雖然好似十分鐘就改變哂長門個人生觀咁
但近期睇番,發覺都有幾樣野係真係會令長門動之以情
第一就係鳴人比人殺左自來也,仲要打埋白眼妹,去到算係冇還擊力既長門面前
鳴人居然真係可以停手唔打長門一下
長門一直講既憎恨連鎖,鳴人呢一刻已經斬斷左
然後係鳴人講番小說入面既對白
一開始覺得就算長門都睇過,根本都冇咩說服力
但去到最後,講到原來小說入面既對白,最初就係出自長門口中
而自來也因為相信長門就係預言之子,所以將佢既意念當成故仔既主角
當一個人知道自己多年以前既說話,原來有人認真去認同,去對待,會動情都唔出奇
最後就係鳴人個濕鳩答案
話咩雖然未搵到答案,但一定會努力搵落去
就咁聽根本就係鳩嗡黎,但多年前恩師亦對長門講過同一番說話
而長門亦對自來也寄託左呢種希望,而家鳴人講番
個感覺就好似自來也既精神傳承左落去咁
雖然火影呢D王道漫,要講D咩大道理肯定係濕鳩D
但其實呢一PART真係冇大家講到咁狗血同濕鳩
要講狗血既,帶土果段異空間傾計一定仲ON9