呢排太多濕鳩出嚟叫敗風
我相信好多明是非嘅巴打係絕對唔會同意呢個講法
更加係絕不同意運動前路未明嘅講法
相反依家運動先係前路明朗進入大直路準備衝線
我哋嘅運動由6月至今所付出嘅努力
令到政府最後要自割一刀撤送中,依家傷口仲流緊血
一舉證明當初至今無論大小嘅各個地區運動活動行之有效,方向正確!!!
最簡單以政府反應嚟論證
我哋行動無效又點會浪費資源去搞你?
政府依家出盡辦法又請藍屍又臥底又蓋世太保為咩嘢?
就係因為一路以嚟策略湊效
政府唔可以俾你哋所有分叉戰線繼續做落去!!!
第一樣最有效係文宣戰線
由連儂牆到twitter FB 呢啲戰線
由6月打到依家,全部戰線都係我哋lead緊
twitter 同 fb受國際壓力已經逼住要ban 1毛假ac
fb旗下嘅whatsapp仲要ban埋廢狗條爆料熱線
呢條線毫無疑問成本低,效益無限大
但係有做過文宣嘅師兄一定知依家無論喺任何一個國家嘅media comment section
都受緊巨大嘅1毛攻勢壓力
所以我哋呢條戰線係更加不能放棄同鬆懈
今次運動宣揚開去嘅#Chinazism同香港本土意識嘅數量係前所未有咁多
呢方面我相信係最少人有意見會覺得係輸緊嘅一條戰線
嚟緊光復連儂嘅運動係本地文宣嘅一個大仗
仲有Twitter戰線又係講到口臭
twitter外語組由當初一千人幾百人到依家九千人
成長好大但仍然係遠遠不足
希望大家可以積極參與吓
隨時隨地做得 又冇成本冇門檻
竟然都係得一萬幾千人做
第二樣最有效其實係每逢星期日嘅大型"購買日"
呢度所指購買日同當初有不反對通知書嘅活動係唔同大家要分返開嚟睇
太多人低估咗購買日對政府帶嚟嘅壓力同影響
每一次購買日嘅人數同效果都會直接影響下一步政府嘅盤算
所以每次好多巴打都出盡奶力唔同渠道去搵人參與
但係人數仍然可以再多啲
講真絕無誇大 你港島區人數夠多企喺度都贏撚咗
每逢星期日都搞大型"購買日"
政府自己已經要預先規劃定封鎖地區
商場要封舖地舖要落閘
好簡單唔好話多
你有十萬人出嚟金鐘"購買日" 企喺度幾粒鐘,已經可以宣佈嗰日又贏一仗
大家要明白有規劃去控制十萬個無共同目的但有共同意志嘅市民係冇可能
就算佢一視同仁地視呢十萬人全部都係所謂暴徒
佢都係冇可能有任何部署係能夠有效打擊呢個"購買日"
十萬個人向十萬個方向走
到佢清到場完結已經係徹底癱瘓咗港島區全日嘅生意同交通
每經過一次大型購買日政府所承受嘅壓力就愈大
一路疊到最後政府同黑警承受唔到
就需要做相應嘅行動/改變
從而逼使政府自設死線達到升級效果
而每一次政府被逼做回應就係我哋邁向嘅勝利嘅每一步
我結論好簡單
有任何人任何文章任何風氣出嚟同你講我哋步向緊失敗
我唔講有咩係人有咩係鬼呢啲,大家都唔好再捉鬼
嗰啲人一係講大話呃緊你
一係講大話呃緊自己
講呢啲嘅人佢哋覺得自己係冇風險可以退場嘅一班人
佢哋係想袋住先快啲收工嘅一班人
佢哋係每一次都搵緊藉口去解釋點解自己唔係星期日行出嚟嘅一班人
咁撚簡單約齊時間出去港島 人夠多企喺度已經贏撚咗
運動方向係從來未試過咁清楚
只差在最後一步
最後一步成事與否就係取決有幾多人堅持到行到最後一步!
每一次購買日嘅成果將會影響運動成敗
915同往後嘅"購買日"請香港人繼續企出嚟呀唔撚該!!!
最後想同仍然心存僥倖嘅人講
今次運動結果就算係好似雨傘咁無疾而終下場都會完全不一樣
香港從此再冇香港人
講完