鑒於連登太多AA，施政報告放寬咗8按9按之後，日日都吹風話樓市gogogo，的確我見到都幾多人突然充滿入市意欲。
各巴絲係決定之前注意一下幾樣野：
1. 社會經濟狀況
過去呢十年樓市一直gogogo，歸根究底係經濟發展得好，以香港一個成熟嘅經濟體嚟講每年有3-4% GDP增幅其實係非常亮麗。但今年香港GDP好可能只有輕微增長，甚至0增長。試問係經濟環境咁唔樂觀嘅前提底下，啲樓會唔會好似以前咁個個爭住抽爭住買？
愛海頌同匯璽III 星期四第一輪都係去到一半嘅貨，同以往差天共地。
2. 首期+供款能力
首期10%，仲要加稅連埋其他律師費雜費，起碼要預多5%走盞，仲未計可能要裝修。
唔好完全相信HKMC話過唔到壓測都只係加保費，HKMC從頭到尾都係話過唔到都可以「申請」，係講緊Marginal case較大機會以加保費解決。
買之前最好問清楚銀行職員而家個offer係點，仲要問多兩間。有銀行RM跟開又或者有按揭熱線就去問啦。
3. 銀行取態
唔好忘記銀行先係借貸機構，而銀行係受金管局所監管。事實係金管局規定銀行要嚴守壓力測試要求。
據我所知今年內成交嘅Mortgage 香港四間大行都唔接，
而早兩年我上會嘅時候銀行係搶生意爭住借，cash rebate + 超市禮券都講緊 2%。
相比之下，而家有生意都唔做，只係得一個原因，借咗嘅錢驚收唔返。
我呢個post唔係叫你唔好買，剛需有自住需求，能力上綽綽有餘嘅啱價就可以去馬。
最後講多兩句，我個人唔喜歡用過去呢段大牛市去推斷香港樓市日後嘅走勢，從來冇一樣商品永遠都只賺不蝕。對我呢啲普通人來講，買得樓就係人生最大嘅投資，各巴絲自行判斷。
個人近年都幾關注樓市，如果有問題想傾可以交流下。
有9按又點 供唔起
等遲吓可能供 40，50年先夠人工
