唔討論應該支持邊個先
今年民望一面倒撐薯片 林鄭就不斷比負面新聞攻擊 形象插水 而所有同薯片有關嘅新聞就係話佢親民同貼地 而胡官就冇咩消息 好似隱左型咁
唔評論各候選人好唔好 但對上面我講嘅情況 大家有冇印象?
當年 唐唐僭建就比人屌到屎忽開花 成班記者出動起重機之類嘅物體去影唐唐屋企 相反 689有咩負面新聞就好快冇人提冇人追擊 吉村卓又係冇人理
更加麻煩嘅係 當年主流都係撐689 話比狼做好過比豬做 千個萬個理由總之689>唐唐 而家情況都類似
咁落去 薯片順理成章上位 我唔係話佢會做梁振英2.0 只不過係 點解冇人諗下呢個可能? 當年大家都係信689會做得好過唐唐咋嘛 事實呢?
今年都係行緊同一份劇本 用同樣方式造王 但作為冇票嘅我地 雖然都係冇可奈何 淨係可以食花生 不過都想多啲人可以諗多啲野 唔想成個fb都係話薯片好好林鄭垃圾咁 其實係咪真係咁值得吹捧 明明而家個個屌到仆街嘅美食車係薯片搞出黎 佢真係咁好咁貼地?
利申 支持胡官 歡迎大家討論下