各位被濫捕手足，踢保踢保踢佢老母
https://youtu.be/XmNkwLlFX4o
依條片快必都講得好清晰嘅
幾日前都同律師商量過踢保好無
對於我單case，律師有兩大concern
一係我被搜出有少量gear 有walkie 有電筒
雖然完全不構成攻擊性
但係同完全零gear嘅街坊相比就會麻煩少少
其次最大concern係始終小弟被捕過程引起公憤，係千幾名被捕人士之中較注目一人
律師擔心我現身發言指責過黑警，會被報復式控告令身份曝光
咁我都做好晒一切心理準備決定踢佢老母
今日小弟依照報到時間到達狗屋
然後交保釋紙出黎 同佢地講「我踢保唔再續保啦」
叫我等 然後有內線call我講左啲廢話
總之就係單case處理之中未完所以要我保釋
咁我就好堅定講「我依加踢保啊唔會再續保，一係你就拉9我上庭啦下」
咁就等左個幾鐘有多 我估佢地喺裏面屌晒鬼咁review返我個case
最後叫左我入房（可以有人陪住，佢無關門）
寫左段文字俾我睇，內容係註銷我保釋、無條件釋放、若日後有證據會保留隨時拘捕同檢控我
都係啲官腔 簽完名 都係等
最後佢地俾返保釋金我，而其他被收物品（包括電話、裙、鞋）就未拎得返 要等CID
結果就係我成功踢保啦！
1. 唔好傻豬前一日打電話俾黑警話會踢保，咁會變左提醒佢地預時間搵料砌你
我地係完全唔需要知會佢地任何野
去到就話踢保殺佢一個措手不及
因為佢地係鳩拉製造白色恐怖，如果係有料告就好快提堂
2. 對住班黑警最緊要係淡定冷靜唔驚唔理佢，任何時候都係
知道咩時候自己要適當地合作，咩時候唔撚洗理佢
被捕後佢地會軟硬兼施撩你講野吹水
總之唔需要理，令佢地無癮
記住任何時候都要提高警覺
3. 踢保係兩個極端結果，一係就無事走人
一係就要被控告上庭
黑警係無權再扣留
踢保都係一種逆權抗爭，話俾黑警我唔撚會俾你嚇怕控制到
希望打算踢保嘅手足都成功，武運亨通！
小弟喺狗屋門前寫左段我不自殺聲明
我堅持信念，心存理想，熱愛香港，決不自尋短見
如若因離奇意外/自殺而與世長辭，兇手只會係殘暴不仁港共政權
光復香港，時代革命
五大訴求，缺一不可
寧化飛灰，不作浮塵
寧鳴而死，不默而生
