔住，而家已經「進化」到學習一堆你哋班港燦聽都未必聽過既匪式口語——即係只有班大陸撚（或者叫北佬都得）會講嘅口語……
考下大家先：
一、你知唔知咩叫「優盤」？
二、「點撥」同「多了去了」係咩意思？
我相信係香港土生土長嘅大家，如果唔睇圖片上嘅解釋，應該都唔會明呢堆詞語係咩意思架啦。因為呢堆字根本唔係我哋正常學中文會學到用到嘅字。呢堆字完全唔係正統書面語，只係鬼國人用嘅口語或者潮語。
「指導」、「提醒」已經係書面語，駛乜用「點撥」？簡簡單單嘅「很多」、「十分多」已經得，又何必寫「多了去了」？
再望望呢堆字，全部學嚟都多撚餘嘅。「可靠」呢個詞語廢左丫？點解要講「靠譜」？乜撚嘢「不長記性」？兩個字「善忘」咪搞掂囉。究竟強逼香港學生，學習呢堆香港local根本唔會明嘅字，有咩意思？
講到尾，都係要你班港燦下一代，盡快融入匪國文化、思維。先用普通話教中文，再強逼香港大學生必修簡體字，然後而家仲推中學生學埋呢堆垃圾匪國口語潮語。咁又岩喎，當而家堆band 2、band 3中、小學，隨時有半班都係新移民嘅時候，本地學生已經唔係大多數，甚至成為少數，咁我地香港人融入返佢地匪國語言、文化，又好似講得通……（好似係）
睇到呢到，你覺得好嬲？唔好傻啦。香港班怪獸家長，唔理藍定黃，子女考試成績先係最重要。「我都好唔想細路去學呢類匪語，不過考試要考嘛，無辦法啦，唯有逼佢地溫囉。」係嘅，搵食啫，犯法丫？同理，讀書考試啫，講乜政治丫？
最後一句，唔做「港中區隔」，最終香港人、香港語言、香港文化只會被殲滅，完。
作者：達時製作 (On Time Production)
https://www.vjmedia.com.hk/articles/2019/12/05/201718
