謹此 宣布:
攬炒團隊成功建立 英國「跨黨派國會香港小組」!
喺英國國會,有唔同跨黨派小組(All-Party Parliamentary Group)促進議員不分黨派背景,為唔同議題、國家發聲。
諷刺嘅係,香港開埠200年黎,英國國會都只有 「跨黨派中國小組」,而無「跨黨派香港小組」。
為咗打破困局,攬炒團隊決定由零開始,逐步穿針引線,面對面遊說上下議院成立「跨黨派香港小組」。
經過多月努力,「跨黨派香港小組」終於喺5/11開花結果,正式運作!
開幕嗰日,更有 攬炒團隊成員出席發言
我地有幸成功遊說到Green Party 前主席Baroness Bennett 同 現任Lib-Dem Party 黨鞭Alistair Carmichael 同步擔任香港小組主席
而 小組秘書處 就會以早前 攬炒團隊眾籌所得嘅部分資源為基礎運作。換言之,當日有份眾籌嘅香港人都有份促成依件事!
值得一提同感激嘅係,831由攬炒團隊秘密運入香港食催淚彈、水炮嘅Bob Seely MP ,除咗出力撰寫幾日前公布嘅《外交事務委員會報告》,今次更二話不說加入香港小組
我地希望今次會係 確立香港國際地位嘅其中一個里程碑,逐步增加香港喺英國制度內外嘅話語權,同其他國家平起平坐。
當大家聚焦美國戰線,我地喺英國、歐盟等國際戰線都會繼續默默耕耘,促成全球圍堵中国,重光香港。
係,放眼全局,今次只係另一小步重光香港,但係所有大事都係靠人一步一步行出黎
註:特別感謝Hong Kong Watch NGO協助部分遊說工作