[借AC](重要)加泰戰線懶人包!

今日發夢見到唔少加獨旗，預左比人屌，但希望大家了解清楚先決定
-加泰今次既示威係因為兩年前佢地搞左個非法公投
-加泰一直都係自治區，有自己既議會，無委任既，係投票選出來
-加泰語是西班牙四種官方語言之一
-西班牙國徽係有加泰旗在內
-佢地無比人打壓，無比人溫水煮蛙
-佢地獨立既人覺得加泰咁有錢，點解要比錢西班牙政府
所以可唔可以唔好話西班牙政府係暴政？ 我明白好多人想港獨，但同加獨係兩回事。起碼人地搞得出一個非法公投，我地出來發夢都係非法，蒙面都非法呀！支持民主可以，但請三思加泰問題。
利申：西班牙撚，做過加泰公司



令旗
即亞拉岡和加泰隆尼亞旗，是一面以紅黃橫紋組成的旗幟，泛指是現時的亞拉岡自治區旗和加泰隆尼亞自治區旗

國徽
西班牙王國國徽

星旗
是加泰隆尼亞獨立運動的一面非官方旗幟，用以表達對加泰隆尼亞獨立或加泰隆尼亞語地區獨立的支持。

up

係咪都有警暴問題？同埋上twitter見好多人都話Spain is fascist 算唔算暴政嘅一種

介唔介意講下當地警民關係

同意樓主

大佬講乜鳩
非法公投？？
然後又話我地蒙面都非法，但咁又點？
所以想表達啲咩？？？1999
不推文

Sorry睇漏咗 自膠

你講既野證明唔到 西班牙政府唔係暴政。

西班牙政府反口，拒絕向加泰下放權力唔講？
17年點暴力阻止公投唔講？
拉晒加泰原政府和議會領導人，判足9-13年唔講？

我同意你，反police brutality ok
Tyranny真係講唔過去
香港面對嘅嚴峻好多

佢地既警察有號碼，打下身，我個人認為比較克制。你諗下如果西班牙真係facist,佢會唔會入到歐盟，會唔會用到歐元？

(借AC)唔好意思禁錯制，回應你既問題，首先，暴政既定義係咩先？邊個國家會容許人民自己搞獨立而沒同政府商討過？ 如果西班牙政府真係暴政，點解仲比佢地自己選議會？ 我認為佢地領袖的刑期是好重，但我唔認為大家可以為左呢件事就話人地係暴政。西班牙是好難得先有今日既和平，巴斯克分離主義組織（ETA, 歐盟都認既恐怖分子）無幾耐先放下屠刀，如果真係暴政，應該巴斯克人一定會反抗，因為佢地仲有錢過加泰，佢哋嘅話係世上唯一無其他親戚既語言。如果對家要打壓，一早滅左族啦！

首先，我認同你話大家要了解清楚人地背景先好決定舉唔舉旗，唔好盲從
但係，我覺得你個懶人包有幾點無講到令我覺得唔公道（請樓主決定加唔加返以下：）
-最近佢地牽動左大規模示威係因為囚禁左好多領袖9-13年監，呢一點令佢地好絕望（我相信我地都relate到）
-加泰人好支持香港，亦仿效左我地佔機場
-加泰人短短幾日示威已高掛了香港旗同加泰旗一齊，以示we connect 爭取自由、自治、反抗政府既心
-加泰有7百萬人，前日示威有成4百萬人出黎爭取自治，政府都無讓過步，同我地都好似
-加泰好幾年前已開始被西班牙壓迫，威脅要關閉佢地本土電視台，來加速剷除佢地既語言（滅一個民族既第一步）我相信香港人都會明咩感受！
-加泰係邊境而且被西班牙輸錢去其他較窮地方，亦同我地有啲相似

利申：以上係加泰朋友同我一手講既

講左幾點，你想唔想支持加泰自己決定
但我best friend係加泰人，佢叫我寄一堆香港旗俾佢地舉來支持我地，我一定會舉返佢地既旗來支持佢地！！！因為我覺得大家爭取民主自由自治，對抗一個唔理民意政府既心係一樣，而佢地都係想我地幫手拎多啲國際關注，點解唔可以win win?

如果你真係覺得我地舉旗有帶來反面影響就唔好舉，我唔會屌你，我尊重民主，但想請大家自己客觀分析

參考：
https://www.google.com.hk/amp/s/www.bbc.com/news/amp/world-europe-41584864

不如簡單講句法德兩國一早講明唔支持加泰獨立，唔會比佢入番歐盟，美國睇完法德面色都話唔支持
反而法德兩國對北愛回歸愛爾蘭，蘇格蘭獨立一句聲都無 加泰呢件事，香港依家既位置會有啲老尷，我地關注番亞洲事務，例如西藏新疆台灣甚至印尼既問題會比較適合

你咁講意思係
如果香港支持加泰，會影響到美帝同其他歐洲國家唔支持香港？
國際關係上美帝幫我地都係為左自己利益姐，唔通為左人性光輝咩
之前已經試過有起西藏、新疆，問題係對方都無connect返我地，而國際上都無乜人理呢兩個地方（集中營只係報道下）
台灣就不嬲都有connect但未有觸目事件可以講
印尼可惜係無佢地自己人出黎聲援搞大眼傷記者事件

多謝樓主

Push this

Always support Catalonia

(借AC) 多謝你朋友的意見，作為加獨支持者，佢一個會唱衰西班牙，無問題，藍屍都語我地收錢。
以下幾點，希望大家了下一解
-佢地領袖既刑期，係高，無可厚非， 但你知唔知道佢地係犯左咩罪？ 係濫用公款，政府告左叛亂都告唔入，如果係好似中共既暴政，你估會點？
-好，人地舉我地支旗， 點解，係因為我地做得好，好得arm，唔排除仲可以搶flo, 我地都用美國旗，每個民主國家的旗。自己想想原因
-滅絕文化，你朋友有無同你講如果唔識加泰話，書都無得讀，公務員都無得做， 但加泰人識西班牙文（西班牙叫西文係castellano) , 就可以通行全西班牙。
-示威人數，請FC, 留意返個加泰民選議會，一半議員係獨派，另一半唔係，加獨唔係反映大部分的聲音
-仲有，違憲既原因，西班牙要改憲法係要2/3成員投票支持架
-獨立的國際標準： 聯合國有寫明佢地主張既係國家完整，但如果發生嚴重針對個別種族既欺壓行為，個種族就應該獨立，所以有南蘇丹，所以有科索沃
-錢，如果好錢既唔想比錢窮既就要話個政府係暴政，我諗呢個地球唔會有一個國家。香港都係一樣，打工皇帝都係交好多稅，窮L路駛交稅，個個都方都係，中共係，美國係，北歐都係。我地要比錢中共，佢要幾多比幾多係因為我地連自治權都無
最後，大家可以睇下呢編文，支持加獨係大家既自由，不過，加獨唔係港獨，西班牙唔係中共，話佢係暴政，我唔可以認同。我覺得Connect 新疆同西藏可以爭取更多人既支持，因為佢地係日日被暴政打壓。

離題：想同大家講下，Madam入清真寺， 佢入去既係中心同清真寺，入去中心唔駛用頭巾🧕架，所以佢無錯。大家真係讀多d書啦！
Pls help post

(借AC) 巴打可以睇下
https://m.mingpao.com/pns/%e5%89%af%e5%88%8a/article/20191020/s00005/1571508095465/%e6%98%9f%e6%9c%9f%e6%97%a5%e7%8f%be%e5%a0%b4-%e5%8a%a0%e6%b3%b0%e4%b8%8d%e4%bc%bc%e6%b8%af-%e8%a5%bf%e7%8f%ad%e7%89%99%e9%9d%9e%e4%b8%ad%e5%85%b1

佢地想獨立唔係因為有錢lor
係歷史因素 加泰本身有自己國家 後來比西班牙吞拼左

其實你睇返我個幾點都係facts
我無同你爭論過西班牙係咪暴政，因為呢個唔係we connect既重點，我唔覺得討論西班牙vs中共有咩意義

我淨係想講佢地爭取民主自治既信念係我地we connect既點，係信念、理念，亦唔係話我支持加獨=搞港獨
如果藍絲要咁抹黑，同大陸西話五大訴求=搞港獨你一樣咁on9

至於你話文化、語言有無用，我無否認過spanish有用好多
就好似亦會有人覺得普通話係夠比廣東話較多出路
但呢個不是剷除一個話言既legit reason呀嘛，等於我地好想保留廣東話，無話過唔比人學普通話呀/否定佢既用處
我係想話無啦啦比人搞自己母語個種憤怒呀！！！

至於示威人數，媒體唔會話到你知真相，就好似popo夠話得十幾慢人啦... 官媒政府唔會認有我地有200萬人啦
佢地媒體有好多都pro spain gov，真實數字如果連加泰人講你都唔信，你大可以信官媒既數字，我無法同你fc
而家我地都fc唔到我地遊行隊伍數字，無咩好討論

另外，領袖被判 guilty of misuse of public funds,其實咪就係話佢地用左政府錢黎搞公投on independence, Spain court判既，Spain唔想比加獨，咪rule佢地illegal referendum同挪用公款囉

港共都亂鳩判人暴動啦，藏有攻擊性武器啦，係咪又真？

革命入面無可避免會被人入罪架啦，我地發夢野餐夠非法集結啦，裝修都係刑毀黎架！咁你係咪要割！？

唔可以用呢啲野去否定自由民主信念、爭取，同主權在民既道理呀！

講多句，
就算你要同佢地既領袖割，唔等如要同佢地既人民以至整個革命割
等於你可以割泛民屌民陣但唔代表你唔支持成個運動

同埋佢地已經學緊我地，想做一個leaderless革命出黎

不過唔係軍事佔領呢 係因為皇族通婚
>1137年，巴塞羅那伯爵拉蒙貝倫格爾四世迎娶了阿拉貢王國的女王彼得羅妮拉。自此加泰羅尼亞與阿拉貢王國合組阿拉貢聯合王國，成為聯合王國之內的一個親王國。
>1469年，卡斯蒂利亞女王伊莎貝拉一世和阿拉貢聯合王國國王斐迪南二世結婚，標誌了西班牙王國的誕生，但在此時阿拉貢與卡斯蒂利亞仍然保有各自的傳統與政治體制。
from wiki
>然而政治權力之後卻漸漸向卡斯蒂利亞傾斜，進一步形成了以其為中心的西班牙王國。
而呢點係因為卡斯蒂利亞本身就比阿拉貢聯合王國強大, 馬德里個皇宮都大啲, 斐迪南二世自己都過左去住, 馬德里成為政令發佈中心, 然後食埋大航海時代同殖民年代條水, 所以咪好似比人"吞併" 要怪就怪當年巴塞羅那伯爵同人通婚, 依家菲利普六世, 西班牙王室個紋章仲有加泰羅尼亞支旗, 仲係巴塞羅那伯爵

P.S. 我認同上面話唔應該搞加泰羅尼亞語, 但我都認同大家追求既野唔一樣, 香港依家係爭基本人權, 言論自由, 民主選舉, 呢D我地全部都無, 所以我地唔應該跟車太貼

美國出力需時，但只會愈黎愈強硬，新疆人權法案九月中突然加快通關，NBA同暴雪又搞到美國輿論腥風血雨，因爲好多普通美國市民都感受到中国既監控同威脅，特朗普話停都未必令普通市民收到火。

但覺得我擔心既係歐洲戰線既反響，雖然我覺得點都會有人照搞加泰，而且英國本身反BoJo既又話學香港，法國黃背心既又話學香港，所以香港既情況已經入晒佢地既媒體，但我擔心既都係法德兩國既取態，李卓人依家喺歐洲，歐洲理事會都慢慢開始郁手，不過依家佢地既態度都係好曖昧不清，佢地仲忙緊搞Brexit，所以唔太想我地行落去加泰戰線，去搞亂個局，雖然佢地一定知我地係以基本人權，言論自由，民主選舉為基本訴求，而且我地都會搞唔到啲咩，所以隨便搞。

不過如果我地真係要打歐洲戰線，更應該利用英國脱歐後既親歐派喺歐洲本土既快速揚升，好多後生果代都好支持歐洲要更一體化，而呢班都好講自由同人權，所有有得搞，仲有要綑綁疑俄派同中國威脅論埋一齊，歐盟本身就係一個為咗抵抗美國同蘇聯既組織，要比番啲危機感佢地；而且要對東歐國家針對推出文宣，之前Baltic Way→Hong Kong Way，波蘭果啲，人地都比咗好多支持，人地布拉格市長都係到po維尼，不過成條歐洲戰線，加泰可以話最差果條。

印尼可以話最值得開發既國際戰線，一來佢地既示威本身就因爲反修例，不過係要令婚前性行為同未婚同居有罪，而且禁止批評總統，路線上可謂同香港同聲同氣，而且我地呢邊有直接傷者，唔發大黎搞其實好鬼，仲要無啦啦搞加泰，不過呢啲太陰謀論。

普遍西班牙人完全唔理呢件事，提都唔提
有同比較熟又相對開明嘅西班牙朋友傾起，佢覺得係法院判左
示威都冇用，加泰又咁多領袖人物流亡
留番加泰人係度打生打死，有咩好關注
我都未必同意晒佢所有睇法，但問題係政治上知得實在太少
一般歐洲人都冇大家想像中咁支持加泰，就算識過加泰人佢地唔多提
甚至聽過有非加泰人話加泰運動俾人煲大左，實際上無乜咁大件事⋯⋯

當然說話係好難聽，連我冇立場都覺難聽，大家亦都未必想接受
純粹講歐洲戰線，就係國際社會好現實，歐洲人唔會特別高尚
事實上人地想爭取乜野，應該交番俾人地去講
如果真係支持，可以支持返比較大路嘅信念，例如表達自由、反對警暴等等