[ 26 ] 考緊26？你問我答！（3)

睇hkmonkeyrider睇到想學

之前都有睇 但係藍絲 不了
都係睇返魚ball算

我都有睇魚波

魚波高汁好多
啲教學真係有用
鳩up嗰啲都有營養好多

下 原來藍咖 睇少啲算

上左兩堂強制 急煞可以 但轉灣唔得 定唔到油 點搞 傾得太多又訓車 做外傾都無用

定唔到油咪試下用break 咯減慢過，眼唔好望地下，望出口你要去既地方。
就好似踏單車咁，正常係望前面揸。

有無地方可以借車練轉彎啊
想去駕院練又話租車整爛左要賠，上強制已經試過炒左車甩左個倒後鏡
我依家好徬徨唔知點算好，唔練又唔得，練又怕整爛架車，賠唔起，轉彎可能仲有排搞，我依家好灰唔知點算好

佢嚇鳩你姐，見人衝燈炒車都唔洗賠
練多3堂就無問題

真唔真啊佢叫簽份野果陣又講到實牙實齒咁
其實轉個彎都唔掂，練三堂都唔知搞唔搞得掂，我自己已經諗緊係5節定7節
更加唔好講強制試，屌

唔洗咁大壓力wo, 真係唔洗你賠。有d 衰導師嚇你姐，仲有車速又唔會快。你幾時考 係邊考？

我12月31號去沙駕考，依家係最怕最怕轉彎，真係轉極都唔掂，成日好似想跌想跌，一係就望唔好搞到撞野，又會太怕撞右邊野太早扭駄搞到跌車，仲會一緊張就比左油，搞到炒
依家係越轉越緊張，我都知唔可以，不過唉，真係好難

我觀察過其他人，好多都係覺得轉左彎較易，轉右彎較難。最緊係望遠d,望住個彎轉 唔好望錶把，用力大脾夾住個油缸。

平時練場大大個位比人轉就會轉到，一去到強制試個場果個彎就好似好急，加上仲要唔好撞到雪糕筒
個導師一路強調當啲障礙物唔存在就得，但係佢都話我點極唔化成日望地望筒唔平望，緊係轉唔到，但係我真係好緊張，係咪真係要跌下先會拎到平衡感

你用二波轉彎定一波，記得起步直路就轉二波轉彎，會比一波無咁chok, 就唔會怕跌

我原本都好怕轉唔切二波轉彎，不過試過一次二波轉彎係穩定唔少，所以依家都盡量二波轉，不過都係會失平衡或炒

要夠膽訓多啲去轉彎
我初頭都係完全轉唔到直衝出去
之後試下豁出去, 訓低少少就易轉好多

去咗強制個場練未？
沙駕個場係有暗斜
我初時都係用二波入彎
但就好容易係彎心死火
後來都係聽d師兄講練定油一波入彎好過
Btw今日練斜8跌車爆左個指揮燈罩
阿sir見到就隨手掉左佢話算啦

練得電單車，都預你跌跌撞撞啦，飾面野花左就由佢，你租得佢車，最緊要唔好整親自己啫，你想架車受傷定你個人受傷呢？導師通常都睇唔到咁多。

寧願在個場炒，好過有牌在街炒，要自己抱住危機感先可以安全駕駛。

要記住“彎前收油，彎中比油”, 多啲同在場練緊的同學傾下，再自己實習，好快成功。

轉彎時，要望高望遠，唔好諗其他野，唔好望地下，條路其實好闊，轉左追右手邊的雪糕筒行，轉右就追左，令你條路多啲空間，你會覺得安全啲行。

佢話我訓得太多

佢都有講暗斜，不過又無諗過暗斜二波會易死火，但真係二波易轉啲，點取捨好

條路成日覺得窄，希望會慣

易死火即係你踩得迫力令架車太慢，轉數低，死火，轉彎時嘗試只踩尾制同比住油一齊行，架車會定啲同埋唔會死火。

一架車開車行3秒後就點都要轉2波，架車長期維持高轉會好食油，又唔去又好嘈，1波只係用來起步。