因為人鏈又好 發夢又好 都好似好灰好頹
重要係我見到我學校老師都俾人打壓 O曬咀
佢一個成年人都受住壓力 上堂佢同我地講 有無力感
佢俾人投訴！只係因為喺facebook講左自己意見。
咁我想問 我只係一個dse雞 無力感咪仲大?
同班有同學都反佢 上堂串77咁 我都唔敢出面撐我個呀sir
但我想講 我係真心佩服你！黃sir
https://www.instagram.com/vawongsir/
(轉) 我們也經歷過多少個這樣的夜晚⋯
.
作為一個中學教師，有千千萬萬個人都咁同我講過經營呢個page係有幾危險，我既回應都係：一個視藝老師畫幾幅畫都有問題？但好可惜白色恐怖其實一直縈繞住我，為左擔心投訴，我一再自我審查其實我有無煽動大家呢？又不停咁諗學生睇完我作品會有咩反應⋯
.
但係我都係畫畫炸喎、我連罷課都唔想你地去、呀sir想你地安全咁學習裝備好自己先再為香港努力⋯點解我咁左膠都要驚？但始終任何人都可以比憤怒蒙蔽雙眼，有法不依無法無天既事日日發生，而總有人會繼續欺騙自己相信香港一切正常，聽日繼續等地鐵返工返學。
.
有一日我收到個dm：(節錄) hello vawongsir 我係呢個page得到既靈感同啟發，或者已經多過我以前上va堂睇嘅所有作品。我唔知道有幾多老師仲覺得作為老師要政治中立，政治歸政治，教育歸教育。但如果作為老師，對呢個危城困局視若無睹的話，又該如何教育好下一代應點樣去面對呢個社會呢。
.
我睇完即刻起哂雞皮，做老師唔係應該就係咁咩？我成日同大家講，十年後你地仲鬼記得咩係一點兩點三點透視，鬼記得三原色互補色對比色，我教你地既係「態度」，我希望我今日呢份僅餘既勇氣可以埋一粒種子係你地心入面，終有一日佢會發芽陪住你成長。
.
大家不論咩政見既人都好，(藍)點解暴徒周圍破壞；(黃)點解警察亂咁打人⋯所有既矛頭都應該指向返政府，係政府令我地食個叉雞飯都要驚，買枝觀星筆都要怕，戴個口罩都要怯：沒有暴動，只有暴政。