終於，拍左衣條整羊肉Burger既片!!
今次我揀左衣個薄荷乳酪汁去襯個Burger，帶印度風味，希望大家有興趣啦
而衣個Post既另一目的就係
想請熱血既戰士黎我廚房返工
白紙定係有經驗人仕都歡迎，樓面都歡迎見工
可以隨時tg我呀，多謝!
TG: SeafoodPeter
衣條片其實真係拍左好耐好耐，但當我edit完準備好出片時，香港就病了
兄弟爬山，各自努力。
希望各位都可以堅持落去，為左香港而付出既同時亦不忙照顧自己，亦唔好介意受人幫助。
光復香港，時代革命。
我好希望，今時今日見證到既香港人既美好，係未來都可以保持住。
去片!
Youtube Link:
https://www.youtube.com/watch?v=uf-a4CAml2Q&t=29s
圖文開波!
1. 切哂整羊burger肉D材料先，材料切碎至跟羊肉免治size差唔多就可以。
2. 倒哂D料落去，撈勻哂先。
之後就用力壓下佢，搓下佢。
壓佢衣個動作就可以將D羊色治盡量捽散佢，等成兜野撈到勻巡D。
然後我地可以撻下D肉，撻到佢有少少黏性就OK了。
3. 整Mint yougurt醬，第一步係切開D材料先，唔洗切太碎。
切青辣椒前，我地可以壓一壓、碌一碌條辣椒，再係中間劏開佢一半，挖哂D椒籽出黎。
放哂D材料入Blender (記得加水，如果唔係就會好似Ivan咁打唔郁D野)，
水份要著量，唔好一次過加太多，最後出黎太稀或太稠都唔好。
4. 打到佢差唔多變哂做綠色汁汁，就可以加埋D Plain yogurt落去，
加yogurt除左要佢個味，亦可以令到成個醬個質感更加滑。
記得要試試味先，可以俾返個味去，落返D鹽、糖，試味試到岩為止。
5. 係搓burger前，可以拎一細粒肉仔煎黎食下佢個味岩唔岩心水。
如果唔岩心水，太鹹就可以加返多D肉、糖、薄荷葉落去中和返個味度。
咁唔夠鹹既話就當然係著量再落返多些少鹽啦。
6. 搓burger，係我地餐廳既話就會搓一個大約200g既burger肉出黎。
咁係屋企自己整既話就你喜歡啦。
拎左D肉上手之後，係兩手之間來回撻下佢。
搓左出黎之後，記得要係中間位用手指壓一壓凹佢。
作用係等陣間煎肉時佢唔會成個脹到好似波咁，頂住個burger bun。
7. 可以正式煎肉喇。
熱鑊落油，放舊肉上去。煎到兩面都有色，就可以拎個焗盤出黎，放肉上去，入焗爐。
大約3-4分鐘左右就可以拎出黎試下佢熟未。
搵枝銀針出黎，吉入去肉心，然後試試銀針個個位夠唔夠熱，唔會辣親你而又夠熱既話就OK! (叫做高暖)
8. 烘一烘個burger bun俾D色水佢先。
烘完之後就可以放芝士上burger bun同burger肉上面，再拎去焗，焗到D芝士溶溶地就可以了。
9. 係時候組裝成個burger喇。
係底層包上面放上生菜、紫洋蔥等配菜，放埋舊肉上去，淋上Mint yogurt，
擺埋面層個個包上去。由於成個包已經疊到好高，我地可以換竹籤插住個包去固定佢。
除你個人喜好，咁我地餐廳出菜俾客人就緊係會有埋薯條同沙律啦。
去到衣步就大功告成，食得!
多謝大家睇
希望request我既個位紅字user會睇到啦!
推
