[短故][半真人真事]《811公里》

73 回覆
2 Like 0 Dislike
2019-10-16 15:20:43
大家好 今次係小弟第一次寫文同出文 如果有d格式上面既問題 歡迎可以係下面留言同我講
今次主要係受到之前睇故既各位巴打們既鼓勵下 所以決定試下寫故
不過因為本身我寫野唔叻同埋寫唔到咁長 所以呢篇會係一篇短故黎 暫定大概15-20章左右
希望大家唔好介意 同埋此故逢週三更新
好 唔講咁多住 去文
2019-10-16 15:21:24
心事仔
2019-10-16 15:21:25
2019-10-16 15:33:09
811公里
係香港與台北之間的距離
1小時又20分鐘既飛機
朝早出發出發既話就可以在台北食lunch
看似唔太遠既距離
但係我心目中
呢811公里和香港到歐洲一樣遠

因為我不在你身邊.....

而我又想念你了......

呀 唔記得左自我介紹我叫明仔
我岩岩係台灣讀完四年書番香港
作為一個廢青邊有咁快可以搵到工做
所以暫時都係做住無業遊民先

就係我做緊廢青既一晚深夜時份,我同緊台灣識既舊同學打機既時候,突然有一個電話打黎比我

xxx: 「明仔點解當初唔同我一齊喎我有咩唔好
我咁善解人意又得意
點解呀我問你呀」

我「........小姐你無野下話 你係咪飲醉左呀?」

xxx:「我無飲醉
我無......飲醉 ......
我.......
無......」

突然間我學弟搶過電話同我講

學弟:「對唔住,打錯打錯」
然後就即刻收左線

我心諗打錯?大佬你打過黎開曬我名鬧我咁喎打錯?

佢咁飲法 我個心唔知點解有d痛點解佢會攪成咁
雖然我知佢同佢男朋友最近有d拗撬但係都唔駛飲成咁下話

唉.........飲酒可以解決問題咩?

咁耐以黎 就算你有男朋友都好 我依然放唔低你 默默咁關心你
越諗越唔對路 要唔要番去睇下佢好呢?
當係比個機會自己究竟我係咪仲係對你有感覺........

望住枱邊既鐘顯示著0300
即刻上網訂好機票 執好野
準備踏上呢個唔知會發生咩事既旅程

雖然我既身份只係普通朋友
但係我真係唔想見到你變成咁......
.
2019-10-16 15:33:52
咁快手呀
2019-10-16 15:35:43
咁岩入左故台
2019-10-16 16:12:36
留名
2019-10-16 16:17:08
留名
2019-10-17 00:22:26
留名
2019-10-18 05:54:56
文呢?
2019-10-20 03:26:46
此故逢週三更新
2019-10-22 13:38:23
留名
2019-10-23 20:07:49
二.

第二朝7點

我即刻攞起喼準備出門之際 我撞到岩岩起身既老母

老母:「咁早起身攞個喼去邊呀 走佬呀衰仔」

係佢既眼中 留係屋唔做野既我就係衰仔

我:「我親愛既老母 我見最近無咩野做 我咪打算番台灣幾日攞番之前寄放係人地到既野囉」

老母:「又會咁突然 方死你唔止番去攞野咁簡單啦 」

我:「知我者 老母也」

老母:「唉.... 咁你幾時番呀?」

我:「星期五晚番黎」

老母:「好啦 自己小心d啦 無你咁好氣」

之後踏出家門 為了今次未必有成果旅程........

去緊機場果陣 留個言問下我果位前室友 因為延畢而仲要留係台灣半年既心仔先

係呀無錯呀 男仔裡面有個心字 當初佢個friend Will介紹比我識果陣我都得怪

不過唔緊要 至少我地做室友既時候都幾好相處 好 講番正題

我:「心仔 起身就覆覆我」

過左15分鐘就見到心仔回番我

心仔:「?」

我:「冇呀 想問下你等陣有冇堂?」

心仔:「做咩咁問?」

我:「問你就答啦」

心仔:「有 9-4囉」

我:「咁忙架咩 重陽節無假放架?」

心仔:「好似無呀 」

我:「你覺得。。。。我趕唔趕切同你食個lunch?」

心仔:「下 認真咩?」

我:「認真呀 我到桃園機場再搵你啦 唔知趕唔趕到 因為入境宜家要等好耐」

心仔:「係喎 你宜家無左居留證喎」

我:「頂你啦 唔講住 轉頭見面再講」

心仔:「ok 見面再傾」

係放低電話既同時

巴士報站機慢慢地讀出「下一站 機場一號客運大樓」

好 收拾心情 出發!
2019-10-28 18:56:27
新讀者留名
2019-11-05 20:22:08
雷霆881
2019-11-07 09:47:05
呢次係我畢左業之後第一次番台灣 估唔到竟然係為左個女仔........

垃圾廚叉d娛樂一如既往既廢 我都係聽自己歌就算

望著窗外既白雲 令我諗起我同你既第一次見面.....

兩年前既9月8號 係我第一次見到你既日子

每年新生黎到台灣 都會一齊食第一餐飯 同時互相認識一下大家 因為今日都係港澳新生第一次集合見面 而憑夠容納到咁多人既地方 都只係得熱炒店

Will:「好啦 首先歡迎咁多位新生黎到台灣 今日第一餐飯 我地以經分開番每一個系既新生同埋學長姐都會坐埋一齊 大家先互相認識一下先,轉頭我地黎自我介紹一下」

果然係世界仔 will講野都係會帶到氣氛 當所有新生都同左自己學長姐相認之後
就開始左所有人既自我介紹 相信學長們都係係到尋找緊獵物 當然我同will都唔例外

係我地果枱介紹完之後 will突然走過黎同我講

Will:「喂 你地歷史系d學妹都幾正喎 尤其是果個叫子琪既女仔 妹似cool cool地 我好想比佢瘋狂西面呀」

我:「呀will哥 你係咪燒壞左腦呀 頭先你係咪無睇到佢企起身果陣呀 好L肥喎佢」

Will:「唔緊要 少少肥都幾好呀」

我:「師兄你越食越肥喎」

Will:「你理得我 係喎 有冇睇岩邊個呀」

我:「你頭先有冇見到過好白既女仔........」

正當我想講埋落去果陣 佢就起身開始佢既自我介紹

詩欣:「大家好 我叫詩欣 我係讀應外系既 來自澳門 好開心可以識到大家 之後係台灣四年請大家多多指教啦」

見到咁既女仔自我介紹 下面有d仔都開始流緊口水

有見及此 will都走出黎打圓場

Will:「好啦大家可以抺番d口水 咁所有人都自我介紹好曬 咁大家就起筷啦 轉頭食完飯之後 會安排你地去攞番d你地岩岩買左既枕頭被鋪 然後今晚大家就好好休息一下 聽朝8點集合去做身體驗查」

新生們:「下 咁早」

Will:「係咁架啦 要整居留證用 大家就忍下啦 一日半日姐」

係will交代埋少少野之後大家都開始食飯 我都有同學弟妹傾下reg科既野 講下邊個老師既堂伏呀 講下呢邊d生活情況咁 開開心心咁食完餐飯

從此

我的心中多了一個令我刻骨銘心的名字

何詩欣
2019-11-07 15:53:40
man
2019-11-08 12:18:30
正當我準備走出去上我架野狼既時候 岩岩見到詩欣係門口岩岩傾完電話準備行番入去

詩欣:「學長,你好」

我:「hi 你好似叫詩欣?」

我先唔會同你講我咁快就記住你個名

詩欣:「係呀學長 咦 學長你....咁留意我既?」

佢用果對水汪汪既眼望住我 老實講係男仔都無咩抵抗力

跟著我求其作左個好爛既理由回番佢

我:「無 咁我見大家都係文院人 所以都有留意姐」

詩欣:「喔.......」

正當唔知點樣再傾落去果陣 子琪就係餐廳裡面向住我地大叫

子琪:「喂 詩欣 要行啦 番黎攞番你個袋啦」

詩欣:「好呀 」

之後佢就行番入去

咁得意既女仔 實好多人鐘意

希望遲d可以係人文學院可以多d見到佢

之後過左為期一個星期既新生週之後 就正式都開學既日子

而我上堂以外 我仲係僑生會既副會長 同埋接左開學之後僑生會第一個大型活動既總召番黎做

就係........迎新營 姐係Ocamp
2019-11-10 01:32:16
2019-11-12 15:13:13
雖說接左迎新總召黎做 但係呢個位一直都係苦差 因為基本上事事都係要親力親

為 同埋基本上唔會同香港既Ocamp一樣 有d咩好玩野 都係係個營地裡面玩下大

地遊戲 排下話劇咁 每一年都差唔多 但係就係咁先麻煩 成日都一成不變 你唔悶我

都悶la 所以有諗有咩玩先煩 唉........ ok ok 我知大家都無咩與興趣聽我講我

迎新既野 我都係講番正題先 自從第一餐飯之後 我都係間唔中先會係人文學院見到詩欣

大概因為時間表既問題啦

唉....不過最近真係無咩時間諗女 因為我大部份時間都係到諗緊果Ocamp

就係我邊係7-11食緊早餐邊諗野既時候

有人係外面敲左一下玻璃

我枱頭一睇 原來朝思暮想既人就出現係我面前

佢係窗外揮一揮手之後就入左黎

詩欣:「咁岩呀 學長 你都係到食早餐既」

我:「估唔到你d對白可以咁老套架喎」

詩欣:「哈哈 無計 未訓醒」

我:「都係既 早8喎 邊個都未訓醒 上英文堂?」

詩欣:「咁你都知.....唔通你.......」

我:「唔好誤會 我大一早8多數都係英文姐」

詩欣;「講笑姐 不過我唔係上一般既英文堂 係上番我自己系既英文堂」

我:「原來係咁」

詩欣:「唔講住啦 我去買早餐先 遲啲再傾啦 拜拜」

我:「好 拜拜」

佢買完早餐行出去既時候 專登擰番轉頭揮一揮手

然後用口型同我講左一句「再·唔·行·就·要·遲·到·啦」

之後就走左

跟著我望一望電話 屌 8點15分 我即刻吞埋個飯團就衝番去班房上堂

真係老實講 佢笑個樣好好睇

但係佢唔笑然後扁嘴個樣我敢肯定肯定任何男仔都會即刻心軟

你問我點解我會知?

因為.....
2019-11-14 14:49:33
2019-11-17 13:28:19
之後過左成個月 終於都到迎新營既日子

自己做到咁高既位 差唔多每個環節都要顧

老實講邊有咁多時間去睇女 擔心d活動進行都夠我煩

不過老實講既 你話我無留意詩欣呢我相信大家都唔會信架啦

係咁架啦 毒撚望女就係咁望

不過都好過心仔架啦 正宗毒撚格 鐘意左個女仔都唔講既

淨係識得望 咩都唔做 同埋攞住相機偷影女 今次Ocamp 佢鍾意既女仔Tiffany 都有黎做關主

比曬機會佢可以光明正大咁影 唔係我專登叫 佢會有咁既機會? 我都算對我呢位室友不薄啦

講番宿營先 咁係大地遊戲進行緊 咁我就去左巡場 睇下攪成點

咁好在活動股都叫有料既 起碼d大一都叫玩得開心既

咁我巡都一個玩緊水既遊戲既時候我就見到詩欣果組係到闖緊關喎

心諗 今次仲唔有野睇 當然 呢個故呢就係純愛故黎既

你班鹹濕仔期待既畫面呢就絕對唔會出現既

同埋一早講到明 唔打底呢就唔可以玩水game既

加上係設計Camp tee 果陣專登為左防止女仔走光而揀左d材質偏唔透既

不過我見到詩欣好快咁班馬來西亞僑生變熟 勁合作咁一齊破關

我係側邊睇到入曬神 完全無留意我女朋友行左過黎

沒錯 我係有女朋友既 同我同年同系既Michelle 老實講一開始我都唔係好留意佢

因為佢係一個典型學霸

由大一都宜家大二GPA一直都無低於3.5

不過我都無低過3都算係咁

至於我地係點一齊 我遲d會講一講

係佢行到過黎 佢就一野拍我果頭到

我:邊個拍我

Michelle :仲有邊個會咁拍你 望緊咩望到入曬神咁 連有人call機搵你都聽唔到

我:Er…….

今次大獲了....
2019-11-17 13:31:23
2019-11-20 14:50:34
咁我是但作一個理由解釋就算

我:哦 無 我見呢組玩得咁投入 我都睇到入左神姐

Michelle: 比我知道你睇女你就死

我:邊敢呀大人 係呢邊到有人搵我

Michelle: 好似係指導老師有事要搵你

我:ok 咁我宜家即刻過

Michelle : 好呀 咁我地行囉

我:ok.....

係我未講完呢句佢就一野捉住我隻手然後拉左我走

跟著我番到同指導老師傾今晚晚餐既事 而我傾完出黎michelle又唔見左

咁我就打算坐一陣先再出去 點知我見到心仔好趕咁衝左番黎
放低左部相機換左個急救箱又出左去 跟著我問心仔

我:做咩咁趕衝出去 有人整親?

心仔:係呀 我果陣行到大電視果陣見到詩欣跑緊去過去

點知果個位有少少凹左入去但係佢又睇到

結果仆左落地擦傷左 同埋有少少扭傷左

咁我手上無call機咪跑番黎攞急救箱

我:下 咁大獲 咁我同你一齊過去睇

當我過到去果邊既時候 我見到Michelle同埋關主係到陪緊詩欣係到休息

咁我當然循例都要問下有冇事啦 但係又唔可以太明顯喎

跟著心仔就開聲先

心仔:Michelle 急救箱攞左過黎啦 你先處理下詩欣既皮外傷先 跟著我同呀明先扶詩欣番去

Michelle:好 ok

我:咁....呀詩欣.....你覺得點樣?

詩欣:Er…..應該無咩事 但係應該暫時無辦法繼續活動住

我:唔緊要 我會幫你同你組長講

與此同時 Michelle 就幫詩欣處理好左d皮外傷

咁我同心仔就扶番詩欣番去先

正當行緊番去果陣 詩欣突然扁曬咀好失落咁講

詩欣:都係我無用 咁都整親 無得同佢地一齊玩

我:咁又唔好咁講整親邊個都唔想既 你好番咪可以盡快歸隊

心仔:係囉 你都要好番曬先可以再玩落去架

詩欣:咁都係.......

送到詩欣番去之後 心仔就繼續出去影相

而指導老師過黎望完之後就叫我留低陪住佢

咁我就叫左will幫我處理住d野先

老實講今次都係因為有好多自己人幫我手我先咁放心

咁得番我同詩欣係到 你眼望我眼咁

正當我想搵野講果陣 佢卻先開口講野......
2019-11-20 17:06:31
Michelle
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞