陰陽師新手首抽教學:
首抽:一開始教學果兩抽係必定會中三尾同雪女,完成左第一章之後先開始叫首抽。(唔好再走嚟問首抽雪女好唔好)
首抽有幾多次視乎當下有咩活動,就2月2日嚟睇包括:
1:主角升到2lv,送一抽。
2:抽完個畫面撳facebook share,送一抽(share 個post可以set private咁就唔會洗人版)
3:完成第一章,撳主畫面中下果個「任務」,送一抽。
4:抽完上面3個,去左面排燈籠,撳「活動」,「召喚陣啟動二」,可以換一抽。
如果升到主角6lv可以做問卷調查多一抽,不過都幾費時間。
記得刷首抽時千萬唔好綁定game center,除非你已經滿意首抽。
雖然呢隻game唔一定要強勁首抽先開局,好多SR卡甚至R卡都有SSR級戰力,但基於SSR實在太難中,我係幾建議首抽中SSR 尤其大天狗、茨木童子、妖刀姬開局,至少都要有SR姑獲鳥。
如果唔想刷首抽直接開局,一開始就要走去組隊》妖氣封印,然後狂加入打鬼使黑,佢會係你抽到以上果幾隻之前嘅主力輸出。
然後一直打故事,打到你卡關為止,然後就開始帶狗糧生涯。
咩叫狗糧?大部份式神一抽番黎都係2星(有極小機會抽到3,4星),2星嘅LV上限係20,如果你想過20,就要俾隻式神隻兩隻2星(不限LV/稀有度,是但兩隻1LV N卡就得)升佢做3星,咁就可以升到25LV。但問題嚟啦,如果你升到25LV,就要食3張任意星卡先可以升到4星。咁無啦啦點搵3張3星卡呢?無錯,係要你自己升。
用得嚟喂人,當然要用最cheap嘅N卡啦,但N卡無乜戰鬥力,點可以升到20LV呢?所以要一隻有能力秒主場嘅主力式神就好重要啦,當中表表者就係大天狗同姑獲鳥,都係全畫面多段攻擊,而鬼使黑都有差唔多作用不過慢少少。而呢啲升上3星喂俾主力食嘅N卡就叫狗糧,而帶狗糧嘅高出力式神就叫狗糧隊長。
至於其他補血加速打火機,都要你升到有張4星主力先有用。
100%原創,新手睇咗先好問。
有錯歡迎各路高手指正。
出自阿域(亞視義工)巴打