（含閃光）6日5夜大阪喪跑周遊卡之旅包膠

新手出文，請多多指教

背景：
情侶共用一個連登account，主力係女方用
女方自稱Hanami或者花見絲
如果男方蒲頭會先自稱Hana巴或者花見巴


Hanami有去過旅行，不過都係跟家人一齊去，做個正宗鴨仔
而Hana巴未去過國 所以今次自由行係兩個新手一齊盲中中咁去

知道好多巴絲都係好多旅遊經驗 所以我都係純包膠算

前言
11月底嘅時候，見到HK Airline 10週年優惠 所以掙扎咗兩日，最終我哋都係訂咗機票去關西

17年2月16日出發～17年2月22日返香港
去程夜晚6點起飛，返嚟夜晚11點起飛 夾埋好勉強當六日五夜
但其實去嗰晚落機就要趕去酒店 我哋訂咗喺肥後橋站嘅麗嘉中之島酒店

以下先為報價，後作解釋：
總數每人大約用咗9868港元
1）機票：
HK Airline 1250港元/1個人（連稅）
電話訂機票，所以包埋手續費
2）酒店：
麗嘉中之島 2850/5晚 （包早餐）
3）環球影城：
門票連fast pass 900左右/1個人
官網訂
4）兌錢：
每人拎咗6000出嚟，兌咗17萬5千yen
最後9萬5千yen做公數，其餘平分
5）最後只喺機票碌咗卡，約250蚊港元

由最初Plan行程打算會去吓京都，奈良呢啲地方
但後來再傾，Hana巴比較想盡量玩咗大阪先，所以決定咗以下行程

Day 1: 落機，趕去酒店大教瞓
Day 2:黑門市場->心齋橋->燒肉放題
Day 3:大阪周遊卡
Day 4:大阪周遊卡
Day 5:USJ -> 呃錢蟹宴
Day 6:心齋橋最後血拼->機場

就係因為Day 3同Day 4，所以我哋就將閒遊之旅變咗做喪跑之旅

或者有啲人會覺得去大阪唔去埋京都嗰啲好kai，同埋買周遊卡真係好on9。但係旅行都係想自己開心，同Hana巴商量之後決定咁嘅行程。再嚟關西先主力玩其他地方

而今次Hanami去大阪有一個好重要嘅任務 就係瘋狂掃Hello Kitty 地區限定筆

喺正式開始之前，Post幾張返嚟之後補寫嘅日記，好撚壯觀


如果有人咁不幸留名，出得慢唔好屌得咁大力

支持

5）最後只喺機場碌咗卡，約250蚊港元

手腳突然唔協調

支持

Thanks

想睇燒肉放題
食左邊間

最憎人放閃
我睇完燒肉就走

想睇燒肉放題
食左邊間

燒肉力丸啊，兩篇後出

最憎人放閃
我睇完燒肉就走

咁忍多2篇

首先整返個港航同酒店評價加成個旅程嘅review

香港航空

上機嗰陣都黃昏 好記得飛上天嗰刻拖實Hana巴，佢緊張到出晒手汗 超cute cute
飛機餐真係好垃圾

去嗰陣成程機都睇戲，啲戲都幾新，但係中途窒到癡線
而落機都唔算比原定時間差太多，都叫可以接受
但係想講 我哋6點嗰程喺香港飛，去到大阪就11點原機返香港 回程瀨咗嘢，個電視壞咗 啲工程師整唔切
空姐話可以比我調位，但係全機都坐爆晒
不過剛好回程咁啱病咗 咁就瞓足全程機

酒店
去之前已經知自己中咗伏，不過錢已比
咁就頂硬上 本身Hanami話唔要早餐，但Hana巴堅持想要 咁就買埋
整體選擇唔算好多，不過都唔算厭
都有日式，西式，中式，味道唔算難食，比較家庭式feel
返到香港有掛住啲早餐


至於房間方面
因為我哋透過Hotels.com買 睇返評價真係一鳩樣 執喼好辛苦，要一個喼執完合返埋先再開另一個
而且張床好硬 仲要個枕頭好扁 搞到尾兩三晚瞓到有啲腰骨痛 同埋間房啲暖氣搞到勁焗 就算熄咗都焗焗哋，仲要開唔到窗 不過就好彩有部加濕機救返我哋一命
景就好普通樓景

因為我哋成11點先落機，而酒店聲稱12:30 last check in，所以事先戴定頭盔改1:30
感動嘅係我哋1點趕到酒店嘅時候，一入lobby，個職員已經講得出Hana巴個名
不過除咗第一晚以外，平時出酒店啲職員塊面好似都黑黑哋

Hanami最後總結：
酒店早餐有好有壞 壞嘅係少咗quota食多餐 但好嘅係朝早食完返上去化完妝出門時間玩啱啱好 仲可以避免賴床
同埋地理係唔算偏，不過搭程Subway去本町，難波，梅田都唔係平

整體
剛好我哋撞正韓國人畢業季 成件事有啲悲慘
因為啲泡菜人嘅禮貌真係好恐怖

快快手手講埋第一日
落機後，我哋就衝去搭南海電鐵，然後再轉的士
事前計過係比較合理又時間唔差太遠嘅方法

喺難波站落之後跟人行，然後見到個司機就用啲好屎嘅日文問APA Hotel 最後安全抵達
去到酒店就1點，上房沖完涼就瞓教

報價：難波站搭去肥後橋站約1000yen上下

而Hana巴未出過國

我應該係盲撚咗 聽日出燒肉同黑門市場

幾好

幾有心機

快

我同女女都係呢段時間去台北
一樣好多韓國人

我同女女都係呢段時間去台北
一樣好多韓國人

泡菜國啲人真係嚇死人 講sumimasen叫佢讓一讓都可以望一望你照企喺度
同埋啲韓妹係影一個景點嘅相可以阻住全世界半個鐘而佢哋係覺得無問題

快

食埋個早餐出比你
多謝再樓上嘅讚賞

支持

漏咗講旅保
旅保我揀咗日本公司 133蚊包晒咁多日

第二日
前一晚成兩三點先瞓 然後第二朝7點就起咗身去食早餐
第二日係成個旅程最輕鬆嘅一日嚟
咁之後返上房等我變裝完成之後，因為個肚仲好飽 咁就先去咗心齋橋

我哋住喺肥後橋站，屬於四橋線
咁我哋如果去心齋橋，其實都會揀喺難波落然後慢慢行過去 不過第二日好衰唔衰就落雨
本身第一晚落機係算和暖 但一場雨就令到之後幾日變寒

去到心齋橋 咁我就開著turbo去買晒人哋托我買嘅嘢先，因為玩玩吓要記住買咩真係好煩
以下為少許店舖小包膠

心齋橋Disney Store
老實講 心齋橋店可能真係人流好多，舖頭入面啲貨係好唔齊 本身想買隻小飛象tsum tsum 比朋友，點知係無 成個櫃最多係小矮人呢類兵，或者公主呢類臭雞
Sanrio
基本上一鳩樣 反而喺天保山嗰間行得仲開心 下次嚟大阪會為咗啲筆而走轉天保山

血拼過後就慢慢行去黑門市場

喺過跑男之前，見到麥當勞，就衝咗入去買咗個士多啤梨三角批 いちご🍓
個人覺得佢個批比喺香港嘅酥軟啲，無咁脆身但就多層啲 而中間嘅士多啤梨餡就太甜 食咗兩啖有餡就掉咗比Hana巴執手尾

過咗跑男之後，沿住板橋筋行去難波
喺難波行去黑門市場中，我就覺得太凍，咁就買咗罐香港都有嘅粟米湯


落住雨，拎住啲手信，終於行到去黑門市場

入到去即刻比好多好多海鮮吸引咗 最後我哋揀咗喺有西川（即係最多人嗰間食咗即開海膽同生蠔先

咁就盛惠3300yen

1800yen
佢哋開完個海膽會再喺面舖多少少比客 底下深色啲乾身啲係跟住個膽殼，原裝正貨 但係面頭橙啲creamy啲就係佢另外再舖面
Hanami就覺得，佢另外比嗰啲陣海膽味會重啲同入口即溶，而海膽本身嗰啲真係好普通 都係For呃Like

1500yen/2
真係一隻有Hana巴隻手板咁大隻 蠔味就唔算濃，但就好重海水味 我就覺得好鍾意，但Hana巴就覺得無下次

中間個女仔好靚

然後我哋再去食咗個拖羅丼 個大拖羅真係入口即溶 喺香港食過700蚊餐嘅日本嘢都唔及呢個2500yen嘅拖羅丼

食到飽晒就去另一邊行吓街，幫人買嘢嘅同時就飲咗杯靜岡鮮榨蜜瓜汁 4，5百yen都唔平 不過就真係好甜好好飲 都係試過一次就夠

而喺西川嗰一邊嘅巷行到差唔多最尾，比我哋發現咗全場最平嘅淡雪同白莓 檔嘢係兩位伯伯嘅
一盒淡雪加一盒白莓先係1600yen
但係就會比較生啲，我哋放喺酒店間雪櫃當每晚宵夜，擺多兩日先至真正好食

打住咁多先，驚出唔晒 唔好屌得咁大力，下篇一定有燒肉

我4月份都去大阪 ! 其實早餐係咪出去食好d ?
我d 同事又話日本d 食店好遲先開
無早餐食
酒店個早餐都唔平

我4月份都去大阪 ! 其實早餐係咪出去食好d ?
我d 同事又話日本d 食店好遲先開
無早餐食
酒店個早餐都唔平

個人覺得酒店食有好有唔好
因為就算搵到早餐食，食完都會唔知去邊好，因為啲舖頭全部未開
如果住喺心齋橋難波梅田度而又搵到早餐都可以唔洗買酒店嗰個，起碼食完可以返上酒店hea陣
但好似我咁住肥後橋，買都無蝕底

我4月份都去大阪 ! 其實早餐係咪出去食好d ?
我d 同事又話日本d 食店好遲先開
無早餐食
酒店個早餐都唔平

個人覺得酒店食有好有唔好
因為就算搵到早餐食，食完都會唔知去邊好，因為啲舖頭全部未開
如果住喺心齋橋難波梅田度而又搵到早餐都可以唔洗買酒店嗰個，起碼食完可以返上酒店hea陣
但好似我咁住肥後橋，買都無蝕底

我住心齋橋果邊 一落酒店就係心齋橋 係咪真係好難搵到早餐食？
第一次去日本 乜都唔識
諗住去埋環球影城
D fast pass 同坐地鐵果d 卡 係咪要係香港買定？
我4月8號去 唔知仲有無櫻花睇

我住心齋橋果邊 一落酒店就係心齋橋 係咪真係好難搵到早餐食？
第一次去日本 乜都唔識
諗住去埋環球影城
D fast pass 同坐地鐵果d 卡 係咪要係香港買定？
我4月8號去 唔知仲有無櫻花睇

可以睇吓呢個網啱唔啱你
https://battera.co/zh-hant/fortourist/i00139-tw/
USJ門票我哋喺出發前半個月買 上佢日文版官網買嘅
即場就少啲機會買到Fast Pass，因為先到先得，如果唔怕麻煩自己上官網買就最平，可以搵啲教學blog睇住買，好容易
至於IC卡（八達通）就可以喺關西機場個地鐵站買，而周遊卡就可以上網搵最近你嘅地方買（通常都係酒店嚟）
Enjoy your trip

我住心齋橋果邊 一落酒店就係心齋橋 係咪真係好難搵到早餐食？
第一次去日本 乜都唔識
諗住去埋環球影城
D fast pass 同坐地鐵果d 卡 係咪要係香港買定？
我4月8號去 唔知仲有無櫻花睇

可以睇吓呢個網啱唔啱你
https://battera.co/zh-hant/fortourist/i00139-tw/
USJ門票我哋喺出發前半個月買 上佢日文版官網買嘅
即場就少啲機會買到Fast Pass，因為先到先得，如果唔怕麻煩自己上官網買就最平，可以搵啲教學blog睇住買，好容易
至於IC卡（八達通）就可以喺關西機場個地鐵站買，而周遊卡就可以上網搵最近你嘅地方買（通常都係酒店嚟）
Enjoy your trip

唔該晒 今晚放工返去研究下

心齋橋去過一次一定唔會有第二次
班大陸人同港豬迫撚到
鋪頭班sales對住班人做到黑哂面
同去左旺角波鞋街一樣