大家好
之前喺隔離化妝品post講話做化妝品義賣 有幾位絲打都話可以幫手
我地傾完後大致plan左以下,實際嘅處理會視乎有幾多捐贈再決定, 希望大家多多支持!
1. 我地開左個google form比各位想捐產品嘅絲打(以下簡稱賣家), 可以簡單填返啲資料先
- 接收嘅貨品: 全新/90%新以上嘅美妝保養品(恕不接受過期, 二手唇膏, 睫毛液或有衞生issue嘅貨品)
- 資料: 產品品牌,產品名稱, 新舊程度,購買年份, 價格,捐款對象, 交收方式 (面交/ 郵寄*), 聯絡方式(以tg為主) *郵費會由賣家承擔
- 捐款對象: 星火同盟/ 立場新聞/ 香港民意研究所
- 對於L’oreal group產品嘅取態: 今次呢個義賣始終係想籌到更多錢,所以我地係會接收L’oreal group嘅捐贈, 但都唔鼓勵大家繼續買!
2. 如果大家對捐贈反應熱烈,我地就會開幾個timeslot同係唔同地點搵大家收集產品, 再檢查, 影相然後放上ig去義賣, 之後嘅交收同捐款都會幫手處理
3. 如果產品數量比預期少, 就會將產品資料公開係一個goolge doc度, 有興趣買嘅絲打可以自行聯絡賣家交易, 然後賣家自行捐款去機構
4. 明白金錢處理係大家關注嘅問題, 假如我地決定幫手開平台同處理交收, 我地應該會參考其他ig shop嘅做法, 令善款直接捐比機構而唔經中間人手, 如果有更好嘅處理手法都歡迎提出
初步諗法係買家要直接入數去機構,然後交收時要當場出示入數紙/epayment 記錄先可以拎貨
Google form已經準備好,有興趣捐嘅可以填form,去到星期五我地就會睇下有幾多產品再決定下一步係點
https://forms.gle/gin9x4uJ7gnD3y5M6
大家都可以share比身邊熱愛買野化妝既朋友!
希望咁多位絲打多多支持
有咩意見/問題都歡迎提出