[異能戰鬥]【為了與女友出國旅行，我只好打示威者來提升信用評級】

～全文完～
無爛尾，可以放心追
過兩日會寫埋後記同出問卷調查

有冇第二季

推到有

少有冇爛尾的故
一開始追po到而家完左有d唔捨得添

《為國旅行》全文已經完結，倉促寫成嘅十二萬字無經過周詳規劃，當中可能有唔少犯駁之處，而且文筆亦甚為粗糙，但係呢五個幾月大家都無放棄我，我衷心感謝所有閱畢全文嘅讀者。但係正因為今個故寫得即興，所以我都寫得快過之前好多，而呢一點亦都係我喺今個故入面最大嘅得著。但係如果你都係覺得我寫得好慢，請你今後繼續支持我，見證住我嘅成長。

今次嘅結局可以話係有啲開放式，希望大家會鍾意。由於唔打算寫續集，所以喺中期投票之前我都係傾向全滅結局，國士會死淨安娜一個返烏克蘭，但係睇完投票結果之後就改變主意，寫咗一個大部分人都存活嘅結局。至於續集，我仲未決定寫唔寫，老實講最後都係睇本篇嘅人氣決定。寫完淡星嘅時候我都想寫續集，但係我問咗自己一個好殘酷嘅問題，既然本篇都無咩人睇，咁續作又會有幾多人睇？但係就算決定寫續集都唔會即刻開始寫，因為我已經決定咗下一部小說嘅主題，一部我視為人生中最重要，不得不寫嘅故事。

香港保衛戰──一部以二戰時期香港戰場為主題嘅歷史小說。喺兩年前睇完托爾斯泰嘅戰爭與和平之後，我就打算以香港保衛戰為題寫一部類似嘅小說。特別係呢八個月嘅經歷，令到只係業餘作家嘅我有一種使命感，要寫出屬於香港民族嘅歷史小說。雖然可能係吃力不討好，可能會比之前嘅小說更加冷門，但係我都想更多人認識到呢段歷史。

下一部小說我會好似之前Nostalgia咁寫哂先出，所以可能要等幾個月甚至一年先有得睇。中間我應該會整理好青文獎篇落選作品貼出嚟，同埋睇下之前嘅故有無咩短篇未寫。喺呢段期間大家如果無嘢睇，不妨睇下我之前嘅兩部小說，淡星同Nostalgia，一部係十萬字嘅異星球奇幻小說，一部係四萬字嘅廣東話社會愛情小說。又或者睇下托爾斯泰嘅戰爭與和平，感受一下文學巨匠嘅魅力。

最後希望大家可以幫忙填份閱後問卷，中期問卷有67人填咗，如果閱後問卷少過67份我一定會傷心到失眠。《為國旅行》唔只係一個故事咁簡單，而係一個真實存在嘅世界，即使無我嘅敘述，陵陵佢哋都會堅強咁生活落去。我哋下個故事再見！

問卷link:
https://forms.gle/UhHhUwL7tjXkQezu5

答你唔到
但短期內唔會有

五個半月啦
多謝支持

完結灑花
由頭追到尾 佳作

Btw柳如潮係邊個？皇后？

唔捨得

原來五個半月啦，好唔捨得隻故

係
我都諗過使唔使寫柳如潮(皇后)

多謝支持

BTW 第七題我加返續集嘅選項入去
我見有人咁答先醒起我無加

《為國旅行》唔只係一個故事咁簡單，而係一個真實存在嘅世界，即使無我嘅敘述，陵陵佢哋都會堅強咁生活落去。我哋下個故事再見！

中伏
呢度應該係霄漢
陵陵係上個故嘅主角，我copy完唔記得改

成個故都比人叫皇后

隊長連名都冇 仲慘
定係有講過名 唔記得左

無講過
開頭無諗過佢咩名
之後就咁算

個故好精彩

三日由頭追到尾 好好睇