開心速遞（327）

啱啱睇返今日好正
雖然最後John話有啲嘢應該要放棄 不過我覺得應該都係鋪同返Helen一齊 曹總應該最後都只係做助攻
不過今集好似有個bug
曹總明明已經係企業管理博士
點解仲要去島大讀MBA？

交換靈魂會唔會交換埋口音
曹總樣龔燁口音vs龔燁樣曹總口音
靚仔樣但一口鄉音講啲深情說話 頂唔頂得順?

今集大小姐講嘅野應該錄起佢賣比大龍生
每次大小姐歌頌自己愛情有幾偉大有幾無可取代
大龍生都可以拎出黎喺大小姐耳邊瘋狂重播

賣俾大龍生
啊龔搵到報仇方法定係安仔搵到財路
如果當龔燁又玩嘢冇咩掛 “死死禾挨梨”
不過如果係現實我會寧願佢講翻普通話好啲
溝通會有困難

覺得交換靈魂代表交換埋記憶
所以口音應該會跟住

大小姐雙重標準自打嘴巴嘅對白不知有幾多，大龍生搵線人埋伏大小姐身邊應該可以錄唔少

如果大龍生威脅大小姐離開阿輝，播返佢講過嘅嘢畀佢聽，大小姐可以畀咩反應

美麗配曹總

我係水水個話點忍到唔同牙龔扑

一直以來大小姐只係「自以為」慘情又委屈
搞場大龍鳳為愛出走 為愛情犧牲自己擁有嘅一切
結果?
雖然物質冇咁豐富 但精神上大小姐依然係龍家大小姐
都仲係有班人比佢點 仲可以周圍督人雲精 仲可以肆無忌憚鬥人鬥客
佢從來唔會委屈自己
以前自己要偷偷摸摸拍拖睇唔過眼其他人卿卿我我 都仲可以解釋點解佢心理咁唔平衡周圍破壞人感情
而家佢可以廿四小時對住輝輝 又光明正大拍拖 都繼續破壞人感情
所以有幾慘情? 出唔出走都仲係做緊佢龍家大小姐 仲嘆咗添
不過呢個講法好似有啲破壞龍力蓮眼中自己被人逼害為愛犧牲嘅偉大愛情童話

咁我都唔排除龍力蓮有雙重人格
蓮輝線嘅時候又委屈又慘情簡直天下人負佢
其他線只有佢負天下人
呢個講法好似包裝得好聽啲

睇完今集之後,始終覺得搵大小姐拆佢兩個真係敗筆,編劇偷懶用番之前啲套路其實都明,但係都唔好用番同一個人吖,啲橋响Mandy同博士果度其實己經用到盡,呢啲咁嘅水尾根本冇乜睇頭,横掂編劇又唔記得咗賤精嘅面面俱圓,之前淫根又發現咗佢嘅丁有燁mode,其實可以由熊家果面去拆佢兩個,雖然過咗冇耐淫根又將阿水托付番俾賤精,不過觀眾都應該慣咗呢啲集集清嘅劇情,總好過就咁照搬得嚟又冇乜效果...

同意
冇必要用阿水取代Mandy個位
加上阿龔同送貨仔身份差咁遠
拆得名不正言不順

係,根本就爭好遠啦,一個老粗衝動一個斯文有腦有乜理由用同樣嘅招數...
其實由大家姐發現賤精個丁有燁mode己經好過係淫根啦,一來少見面兼淫根早就俾賤精搞掂咗二來大家都咁古古惑惑夠晒火花三來呢度吹咗好耐想有佢兩個嘅主線,横掂都係集集清就當之前淫根果集冇出過,由大家姐出手拆又可以有唔同感覺,搵番幾集俾佢兩個發揮下仲好啦...

有冇開心速遞version

淨係想要藍嗰邊,
黃嘅就 在心中啦

應該港豬多到呢刻都話自己唔想傾政治

比較想知主要角色多啲 (熊家、接龍、大學)

我覺得垃圾清係黃，不過鐵面陳都有投票，唔知係咪黃