原因
唔洗多講啦，八達通係每單交易都抽成1%佣，變相咪港鐵賺錢囉，但係每次搵散紙咁煩，肯定好多人嫌麻煩寧願繼續用八達通。但如果有張付款卡就唔同講法啦，同樣咁方便，又有多個選擇喎，咪好似罷藍店咁輕易罷八達通。
目的
全香港黃絲都用（最少啦），希望整啲優惠等港豬藍絲都用佢（好似we7pay 支付寶成日整埋啲優惠，同啲黃店傾下應該可以有）。用途包括交通工具（黨鐵除外）、餐廳、小店(?)如果肯支持既話。多一個競爭對手姐，唔係唔歡迎呀？
方案
咁你一定問：下？邊個會肯整呀？唔好傻啦？宜家先黎整，八達通壟斷晒啦。但我諗到兩個方案：
A) 搵九巴整
雖然黨鐵出賣港人，但仲有九巴撐港人架！九巴要整部八達通機俾佢抽佣咪變相賺少咗？如果可以用九巴個名義黎整，本來啲佣咪可以自己袋返，仲可以係其他地方抽佣。我相信可以傾到好多黃店整呢個感應器，支持返真香港人！
B) 自己搵人搞
九巴未必肯整/攬上身，咁就要自己傾啲公司同舖頭返黎，賺咗啲錢仲可以得閒捐啲俾義士。
小妹唔係呢方面專才，請多多指教
如果你支持整呢張卡，唔該俾個正評
俾大家知肯整呢張卡係會有商機
係會賺到錢
係會一呼百應個個都用！！
同我推到有專業人士出黎！！
你唔係仲俾錢黨鐵賺下話？
