利申:我係香港良心經濟圈嘅Facebook版主 (現改名為本土經濟戰)
舊post:https://lihkg.com/thread/1421924/page/1
我理解依家打緊仗,但有無必要每間商戶出嚟做生意,都要先表白政治立場先可以營運?個個劈頭第一句就問人撐唔撐後生仔 /撐警,係呀大家要攬炒,但唔可以比商戶靜靜地支援,係要打鑼打鼓話比人地知先開心,新開張就打正旗號搞革命反政府嗎?
今日FB 見到有人喺人門口地下大大隻字噴「藍店」,可唔可以噴埋証據出嚟?依家直情係惡過藍屍。仲有尋日譚仔事件,一啲張野明眼人都知係借刀,仆街如美心、360、富臨、吉野家、黨鐵都唔會大大字寫住「唔做甲由生意」吧?個個一見到張告示就如獲至寶咁圍剿,人地即係搵CCTV出嚟解釋,仲有人唔滿意要人地比人貼連儂牆,又話唔藍都唔黃唔洗幫襯,如果香港嘅公民質素咁差,唔好同人講民主自由啦。
至於米豬連呢個制度,係好好可以比大家識別。先唔講個Label個個都Print到,最大嘅問題係:
1. 邊個定義可以擁有呢個認証?
「黃老闆、藍員工」? 「藍老闆、 黃員工」?
「淺藍遇過警暴變黃」? 「淺藍但會保護細佬」? 「淺黃但怕事低調」?
2. 邊個持續監察?
3. 門檻底就無認受性,門檻高就變咗係藍屍嘅黑名單,係咪想間間都變咗龍門翻版,大家日日守餐廳先開心?
希望大家可以反思一下,係咪一定要咁極端主意?