「我冇嘢講」原來有風險？被捕到底要點做？等李安然律師話你知

仆街要起名 2019-08-28 15:57:59

「我冇嘢講」個風險只係損失金錢！
可能無法成功申請訟費（無法取回律師費）
但緊記你所講嘅說話都有可能作為證據指控你！
呢個風險更大！

記住我冇嘢講！！！！！
警察家長「示威者」面前都要
我冇嘢講！！！！！

下面詳細話你知點解
——————————————-

李安然律師教你被捕後的救命招　文字版
（僅記錄大部分內容）
（內容次序有整理以便閱讀）

完整版請睇
https://www.facebook.com/KanZhongGuo.web/videos/486314495263561/?v=486314495263561

<被捕後、搜屋的法律知識>
重點：

被捕後
。保持冷靜
。行使緘默權-我無嘢講（唔只對警察，仲有家長、「示威者」）
。被捕時勿解鎖電話以致電律師及家人
。警方可檢取電話但你冇責任解鎖電話

延伸:
為何要我無嘢講，包括警察、家長、一起被捕之「示威者」
「我無嘢講」嘅風險（無法申請取回律師費）

搜屋
。如沒有法庭搜查令，你有權唔同意配合警方，唔允許警察搜查屋企

———————————

被捕後

第一冷靜
一定要保持冷靜，你可能會見到冇諗過嘅事會發生於你眼前，可能會見到被打，可能會見到律師，請一定要冷靜。

第二我無嘢講
你絕對有權利行使緘默權！作為市民，並沒有責任配合警察調查。
唔只係對警察我冇嘢講，而係包括身邊陪同你的家長、一起被捕嘅「示威者」都要我無嘢講。於一件案件中，警察無需任何人證物證，一旦你於證供中承認你犯罪，即使這份證供是唯一證據，都足以令你定罪。

第三你冇責任解鎖你嘅電話
記住你被捕當刻，唔好攞電話出嚟，唔好打電話比你嘅律師/屋企人，因為你攞電話出嚟解鎖當刻，警察可以即時檢取你嘅電話。

警方可以選擇任何時刻檢取你身上相關的物品，特別係你的電話，特別你係示威現場。因為你於示威現場，你有機會非法集結，即係你有機會與一班人騷擾社會秩序，佢檢取你嘅電話就係要查證你有否與其他人預謀或串謀走嚟呢個地方。
所以當你被捕當刻，請唔好拎電話出嚟，唔好解鎖電話，唔好當刻打比律師/屋企人。

要打電話嘅，你可以於警署，要求用警方電話打比律師，打比屋企人，叫屋企人搵律師。你冇責任解鎖電話，警方要攞電話走，比佢攞走，但問你手機密碼，除非得到你同意，又或取得法庭搜查令，否則你無需配合。

———————————

為何要「我無嘢講」？

對於警察：
「我無嘢講」背後的精神是因為警方會有多種方法去調查，警方好想你同佢合作，警方拘捕你的目的只有調查以及指證你。愈同警察合作等於配合警察指證你自己。

對於一起被捕的「示威者」：
被捕者有可能是臥底，萬一臥底聽到你任何可以指證你犯法的說話，佢可以將說話作為呈堂證據。

對於家長：
警察有可能會跟家長解釋，「因為小朋友於警署已二十多小時，由於我們無法跟小朋友作完整調查，因為小朋友選擇唔講嘢，調查程序一直未能開始。」家長可能會勸小朋友配合警察，「快啲講哂，快啲做好保釋，就快啲有得走」。當你同家長講嘅時候，旁邊係有警察。因為警察擔心你跟家長通風報信，叫家長於警察上門搜供之前將屋企啲嘢扔哂；跟律師講時，亦有警察在旁。

律師嚟到，你個份證供先對你最有保障。
所以我無嘢講，係律師未嚟之前我無嘢講，面對警察我無嘢講，面對「示威者」我無嘢講，面對家長我無嘢講。

———————————

到底有啲咩講咗會作為證據？

以下舉例參考：
你叫咩名？我叫陳大文。
你知唔知7月1日民陣有搞遊行，呢樣嘢全香港人都知，你話我知。
咁遊行係咪下午舉行？你話係呀
咁你下午有冇離開屋企出門口？你話有呀
咁你有冇去維園？你話有呀
咁你知唔知晚上遊行之後發生警民衝突？我知呀
咁你有冇去現場了解當時發生咩事？我有呀
咁即係話你係咪係示威現場，你係警民衝突嘅現場裡面？　

你係！你已經幫警察一路講一啲你以為冇真言，好簡單，人人都知嘅答案，一路幫警察建立證據指你係現場。

請緊記你絕對有緘默權保障自己

———————————

仆街要起名 2019-08-28 15:58:10

補充例外情況—「我無嘢講」嘅風險

非常清白的你被拘捕後，或會因「我無嘢講」而無法成功申請訟費（無法取回律師費）。

假設你非常冤枉，係一清二白咁被人拘捕，你可能只係路過，但卻被指非法集結而拘捕咗，CCTV都影埋。個風險係你最後上到法庭，你話你只係路過，法官相信你嘅講法，判你無罪釋放，但於這個時候你可以申請訟費，跟律政司攞返律師費，但法庭可以因為你於警署沒有盡快解釋，因此自招嫌疑，而拒絕比返律師費你。

但切記，這風險最大的損失只是律師費，緊記你所講嘅說話都有可能作為證據指控你。

———————————

搜屋

如沒有法庭搜查令，除非你同意，否則佢唔可以去你屋企。你有權唔同意配合警方，唔同意搜查屋企。

警方可能同你講，「快啲同意，快啲做完保釋，咪可以快啲走。」請自己諗一諗，係咪話你肯同警方配合就一定盡快釋放你？如你認為唔係，無論你係咪同警方配合，你都未必有得早走，所以請諗諗，係咪真係需要配合警方，允許警方上你屋企搜查。

如警方上屋企搜查，你可以同警察講清楚，你需要有律師在場監察整個搜屋過程。

———————————

光復香港時代革命
五大訴球缺一不可

幫推呀屌！！

光復香港人 2019-08-28 15:58:36