1. 提高勇武士氣；令更多手足加入義士行列
；同時形成對比，加強黑警過街老鼠既形象
。2. 營造全港大眾支持勇武既氣氛，爭取游離群眾支持
3. 向支共港共展示和理非不割既決心
4. ［附加項目］ 透過重提二戰抗戰史，一方面Connect 加拿大；同時提醒港人當年邊個為我地犧牲，保護我地（一定唔係共匪，嚴格黎講亦都唔係中國人）
首先要利申，呢個post 係偷另外兩位巴絲既post既概念 （830香港重光紀念日 咁都冇人講？https://lihkg.com/thread/1507938/page/1 ；［行動討論］星期五係香港重光日https://lihkg.com/thread/1506321/page/1） ，多謝兩位巴絲
。近兩星期以黎，係連登都見到好多多謝勇武既post ，其中有個更加係過兩萬正皮（連登全體心聲：感謝勇武https://lihkg.com/thread/1504748/page/1） 。另一方面，上星期沙田柚英雄式迎接義士，成為一時熱話（https://youtu.be/77xWR0agV2I）。冇錯，勇武義士係我地呢場運動既支柱，同時又係付出最多、受傷最多既一群
。唔少手足都提出好多方法去支援佢地，一方面不斷提醒「核彈都唔割」，另一方面好多金援計劃亦都進行緊，我認為呢d 係必不可少既支持。但係除此以外，我地仲差緊呢d 前線義士一樣好重要既野：榮譽！每一個國家都非常尊重佢地既戰士，因為有佢地國民先可以安心生活。而我地既義士何嘗唔係做緊同樣既野呢？係美國，military 永遠都係得到優待，排隊都有fasttract。其實香港唔少人都做緊，小弟試過發完夢廚師唔小心「整多左」幾份小食，野飲又唔收錢。（講起都慚愧，小弟只係中後排得個企字，而真正既前線義士就食緊彈。
）但呢樣野我地要更有系統去做，係大家心入面建立一個諗法：呢班勇武義士守護我地，佢地擁有無上光榮。咁要點樣建立呢個想法呢？我認為今個星期五 — 830 重光紀念日，係行動既好時機
。已經有巴打提議，個日我地 20:00-21:00去中環和平紀念碑默站。但係呢樣野之上，我地可以加入多謝勇武既元素。我建議舉行「# 多謝勇武 #warriorsofhongkong」campaign，大家係參與默站既同時，緊記係社交媒體開post，加入呢兩個hashtag，或者加一兩句想同前線勇武義士講既說話。如果可以既話，亦可以係附近例如行人隧道整連儂場（一定唔可以搞個埤，係大不敬！
），寫低多謝勇武既字句。親身去唔到既，我地一齊係各個社交媒體，甚至係全港各地，張貼呢d 「多謝勇武」海報，營造一個全港感謝勇武既氣氛（其實去左既都要做）。
選擇重光紀念日，仲有其他用意。一方面係用黎突出英國、加拿大及澳紐聯軍係二戰入面保衛過我地嘅屋企香港；同時加強香港本土歷史教育。但更重要既係，我地可以籍此多強國際文宣，大家可以同時加入hashtag「#ThankyouCanada #fightwithusagain」，透過多謝加拿大，直接去Connect 佢地，好彩的話可能得到國際coverage。
在此，大家可以重點提及當年來港助戰既加拿大軍。當年為左保衛香港，連加軍指揮官羅遜准將（Brigadier Lawson）都係黃泥涌峽戰死埋，佢唔止係香港保衛戰戰死既最高級軍官，同時都係加拿大係二戰陣亡軍官中最高級嘅。仲有奧士本John Robert Osborn (1899 – 1941)， 佢當年為左保護同僚生命，不惜自我犧牲，縱身覆蓋手榴彈，獲追贈大英國協最高榮譽嘅維多利亞十字勛章。奧士本除左係香港戰役中惟一一個，同時都係第一個加拿大人獲得依項英國最高殊榮既人。佢哋兩位嘅事蹟，建議大家睇一睇呢條片（https://youtu.be/mPLyGYhbedE），到時記得些牙。佢哋既英勇行為絕對值得歌頌，同時又令人聯想起同樣係奮不顧己，保衛香港既勇武義士。但大家記得，當年為香港犧牲既英軍並唔係得Lawson或者係 Osborn ，仲包括埋來港助戰同日後重光香港嘅加拿大軍、英國同澳紐既英雄，切勿只提及佢哋是但一個，傷害人地人民感情
。呢個龐大計劃，需要每一個連登仔支持
。如果大家同意既話，請係自己圈子開始發放「830多謝勇武」計劃既資料，務求另全港義民都能夠參與其中。各位和理非，呢一場民意戰就係我地既責任！
而係實行之前，我需要請各位手足集思廣益，幫手解決幾樣問題：
1. 文宣圖，小弟寫野尚可，出圖真係唔得，呢到搵左幾張二戰拋磚圖，希望高手賜教。Version 越多越好，以下亦有d 當年英國文宣，可以做參考。
2. 對於呢個計劃有任何疑問、意見，小弟一律歡迎。係呢場運動入面，小弟學到既就係謙虛，香港真係臥虎藏龍之地，只係唔知點解個政府係由弱智把持。跪求大家多多支持。
最後我想講，場仗仲有排打，各位手足頂住！
光復香港 時代革命
五大訴求 缺一不可
［實用攻略］
1. 請善用Hashtag，記住，全左facebook，我地仲要推上Twitter 同 Reddit!
#重光
#保衛我城
#warriorsofhongkong
#保衛香港 #savehongkong
#liberatehongkong
#revolutionofourtime
高階玩家可用埋 #victoriacross，好彩可能connect 到英國老兵
2. 以下係一d 二戰英軍/加軍文宣圖，跪求巴絲幫手改圖
個人特別鍾意頭盔個張，希望有巴絲改成義士用既安全帽
