之後,我地繼續環遊村莊9fing之旅
路上見到有d人係到耕田,因為三月係大部分植物既播種期同耕作期,唔係好忙,再加上三月係當地旅遊淡季,村莊既人又好少機會見到外國人,一路上見到好多人用詭異目光望住我,存在感爆燈
一路上同Wisdom吹水,佢話佢好鍾意睇足球同籃球,係阿仙奴同騎士既fans
嗯,原來係阿狗
佢教識我Hakuna Matata以外第一句Swahili : Jambo(姐係Hello),於是我係條村見到乜人都叫句Jambo,佢地個個都會好友善咁回應
村莊d路完全冇修咠過,又多沙石(就算係城市都係咁),基本上我成個非洲之旅無論去到邊都係著住對行山鞋,有時行行下仲要差d仆親
見到有d人赤腳行我真係覺得又可憐又佩服
玩雞雞,果度d雞冇俾籠關住,想跑到邊到走到邊
文生最愛既粟米田
求其影住個天都好靚
行左大約半個鐘,Wisdom又走入另一間屋
今次係Mama Simba既阿媽(Grandmama Mufasa?)
Grandmama Mufasa唔識講英文,但係就好熱情咁招呼我(應該係,我聽唔明Swahili)
佢沖左一杯茶俾我,係薑加d唔知咩香料沖成既
加左糖之後飲落勁似台灣既薑母茶,不過有多一種類似薄荷咁既香氣
Wisdom話Grandmama Mufasa叫我得閒黎探多佢幾次,我心諗我聽日就要爬山,爬完就要去Arusha,下次見面應該唔知幾時(應該呢世都唔會再見到)
臨走前我又同佢地合照
Wisdon叫對面屋個阿姐幫我揸機,呢次係佢人生中第一次接觸相機呢樣野
我用左10分鐘教佢點用部相機之後,佢都可以拍到好多張詭異既失敗作
不過最後佢終於都影到一張,一張咁多
比起會令人提心吊膽的城市,這裡更令人感覺到和平、舒服和放鬆
沒有繁華鬧市的喧囂、沒有人們醜陋的勾心鬥角
只有寧靜、自然
感受到自己的渺小
對他人、世界少一份不滿
若事事都要斤斤計較,生活就只會過得越來越辛苦
在這裡只是望著天空,望著周圍的樹木,我便已經有無與倫比的滿足感
比打rank連贏十場更令我感到舒暢
俗世的種種物質追求、人際關係,在我眼中已不再重要
我們渴望的是這些虛幻飄渺隨風而散的東西嗎?我們還要為這些東西犧牲多少我們原本擁有卻是最為珍貴的東西呢?說不定這才是我嚮往的生活
但係番到去hostel第一時間我就拎部手機開曬d game拎石同開whatsapp吹水
人就係咁犯賤,點學都學唔乖
有請阿寶