因為太多人問 都係一隻一隻講下有咩用 排名純個人睇法 大家都要按自己卡池自行判斷要點選擇:
5星攻:
1)達菲:一定最強呢隻 百防真傷反魅應有盡有 大天攻擊手長期No.1 推圖/會戰一樣好有用
2)狐希:連擊角黎緊大天會幾難上場 因為好多都怕反 狐希算係例外d 3連擊攻擊力好強 又有紅手 3回合炸彈可以燒骨頭同埋有綠人角色都一樣掛上去 黎緊d強角例如冰盾+15同狙擊手佢都對付到 缺點係佢好需要強力buff
3) 蛋糕炮 : 打跳過十字 免弱化 一炮可以打死好多人 不過脆皮怕反 推圖會用得上 大天/會戰就會越黎越吃力
4)西洋劍:3連擊無視防禦 無頭殺手 但同蛋糕炮一樣太脆皮怕反 分別係蛋糕炮好多時可以1換1 佢就直接撞牆死
5)晉:反手王 主線推圖好多可以一隻清關 如果自己無就多d加朋友 大天黎緊因為好多百防角佢招反就無曬用啦 會戰就可以用黎企係到比加肯蘿盾走黎撞牆死
6)吹波糖:黎緊出助手會加強成為必備角 但目前無用 再加上到時會送一隻同埋會有活動送18本5星書 所以到時先再練都未遲
5星盾:
1)萬聖盾:因為黎緊有兩隻強盾呢批盾都會謝皮 萬聖盾算係最保值 因為佢1技吸攻擊範圍係獨家的 可以用黎對付白魔擋一刀保後排
2)天使盾:有回合時限的百防角 有多一隻百防總會有機會用上的
3)大奶盾:退潮角 呢類角色的問題係技能其實唔太特別 純數字膨脹自然好快退潮 不過6星+0依然可以係世界王十分有用 所以唔建議係呢到揀 但建議得閒抽一隻+0黎用
4)人偶盾:公會戰防守同大天防守都有用 以前+9+10好硬下 但宜家係咪都比人一刀秒 所以一樣唔建議係呢到揀 但可以抽一隻+0黎用
5)兔盾:功能角 公會戰攻擊有順序時會經常用 大天防守亦可以粘住人偶盾一齊用 但一樣無必要高加 因為佢用途係食一刀上集中攻擊 得閒抽一隻5星+0一呢都可以拎去玩玩
6)冰盾:黎緊出助手會加強到技能有無敵盾超級強 但目前無用 再加上到時會送一張5星盾選擇卷同埋會有活動送18本5星書 所以到時先再練都未遲
7)蘿盾:以前霸主 宜家無大用啦 宜家為左推圖打協力升佢+9+10都幾浪費資源下
5星輔:
1)聖杯:目前最強輔 全面又超強力buff 比佢buff完投石老人都變蛋糕炮 而且佢d buff係拆唔到的 不過最少都要+13 直接+15更好
2)棺材:通常用黎buff萬聖盾或章魚 大大增強其硬度 不過佢個X字buff真係好難用令到排陣好局限 好處係無助手 揀黎直接用
3)舞娘:超長buff 加攻加爆又回血 但buff力遠不如聖杯所以已經好少人用 好處又係無助手揀完可直接用
4)月夜:宜家仲好多人用但會退潮 佢最大作用唔係buff 係buff完開嘲拉走對面第一個打手 但呢個作用會係黎緊出魔法少女盾時被其取代
4星攻:
1)黑弓:大部分4星角都係總有用處的 你玩玩下其實到最後你都會+9曬呢堆角色 我會選黑弓先因為推圖都好經常用 而且無咩角色可以代替佢 佢又一定要最少+9先好用
2)小軍特:因為好多人都會合一隻5星軍特用黎推圖打協力 所以如果你已經有軍特就唔駛揀佢 掉反轉如果你無合到軍特或者拎左隻軍特去合大波法 我就會首選呢隻推圖同打協力 另外小天都唔小人用
3)獅炸:公會戰破陣必備 推圖小天有時都會用
4)槌妹:推圖同協力好用 小天用黎打反法同破盾角都唔少人用
5)貓妹:目前大天少有可以上場的4星角色 不過要+15 同埋要雙子輔上吸血buff先好用
6)火弓:都係要助手高加先好用 小天同會戰都用得著
7)加肯:公會戰用 可以換走對面最難對付的打手 不過先決條件係你要有好好嘅猛攻符文比佢用
8)銀浪:少有打後排兩格的打手 但攻擊力已經跟唔上大隊啦 推圖同公會戰有時會用
9)剪刀手:世界王用 但唔需要高加值 所以無必要呢到揀
4星盾:
1)勒內:有回血有硬度有一定攻擊力 小天常用角 出助手後好多人已經+15呢隻了 不過因為開game就送一隻 你可以唔揀自己慢慢養
2)貴婦:勒內出助手前佢都算係4星第一硬盾啦 小天/推圖常用
3)冰槍:一插3格 攻擊力幾高 公會戰週不時會用黎打d筷子陣 小天都有d人用
4)小看板:公會戰開路神角 用黎消對手嘲諷 不過一般新手都唔會被人叫去開路掛 但呢隻+9係終身受用的(唔一定要6星)慢慢都要練一隻
5)BDM:正常無咩用 但黎緊可能有奇效 因為佢低攻唔食buff又4連擊打3格 用黎打無頭可消無敵盾次數 又唔怕骨奶d骨頭可以順便消埋
6)神牛:世界王用 小天都有人用 如果只用世界王6星+0就用得啦 唔需要呢到揀
7)藍劍:世界王用 又係唔需要高加值 所以唔需要呢到揀
8)黑槍:宜家專門用黎打大奶盾 公會戰用 無芭芭拉就用佢打
9)魅盾:黎緊會出助手變小天神角 打人或被打都會上魅惑 但目前無用 到時先練未遲
4星輔:
1)沉默輔:小天最常用輔 buff力直逼5星輔 又會幫隊友上沉默 但最好要埋助手+15變9宮格先好好用
2)熊妹:防弱化十分好用 如果你無雙子輔or你d打手本身無防弱化就要用到熊妹啦
3)人偶輔:公會戰會用 用黎改變你d打手攻擊位置 例如將獅炸由打最後變打最前 將來有人會用佢配吹波糖追殺無頭
4)書輔:萬用輔 咩都有d 可以話係3星輔眼鏡妹強化版
5)約翰:5星棺材的下位版 用法類似不過只buff一隻 用黎buff萬聖盾增強硬度再幫佢上埋嘲諷
6)骨輔:公會戰常用 用黎換走對面打手 之前又可以幫自己人上buff 不過又係要刷下d好少少嘅活力符文先好用
7)黃毛:協力用 小天都有人用 幫自己人上綠人buff 不過5星+9都夠曬用 無大必要上6星
8)綠毛:世界王用 一樣+9變9宮格 但無必要上6星
4星法:
1)反法:以前小天霸主 不過出左唔少角色針對同取代佢 所以宜家少左好多人用 目前最大用途就係推圖 雖然開game玩幾日就會送一隻 但我都會建議呢到先揀一隻6星+9幫你迅速推圖拎資源
2)法炸:公會戰常用 但+9唔夠力 最好+10 最適合用黎換走夏娜/白魔 小天同推圖都會用
3)病驕法:世界王用 +9都用得 但最好+10
4,5,6)都係世界王用 主要係要佢增加傷害個技能 所以唔一定要加滿