踏破鐵鞋
2017-03-16 00:09:46
小弟而家旅行中, 係南美, 見有時間就的起心肝開post 求支持, 遊記後補。我打字好慢, 所以不定期更新。問題會盡量答。
踏破鐵鞋
2017-03-17 01:25:19
大家好,今次係小弟第一次寫遊記,想記低自己嘅經歷,文筆有啲差,唔好屌咁大力,問埋我影相好屎,希望你地鐘意同留低正皮黎支持下我咁,有咩想知可以隨便問。
我一開頭其實冇諗過去邊到,淨係諗住去周圍睇下,探索下個世界咁,就黎咗南美。
我上網搵過下啲機票,買咗張單程去阿根廷, 就出發咗。Btw,單程機票真係好撚貴,記得早啲睇定同plan。
我首先由香港飛咗去多哈,十個鐘,跟住下班機又要等多十個鐘,之後由嗰度飛咗二十個鐘,中間係巴西里約熱內盧停咗一嗰鐘加油,不過冇得落機,總共用咗四十嗰鐘先到,去到己經係夜晚九點。我攰到仆街,用咗機場嗰wifi搵到間好似唔錯嘅hostel,佢地話最好嘅方法去嗰到係用穿梭巴服務,叫Manuel Tienda Leon ,百幾港紙到,事後睇過係最抵,佢車所有人去一個近市中心嘅中轉站,然後再轉的士,大約一個半鐘頭到。係的士嘅時候我同同車嘅人吹水,識咗嗰埃及人,吹咗陣,佢問我去邊間hostel住,我指咗嗰地址俾佢睇,跟住我就冇咗件事。
去到房已經十一點半,我開門入去,竟然入面啲人訓哂。我就咁跳咗上床訓咗,果時好天真咁諗可能呢度啲人係咁。。。跟住我好快就知道我錯哂,訓訓下三點幾就成功俾樓下啲人嘈醒咗,跟住五點離多次,咁就過咗第一晚。第二朝起身落去食早餐嘅時候順便問下有咩好做,同我roomate吹咗唓水,佢係一個中年英國人,黎過buenos aires 好多次,地頭蛇一個,跟住我突然見到番個埃及人,原來佢住嗰間酒店勁差,之後佢醒起我俾咗嗰地址佢佢就過咗黎。嗰日係星期日,當地有嗰頗為出名嘅市集,叫san telmo market。我去咗嗰度行咗一陣之後返咗去,見到嗰埃及人搞掂咗啲手續,我就同咗佢一齊出去行吓,吹咗陣,知道佢叫做fade,飛過黎係為咗移民,我問佢埃及危唔危險,佢話唔危險,只係要小心啲扒手,佢當地人住咗咁耐,都俾人偷咗銀包幾次,可想而知啲扒手嘅技術有幾高,嗰日行完嗰市集之後就返咗去,吹多咗陣就訓咗。