（19日坦桑尼亞遊記）乞力馬扎羅山還有雪嗎

求出文

文呢

剪完片喇 出文未

輕輕一推先

輕輕一推先

文呢！！！！！！

時間係下午5點半，今日既路程行完，咁剩低既時間係做咩？
基本上有兩樣野做

1. 食
2. 等食

入到營，Kim叫我吹我個氣墊床，我吹吹下發覺我個氣墊床漏氣，Kim就將佢果個俾左我，之後我果幾日都係用佢果張……
依個真係要多謝佢

settle好之後，Waiter（冇錯，我個團隊係有waiter，其實佢係挑夫之一，不過佢會負責埋將食物送到我面前，我係帳蓬入面係可以出都唔駛出去就有野食）俾一個熱水樽（入面裝茶）同埋一碟爆谷我食

我心諗有popcorn食咁正
結果一食落去
雖然係popcorn
不過係零添加
姐係上面冇鹽冇糖
淡而無味
我係佢面前屌左一聲（反正佢都聽唔明）

捱左半碟，waiter送一碗忌廉湯過黎話食得dinner
我心諗你唔早講
（山上既野食我大部份都係拍片，遲d先cap圖）
第一晚食既係薯仔同一舊魚柳
如果要形容果舊野既味道
大概係拎M記魚柳飽舊無柳用地溝油翻炸37-38次
入面仲要有骨
我的天

Day 3 - 完

Day 4 - 2nd Day in Kilimanjaro

前一晚我食完飯洗個臉8點鐘就訓左
然後5點幾就醒
然後
感受下自己有幾咁空虛

呢日要大約下午1點到達下一個營地Shira Camp
爬升大約600米
食個早餐（腸、蛋、麵包）大約7點幾就出發



條路相對尋日係難行，除左因為斜坡幅度大左之外，尋日既大雨令到地面比平時濕滑都係原因之一
不過好在我對行山鞋夠堅
同埋我個防範意識夠重
所以一路上都冇仆過街

呢段路植被地帶係沼澤地
氣溫大概係15-20度
同一般香港秋冬行山相似（當然路就難行d）

雖然有挑戰性
但係果日朝早陽光普照
身體狀況唔差
所以開頭部份都算幾順利



已經望到d雲係我下面




原本一切都好地地既
直至我望到呢一舊雲從上空飄過……

巴打有無食紅景天

我食Diamox
平好多

非洲落雨 奇景黎

留名

乞力馬扎羅山既天氣…好老實講，話變就變
前一個鐘仲陽光普照，下一個鐘d雲霧一吹過黎個能見度可以跌到唔過5米，去到下晝個太陽又可以山番黎
呢座山真係仲難捉摸過女人

呢d路都未算好難行，有行山杖借力我都覺得：還可以
但係行多一陣我就開始覺得個心忽然跳得好快，呼吸開始急促
雖然個頭未話好痛
但係我知道我已經開始有高山反應
當時我身處大約海拔3500m
就算有高山反應都係唔出奇既事


Kim問我身體狀況如何
我如實回答
佢話第二日有高山反應其實太快，如果係咁有可能就要縮短日子（7日縮到6日）
因為係高山留得越耐係會越危險，所以要儘可能快d送我上山頂
雖然我俾左7日既錢，就算縮短左錢都係唔會退番，
但係佢係嚮導，佢係專家，我都唯有信佢

大約11點，Kim同我講要行快d，要趕係落雨之前到達下一個營地
我望一望前面既路，
你……你要我行快d？

你仲要咁樣望住我係咩意思？你覺得香港有好多呢d山咩？


屌望番落去真係好撚得人驚
咁既路大約行左30分鐘，Kim同我講呢段係全段Machame route第二難行既路段
仆你個街仲有得更加難？
老實講香港既山我唔係爬得多
我番香港之後有個細路拎蚺蛇尖果d黎同我呢段比，我真係唔知講咩好
先唔好講路面同天氣情況
淨係有高山反應行平路都辛苦過人，莫講話爬呢d？

過多十幾公鐘d雲霧又散左，真係俾佢吹漲

路上會有d人疊起d石仔，好似係祈福之類既，希望到來既每一個旅人都能平安順利到達頂峰

挑夫都需要抖
不過佢地真係好勁
我用行山杖都行得咁辛苦，佢地頭頂十幾kg既野都可以輕鬆行到（其實我知佢地一d都唔輕鬆）仲行得快過我
我只能說欽敬欽敬

瘋狂偷影嚮導哥哥既背影

行左4個半鐘，營地在望啦


呢度係3750m既Shira Camp，去到營地第一件事要做既就係登記確認返我仲在生

爬山既大部份都係白人，成個爬山路程我見到既亞洲人係得我一個
登完頂落山果陣就見到有幾個亞洲人，不過佢地係講日文同韓文

要講山上既天氣幾咁似港女？
去到營地係咁

隔一陣之係咁

然後就開始落雨

原本Kim同我講下晝會行多陣，會爬上大約4000m然後落番camp，主要係作適應同訓練之用
但係因為落雨既關係唯有取消
結果我係12點半到camp之後就已經冇野做

樓主個遊記幾特別

食完個lunch（同前一晚既），我心跳回復正常，呼吸平緩
但係頭就開始好痛
我好想食止痛藥，但係我知道一黎治標唔治本
二黎如果食左，個腦sense唔到身體反應既話有事上黎好大鑊
所以呢鋪我決定忍

訓左兩幾鐘之後雨就停，聽到遠處有d歌聲，我決定行出去睇下
原來係一班挑夫嚮導（其實我唔知佢地既身份，屌全部黑人都一鳩樣我點認？）係度唱歌跳舞

佢地不時會係營度聚集一齊唱下歌，例如係傳說中既Kilimanjaro song
類似係咁
https://www.youtube.com/watch?v=lrWBze10F7s
呢個係youtube cop落黎，我自己都有拍不過拍左成十幾分鐘同埋有我個樣所以冇up上去
不過佢地認真勁，唱左成半個鐘non stop，仲要d歌詞好似大同小異
點解你地都可以唱個咁鬼死開心？
唔通對佢地黎講快樂真係好簡單？
不過，望住佢地開開心心咁跳下舞，一直緊繃住既心情都舒坦左少少，令我有多一份閒愉去欣賞下周圍風景



呢度d樹好得意，每一棵都俾風吹到歪埋一邊
原本想影d好stylish既相，不過張張都好失敗
冇sense同美感真係眼前有美景都只會影得柒過人

又是寧靜，孤單的一天

訓啦柒頭

訓啦柒頭

仲有無文

下面段野同遊記冇直接關係，唔想睇可以飛

不知道你們喜歡一大班人一起還是自己一個去旅行？
我之前在歐洲exchange半年，深深體會到自己一個人去的那種自由、浪漫
由在網上看著照片開始，
到自己制定行程（其實我只係book機票同住宿就算，大部份都係去到自己去到先執生）及執拾行李，
一步一步在未知的旅途上前進，
直到親身到達在照片上的地方，
對我都有種莫名的滿足感和感動
（尤其是上年自己去冰島睇到極光果一刻）
每一段路程都是一段畢生難忘的經歷
走過的見過的做過的不單單是去了一個旅行那麼簡單，更是每一段精彩的故事，是屬於我自己一人的故事，對我而言每一次都是無比重要的一課
相反，和朋友一起去，雖然都會玩得好開心，但是那些經歷卻沒有獨自一人時那麼深刻
更多的是與他們同行的時光以及在一起時需要的妥協
與他們聊天遊玩很開心，但是我有和當地人聊過天嗎？
這不代表我不喜歡與別人一同旅行
只是我更享受孤身走遠方時的那種灑脫
昂然面對未知的挑戰，獨自一人承受各種文化上的衝擊
因此這次grad trip我才決定孤身走到這個陌生、遙遠的地方

唔想睇就繼續skip啦


可是，在這刻我不得不改變自己的想法
在山上這幾晚，我感受到無比的寂寥
這份孤單是我在歐洲的半年裡從未體驗過的
尤其是在那一晚，我一邊忍受著頭痛，一邊看著成雙成對或是聯群結隊的在快樂聊天，心中不免有種強烈的孤單感

是這個世界離棄了我？
不
世界本來不屬於我，我也不屬於這個世界
它是它，我是我
我只是一直都沒有體認過這個事實而已

當然你可以說我去認識他們不就行了
可是他們與我是生活在不同的地方、不同的環境、不同的文化
跟他們聊天我只能認識他們的生活，卻不能了解他們，他們同樣也不能了解我
我連在這裡找個會說廣東話的人都是一件不可能的事

在那刻，我真心想找一個旅伴，不，是找一個能與我一起走過每一段路程的伴侶
我想找一個能與我互相了解的人
不是會因為眼中只有她而忘記了這個世界，而是想和她一起看這個世界
她不是在我的眼前，而是在我的身旁，與我常在
不需要多，一個便夠了

在我小學中學大學的生涯之中我都沒有交過女朋友（真係A0 Grad）
中學只顧著日日打機（從來都冇諗過，e家回想返都覺得好神奇）
入到大學以後，理所當然地，我曾經被某些女生吸引（前後三個，這算多嗎？）
有些是因為外表，有些是因些性格的某些特質
被吸引的我固然盡可能的想接近她（們）
做下兵獻下殷勤這些少不免
可是，除了因為我吸引不了她（們）以外，
我隱隱感受到這不是我想要的東西
我生活的目的不是因為她
「我喜歡她」是我個人的事情，與她們無關
所以，我真的想要追求那樣的關係嗎？
逐漸地，我便沒有主動跟她（們）聯絡，
她（們）也沒在意到我的感受
然後就只是越行越遠

是不是很失敗？我又沒這樣覺得
畢竟這和人生一樣，總有高低起伏，每秒都伴隨著無限的變化
誰又能定義何謂「成功的人生」呢？
能不能找到？我又如何知道？
我連我能不能登頂，會不會在山上遭遇不測，下一秒會發生甚麼事也不知道

原來我一直都忽略、故意無視某些東西
原來一直以來我的內心是缺乏了某些東西，而我是從未意識到的

在那寒冷的夜晚，我一邊胡思亂想，一邊掀著泰戈爾全集，無意中看到了這句：

Do not linger to gather flowers to keep them,
but walk on,
　　for flowers will keep themselves blooming all your way

（飛鳥集 102）

我乾笑了幾聲，原來一早已經有了答案
每個人都是一朵花兒，又同時是一個旅人
我只是你生命中的過客，我們之開只有那麼的一點微小的相交點，然後越行越遠
我不能把你摘下，你又不能把我永遠保存
那麼我和你之間留住的只有一點點的回憶，那就已經足夠了
我可以做的，就是唯有灑脫一點、灑脫一點

然後，忽然想到某些東西，我拿起手機不斷重複聽著樸樹的《那些花兒》——

那片笑聲讓我想起我的那些花兒
在我生命每個角落靜靜為我開著
我曾以為我會永遠守在他身旁
今天我們已經離去在人海茫茫
他們都老了吧？
他們在哪裡呀？
我們就這樣各自奔天涯

我第一次聽這首歌的時候只是喜歡它的旋律
可是，我沒有想到在那一刻，這首歌的歌詞是那麼的「應景」——

有些故事還沒講完那就算了吧
那些心情在歲月中已經難辨真假
如今這裡荒草叢生沒有了鮮花
好在曾經擁有你們的春秋和冬夏

Just say goodbye to them, wish they will have a wonderful life, and keep moving on

她們已經被風吹走散落在天涯
他們都老了吧
他們在哪裡呀
我們就這樣
各自奔天涯


儘管內心種種想法種種點滴油然而生，我依然慶幸自己能夠來到這個地方
我獨自來到這裡是對的
沒有這個決定，我不會體會到這份心情
沒有這個決定，我不能再進一步磨練自己的生命
沒有這個決定，我又如何能看到這片璀璨的星空呢？




身體狀況一差就自然會亂諗野，其實我每次照一照鏡望住自己個柒樣之後就可以重新接受返現實
同埋真係唔係狗公post，我係發自內心打呢篇野出黎而唔係為左係呢度識女仔
所以你點pm我我都係唔會覆

Day 4 - 完

我知道呢篇遊記冇乜人睇
旅遊台大多數都係寫日韓台或者係歐洲（不過我冇去日本韓國）
我都expect到呢篇野唔會有太大迴響
所以就請容許我任性少少寫下自己d野啦
屌竟然寫到5點

留名支持 幾好睇

tl; must read

幾時寫歐洲遊記

係非洲入埋村
好真實既遊記